1 Wakorinto 9:10 - Kivunjo New Testament 1999

¹⁰ Ang'u naigamba kuṙo kyipfa kyaṙu? Yee, shileṟeio kyipfa kyaṙu; kyipfa ulya ekyeṙema nawaṟi iṙema kulawoṙe ipfiio nyi mṙoe; na ulya aihuo shindo nawaṟi ienengo ṙombo lyakye.

1 Wakorinto 9:10 ပူးပေါင်းရင်းမြစ်များ

Matayo 24:22

Na kokooya mfiri-yo ilawechifuhiṟo, mndu oose awechikyia-pfo; kyaindi kyipfa kya wasambuṟe mfiri-yo yechifuhiṟo.

Waroma 15:4

Cha kyipfa shoose shilesonguo iṟeio shileṟeio kundu shiluloshe soe; kundu kui wusimiri na iwiyiṟio moo lya shiṟeio luiṙime iwaṙa ikusuria.

1 Wakorinto 3:9

Kyipfa soe lukyeri waṟundi hamwi na Ruwa; nyoe nyi ṙema lya Ruwa, nyi numba ya Ruwa.

2 Wakorinto 4:15

Cha kyipfa mbonyi tsoose nyi kyipfa kyanyu, kundu isaṟia-lyo lyikaengyeṟika mnu, ko iwo wakyeri wafoi kyiano kyiengyeṟikye, na Ruwa nang'anyiso.

2 Timoteo 2:6

Kyiwaṟi mṙemi awoṙe wukyiwa wo maṟunda nawe o kuwooka iambilyia ṙombo lya ndunda.