1 Wakorinto 8:9 - Kivunjo New Testament 1999

⁹ Kyaindi ambuyenyi wuiṙimi-wu wonyu wo iwuta kyoose mokunda wulachetewe walya wafafa wanyamaṟe.

1 Wakorinto 8:9 ပူးပေါင်းရင်းမြစ်များ

Matayo 18:10

“Mulamine umwi o iwa watutu, cha kyipfa ngammbia kye malaika wawo ruwewu mfiri yoose wekyeambuya kyaam kya Awu-yoko akyeri ruwewu. [

Waroma 15:1

Kyasia kyiluwaṟi soe luwoṙe pfinya iṙuo wufofo wo iwo walawoṙe pfinya, maa kyiluwaṟi iwuta shindo sheluchihiṟa soe luwenyi-pfo.

1 Wakorinto 10:24

Mndu alapfule kyiira kyakye amonyi, indi kyiira kya oṙoe.

1 Wakorinto 10:28

Kyaindi mndu kammbia, “Kyindo-kyi kyawuto kyiwe kyiṙaso,” maa mulalye, kyipfa kya ulya ammbia na kyipfa kya makusaṟo ga mrimenyi, nyi kyiha kyii kyicha na nyi kyiha kyii kyiwicho;

1 Wakorinto 10:29

chi kyipfa kyapfo-pfo indi kyipfa kya icho ungyi ammbia mbonyi-tso. Kyipfa kulya inyi iwa mndu alamchilyie nyi kyindo kulaanduyo nyi makusaṟo ga mndu kye nyi kyiha kyii kyicha na nyi kyiha kyii kyiwicho. Chi kyipfa kyapfo-pfo indi kyipfa kya ulya ungyi ammbia mbonyi-tso. Kyipfa kulya inyi iwa mndu alamchilyie nyi kyindo kuleanduyo nyi makusaṟo ga mndu kye nyi kyiha kyii kyicha na nyi kyiha kyii kyiwicho.

1 Wakorinto 10:32

Maa mulatewe Wayuda maa Wakyiṟikyi maa siṟi ya Ruwa wawute kyindo kyiwicho.

1 Wakorinto 8:10

Cha kyipfa mndu kakuwona iyoe uwoṙe wuṟango, ochilya kyelya hekalunyi lya ifano, ngyesa wuiṙimi wokye wo imanya kyicha na kyiwicho, kookoya namfofo, kyechimanyika mṟasa oe nalye shindo shishiṙasie mafano-pfoe?

1 Wakorinto 8:12

Koikyo mukotewe wana wa wama wanyu wakanyamaṟa, na inyamaṟa wuiṙimi wufofo wo manya kyicha na kyiwicho, monyamaṟia Kristo.

1 Wakorinto 9:22

Ko wafofo ngyilewa mfofo, kundu ngyigalutsie wafofo ura lo Yesu. Ngyilewa orio kyindo ko wandu woose, kundu kui njia tsoose ngyiiṙime ikyiṟa wandu.

2 Wakorinto 11:21

Ngyiṙeṙa kui mbaṟe ya wufofo cha ilyi luwewafofo. Kyaindi kokooya mndu awoṙe wuṟango na wukari kyindonyi kyoose (ngyiṙeṙa kyitondo), maa inyi ngyiwoṙe wuṟango na wukari.

2 Wakorinto 11:29

Nyi wui akyeri mfofo, na inyi ngyilawe mfofo? Nyi wui aletewo na mndu inyamaṟa na inyi ngyilawihiyo?

2 Wakorinto 6:3

Maa lulawe wandu wetewe wengyi ioloka kyindonyi kyoose, kundu ṙeko lyilawono iṟundenyi lyaṙu.

Wagalatia 5:13

Kyipfa nyoe, wana wa wama, mulelago muwe wandu mulawachilyie nyi kyindo. Kyaindi kulya iwa wandu walawachilyie nyi kyindo kulawe kyimaṙuma kyeosha lango tsa mmbiu, indi ṟundianenyi kui ikunda.

Wakolosai 2:8

Mndu alachemuṙetsa kui wuṟango wokye na wulembi wulawoṙe kyiira, kui mbaṟe ya malosho ga shilya wandu wekyeambilyia ko waku wawo, kui mbaṟe ya malosho ga kuwooka ga wuyana, maa chi kui mbaṟe ya Kristo-pfo.

1 Petiro 2:16

Cha wandu walawachilyie nyi kyindo, kyaindi walekyekusuria ikyo kui iṟika wuwicho, indi cha waṟundi wa Ruwa.

2 Petiro 2:19

Wechienenga kyiteṟio kya wongo wandu wengyi nawo wawenyi nyi watumo wa wuwicho, kyipfa mndu kawingo nyi mndu ungyi nekyewa mtumo o mndu ulya.

Ulogo 2:14

Kyaindi ngyiwoṙe mbonyi ngyaangu kyipfa kyapfo, cha kyipfa nuwoṙe pfo wandu wekyeosha malosho ga Balaamu, ulya alelosha Balakyi nawikye kyindo kyetewe Waisiraelyi, kye walye shindo shileṙasio mafano na iwuta shindo sha wuṟui.