1 Wakorinto 8:13 - Kivunjo New Testament 1999

¹³ Koikyo kyelya kyikatewe mono-wama oko nanyamaṟe, loi ngyechilya nyama mṟasa mlungana-pfo, ngyilachetewe mono-wama oko nanyamaṟe.

1 Wakorinto 8:13 ပူးပေါင်းရင်းမြစ်များ

Matayo 17:27

Kyaindi kundu lulachewawutia kyindo lukowawihiṟa, yenda ipalyipalyinyi undewiyitsa-pfo ndoana uwaṙe ikunga lyilya lyawoneka kuwooka, na kotambaṟuo ṙumbu lyalyo nowona shekyelyi yetaa ukamba lo hekalu. Ṙuo iyo undewaenengyia kyipfa kyako na kyipfa kyapfo.”

Mawuto Ga Wasu 15:20

Indi luwaṟeie paruo kye wakushowe na ukoe lo mafano, na wuṟui, na nyama tsa mando gapfa kui ipfumbo, na samu.

Waroma 14:13

Kyasia lulaengyeṟe ianduyana, indi nanga mowuta ianduya lya mbaṟe-i, mndu alawute kyindo kyetewe mono-wamae ang'u kyemwolotsa.

Waroma 14:21

Nyi kyicha iṙa ilya nyama maa inyo mpfinyo maa iwuta kyindo kyoose kyetewe mono-womoo naolokye.

1 Wakorinto 10:32

Maa mulatewe Wayuda maa Wakyiṟikyi maa siṟi ya Ruwa wawute kyindo kyiwicho.

1 Wakorinto 10:33

Nyi wuṙo chandu inyi ngyekyechihiṟa wandu woose shindonyi shoose, ngyilalepfula kyiira kyako ngyimonyi, indi kyiira kya wandu wafoi, kundu wakyiṟo.

1 Wakorinto 13:5

Lyekyeṙa iwaṙa wupfereri-pfo; lyekyepfula shindo shalyo lyimonyi-pfo; lyiwoṙe isuo-pfo; lyekyetala mawicho-pfo.

1 Wakorinto 6:12

Ngyiwoṙe momu o wuta kyindo kyoose ngyikundi, kyaindi chi shoose shiwoṙe kyiira-pfo. Ngyiwoṙe momu o wuta kyindo kyoose, kyaindi inyi ngyechiwa mtumo o kyindo kyoose-pfo.

1 Wakorinto 9:12

Kokooya wandu wengyi wawoṙe ugawi kyiiṙi kya wuiṙimi-wu, soe chi ngoseṟa-pfoe? Indi lulekuwinisha iiṙia kyindo kyoose iwuka konyu-pfo. Lulekarishia shindo shoose lulacheshingyia Mbonyi Ngyicha tsa Yesu Kristo.

2 Wakorinto 11:29

Nyi wui akyeri mfofo, na inyi ngyilawe mfofo? Nyi wui aletewo na mndu inyamaṟa na inyi ngyilawihiyo?

2 Wakorinto 6:3

Maa lulawe wandu wetewe wengyi ioloka kyindonyi kyoose, kundu ṙeko lyilawono iṟundenyi lyaṙu.