1 Wakorinto 8:1 - Kivunjo New Testament 1999

¹ Na mbonyi tsa shindo shaṙasio mafano, luichi kye soe loose luwoṙe wuṟango. Wuṟango wokyeende makushelo, indi ikunda lyekyekarisha iiṙikyia.

1 Wakorinto 8:1 ပူးပေါင်းရင်းမြစ်များ

Mawuto Ga Wasu 15:10

Kyasia wulalu ny'kyilyi muiyesha Ruwa na iṙika wanalosho ṟio lyilemeri, ṟio waku waṙu maa soe lulaiṙima ilyiṙuo?

Mawuto Ga Wasu 15:29

kyimwi na immbia mukushowe na shindo shoose shileṙasio mafano, na samu, na nyama tsa mando gapfa kui ipfumbo, na wuṟui. Mukowuta kuṙo, mowuta necha. Lomukundia orio kyindo kyicha.”

Mawuto Ga Wasu 21:25

Kyaindi ko mbonyi tsa wandu walaweiṙikyie waleiṙikyia Yesu, luleṟeia na iṙumbuo kye wakushowe mrima yawo na shindo shishiṙasie mafano, na samu, na kyindo kyikyiwaage kui ipfumbo, na wuṟui.”

Waroma 11:25

Cha kyipfa wana wa wama wako, ngyikundi mulamanye wuṟikyi-wu-pfo, kundu mulachekusaṟa kye mulawaṟango; kye wuumu wo Waisiraelyi nyi kundu masanga gengyi gamanye Ruwa.

Waroma 12:16

Muiṙikyiane shilya mukusurie nyoe wenyi ko wenyi. Maa mulakusurie shindo shing'anyi, indi muiṙikyie iwinisho nyi mbonyi tsifofo. Maa mulakushelyie wuṟango.

Waroma 14:10

Kyaindi iyoe ngyesa ny'kyilyi uianduya mono-womoo? Ang'u ngyesa iyoe ny'kyilyi uimina mono-womoo? Cha kyipfa soe loose lochigoṟoka mbele ya kyiṙi kya ianduyo kya Ruwa.

Waroma 14:14

Ngyiichi, ngoseṟa ngyimṟingyishie mnu kyiiṙi kya Mndumii Yesu, kye kuwoṙe kyindo kyifanyi kyimṟumoe wookyia mawookyionyi gakyo-pfo; kyaindi ko ulya awona kyindo kyifanyi kyimṟumoe, ko mndu-cho kyindo kyilya kyifanyi kyimṟumoe.

Waroma 14:19

Kyasia kokooya nyi wuṙo, luoshe mbonyi tsa ufoṟo na mbonyi tsiwoṙe kyiira kui ikarishana.

Waroma 14:22

Iiṙikyia lyilya uwoṙe ukae nalyo mrimenyi kopfo mbele ya Ruwa. Nanga mndu ulya alekyekuanduya mrimenyi kokye kui kyindo kyilya ekyekyiiṙikyia.

Waroma 14:3

Ulya ekyelya alaanduye ulya alailya; kyipfa Ruwa naiṙikyiana na oe.

Waroma 15:14

Wana wa wama wako, inyi ngyimonyi ngyileṟingyishio kui mbonyi tsanyu kye mui wandu wecha, muwaenengye wuṟango woose; lyingyi-se moiṙima itutumana.

1 Wakorinto 1:5

Kyipfa kyiiṙi kya orio kyindo mulewa wanjama kyiiṙi kyakye, mbonyinyi tsoose, na wuṟangonyi woose.

1 Wakorinto 10:15

Ngyigamba kuṙo kyipfa ngyiṙeṙa na wandu waṟango. Ngyimuitika iiṙikyia ishi ngyigamba-pfo; indi kusaṟenyi nyoe muwenyi.

1 Wakorinto 10:28

Kyaindi mndu kammbia, “Kyindo-kyi kyawuto kyiwe kyiṙaso,” maa mulalye, kyipfa kya ulya ammbia na kyipfa kya makusaṟo ga mrimenyi, nyi kyiha kyii kyicha na nyi kyiha kyii kyiwicho;

1 Wakorinto 14:20

Wana wa wama wako, wuṟango wonyu wulawe cha wo wana watutu; kyaindi ko mbonyi tsa wuwicho wenyi cha wana wanangu, indi wuṟango wonyu wuwe cha wo wandu wapfulukyie.

1 Wakorinto 15:34

Ambuyenyi necha; maa mulawute kya wunyamaṟi; cha kyipfa wengyi waichi Ruwa-pfo. Ngyigamba isho kundu ngyimuriise sonu.

1 Wakorinto 4:10

Soe luwatondo kyipfa kya Kristo, kyaindi nyoe muwoṙe wuṟango kyiiṙi kya Kristo. Soe luwafofo, kyaindi nyoe muwoṙe pfinya; nyoe muwoṙe kyiṟumi, indi soe luindio-pfo.

1 Wakorinto 4:18

Kyasia wengyi walekushela cha ilyi ngyilaicha na konyu.

1 Wakorinto 4:6

Kyasia, wandu muiṙikyie Ruwa, shindo-shi ngashiwuta kui mfano o inyi na Apolo kyipfa kyanyu, kundu kye kui mfano oṙu muiṙime ikulosha shilya shishiṟeie; kundu umwi onyu alakushele kyipfa kya ichu, na imina oṙoe.

1 Wakorinto 5:2

Na nyoe mokyekushela, maa mokyewoṙo nyi fowa mrimenyi-pfo, kye nawuto konyu ulya awuta kyindo kya mbaṟe-yo.

1 Wakorinto 5:6

Ikushela lyanyu chi kyindo kyicha-pfo. Muichi kye chachu kyitung'tu yekyetarang'isha itongye lyoose?

1 Wakorinto 8:2

Mndu kakusaṟa kye naichi kyindo, aichi kyindo kyoose chandu kyimmbaṟi imanya-pfo.

1 Wakorinto 8:4

Kyasia ko mbonyi tsa ilya shindo shaṙasio mafano; luichi kye ifano chi kyindo kunu wuyanenyi-pfo, na kye kuwoṙe Ruwa ungyi sile umwi tupu-pfo.

1 Wakorinto 8:7

Indi wuṟango-wu wukyeri ko wandu woose-pfo. Kyaindi wengyi kui iichiwia ifano lyilya wekyelya cha ilyi nyi kyindo kyikyiṙasie mafano, wuṟango wowo wo imanya kyicha na kyiwicho wuwufofo, na wekyefana kyimṟumoe.

Wafilyipi 4:16

Kui oe mmbiu oose ochilungo na iwaṙana kui wutarami wo orio kyiwungo, iṙuana na iṟunda lya orio kyiwungo; iṟunda lyekyeṙosa mmbiu uiṙime ikukarisha umonyi ikundenyi.

Wakolosai 2:18

Mndu alamusokye wori wonyu, kui iindia chandu akukundia amonyi tikyi, na iindia malaika, echikuloṟa shindonyi amloṟe indi shilai sha loi echikushela, kui wuṟango wokye wo kyimmbiu.

Ulogo 2:14

Kyaindi ngyiwoṙe mbonyi ngyaangu kyipfa kyapfo, cha kyipfa nuwoṙe pfo wandu wekyeosha malosho ga Balaamu, ulya alelosha Balakyi nawikye kyindo kyetewe Waisiraelyi, kye walye shindo shileṙasio mafano na iwuta shindo sha wuṟui.

Ulogo 2:20

Kyaindi ngyiwoṙe ṙeṙo kyipfa kyapfo, kye okyelega kyindo mndu mka ulya ekyelago Yesebelyi akundi-pfo. Ulya ekyegamba kye nyi moonguo shisuku na ilosha waṟundi wako na iwaṙetsa, kundu wawute shindo sha wuṟui na ilya shindo shaṙasio mafano.