1 Wakorinto 7:12 - Kivunjo New Testament 1999

¹² Kyaindi wandu wengyi ngawawia inyi, maa chi Mndumii-pfo; kye kokooya mndu aiṙikyie Ruwa nawoṙe mka alaiṙikyie Ruwa, na mka-cho nakundi ikaa na oe, alalekane na oe.

1 Wakorinto 7:12 ပူးပေါင်းရင်းမြစ်များ

1 Wakorinto 7:11

kyaindi kokooya nalekana na oe, maa alaalyiko, ang'u naiṙikyiane na mii okye; lyingyi-se mii alaṙe mka okye.

1 Wakorinto 7:13

Na mndu mka, awoṙe mii alaiṙikyie Ruwa, na mii-cho nakundi ikaa na oe, alalekane na mii okye.

1 Wakorinto 7:25

Ko mbonyi tsa walya walawaalyikye na walaalyikyie Mndumii angyiwiie kyindo kyoose-pfo, kyaindi ngyigamba kya makusaṟo gako inyi ngyimonyi, inyi ngyileenengo isaṟia lya Mndumii iwa mndu msimiri.

1 Wakorinto 7:27

Ngyesa numlungye tapu na mka opfo? Maa ulakunde iletsano. Numletsane? Maa ulapfule mka.

1 Wakorinto 7:6

Kyaindi ngyigamba isho, iloṟa makusaṟo gako tikyi, na chi kui imuitika-pfo.

2 Wakorinto 11:17

Kyindo ngyiṙeṙa kyiwukyie ko Mndumii-pfo, indi nyi cha kya wutondo, kui wukari-wu wo ikushela.