1 Wakorinto 6:9 - Kivunjo New Testament 1999

⁹ Ang'u muichi kye wandu wawicho wechioṟa Wumangyi wo Ruwa-pfo? Maa mulakulembe. Waṟui wechioṟa Wumangyi wo Ruwa-pfo. Maa wekyeindia mafano, maa wekyewuta shindo shiwicho na wandu wa nguwo tsawo,

1 Wakorinto 6:9 ပူးပေါင်းရင်းမြစ်များ

Matayo 19:29

Na orio mndu aleṙa numba, ang'u mono-wamae o kyisoṟo ang'u o kyika, ang'u awuye, ang'u wamae, ang'u wana, ang'u maṙema, kyipfa kya rina lyako, nechiambilyia ka igana, na ioṟa moo o mlungana.

Matayo 25:34

Numa ya iho mangyi nechiwia walya wakyeri kuwoko kokye ko kulyoe, ‘Nnjonyi, nyoe muwawikyie mboṟa nyi Awu-yoko, oṟenyi Wumangyi muleṟeyeṟio wookyia itsano lya wuyana.

Luka 21:8

Kagamba, “Ambuyenyi, mulachelembo, cha kyipfa wafoi wechicha kui rina lyako, wechigamba, ‘Inyi nyi oe.’ Lyingyi-se, ‘Kyiyeri kyamshika.’ Kyasia, maa mulawaoshe.

Mawuto Ga Wasu 20:32

“Kyasia, wulalu ngamuṙambika ko Ruwa, na kui ṙeṙo lya isaṟia lyechiiṙima imtarama na imuenenga kyioṟa hamwi na woose wawailyishe mrimenyi kowo.

Mawuto Ga Wasu 24:25

Na Kyiyeri Paulo aweionguo mbonyi tsa wusumganyi, na iwa na meena, na ianduyo lyiicha, Filekyisi kaowuo kagaluo, kagamba, “Wulalu yenda, na inyi ngawona ṙaawa ngyekulaga.”

Waroma 1:18

Cha kyipfa nyashi ya Ruwa ilemanyika na pata iwuka Ruwewu kyipfa kya wunyamaṟi na wuwicho woose wo wandu wekyewingana na wuloi kui wuwicho.

1 Wakorinto 15:33

Maa mulalembo nyi wandu. Wandu wawicho wekyenyamaṟa mkaṟo mcha.

1 Wakorinto 15:50

Wana wa wama wako, shindo ngyigamba nyi ishi, kye mmbiu na samu sheiṙima ioṟa Wumangyi wo Ruwa-pfo. Maa kyindo kyinyamaṟikyie ioṟa kyindo kyilanyamaṟikyie-pfo.

1 Wakorinto 3:16

Muichi kye nyoe mowa hekalu lya Ruwa, na kye Mumuyo o Ruwa nekyekaa mrimenyi konyu?

1 Wakorinto 5:1

Kuwoṙe mbonyi tsiṙeṙo orio handu kye konyu kuwoṙe wuṟui, wuṟui wo mbaṟe ilakyeri maa ko walya walaiṙikyie Ruwa, kye mndu nakae na mka o awuye.

1 Wakorinto 5:10

Ngyigamba maa mulakusanze-sanze maa ale na waṟui wa wuyana-wu-pfo, ang'u na wawoṙe wulanga, ang'u na wasokyi, ang'u na wekyeindia mafano-pfo; kyipfa kuṙo muwaṟi iwuka wuyanenyi.

1 Wakorinto 5:11

Kyaindi, chandu mbonyi tsikyeri, ngyilemuṟeia kye mulakusanze-sanze na mndu oose ekyegamba oe nyi mndu aiṙikyie Ruwa, kokooya nyi mṟui ang'u nawoṙe wulanga ang'u nekyeindia mafano ang'u nekyelahia ang'u nekyenango ang'u msokyi; mndu o mbaṟe-i mulaiṙikyie maa ilya na oe.

1 Wakorinto 6:10

maa mbafu, maa wawoṙe wulanga, maa wekyenango, maa wekyelahia, maa wasokyi.

1 Wakorinto 6:18

Kaenyi kuleshi na wuṟui. Orio ṙeko mndu ekyewuta nyi nja ya mmbiu okye; indi ulya awuta shindo sha wuṟui nawuta kyindo kyechinyamaṟa mmbiu okye amonyi.

1 Wakorinto 6:19

Ang'u muichi kye mmbiu yanyu nyi hekalu lya Mumuyo Mweele akyeri mrimenyi konyu, muleenengo nyi Ruwa-pfoe? Maa nyoe chi masaa ganyu muwenyi-pfo;

1 Wakorinto 9:24

Ngyesa muichi kye walya wekyeṙicha, wekyekapa mteeṟa woose, kyaindi ekyeambilyia iṟikoso nyi umwi-pfoe? Kapenyi mteeṟa kuṙo kundu muenengo iṟikoso.

2 Wakorinto 12:21

Na inyi ilyi ngyechicha-se, Ruwa oko alachengyienenga irigo nyi sonu konyu, na inyi ngyisuo kyipfa kya wafoi waleṙeko wookyia iho, walaṙumbuye wunyamaṟi wo ukoe, na wuṟui, na lango tsingyi tsa sonu.

Wagalatia 6:7

Maa mulakulembe, Ruwa chi tondo-pfo; cha kyipfa kyilya mndu awaaya nyikyo echisambuo.

Wakolosai 3:5

Kyasia, lekanenyi na shindo wandu wa wuyana wawoṙe: wuṟui, ukoe, lango ngyiwicho, makusaṟo mawicho, na ilanga iwaṙa sha ngoseṟa, nyiwo wuyendelyi wo iindia mafano.

Waebrania 12:14

Pfulenyi kui wuragari iwaṙa ufoṟo na wandu woose, na wuele, wulya kulawoṙe mndu echiwona Mndumii alauwoṙe,

Waebrania 12:16

Kulawaṙe mndu mṟui maa alaowuye na iindia Ruwa, cha Esau, alekumba kyioṟa kyakye kya mana mmbele kyipfa kya kyelya.

Waebrania 13:4

Wandu woose wawone kye wolyi nyi kyindo kyicha, na mii ang'u mka alakuwinishe na wandu wengyi; cha kyipfa waṟui Ruwa nechiwaolotsia ngapo.

Yakobo 1:16

Wana wa wama wako wakunde, mulalembo.

1 Yohane 3:7

Wana wako, mndu alamulembe. Mndu ekyewuta sha wusumganyi nawoṙe wusumganyi, chandu Kristo awoṙe wusumganyi.

Ulogo 21:8

Indi waowu, na walawoṙe iiṙikyia, na wekyewuta mawicho, na wawaagi, na waṟui, na wasawi, na iwo wekyeterewa na iindia mafano, na woose wekyeṙeṙa wongo, ṙombo lyawo nyi kulya iruwenyi lyekyeaka moṙo na kyipiriti. Ilu nyilo upfu lo kawi.”

Ulogo 22:15

Ipfo nja kuwoṙe shite, na wasawi, na waṟui, na wawaagi, na iwo wekyeterewa na iindia mafano, na orio mndu akundi wongo na iṙeṙa wongo.