1 Wakorinto 6:3 - Kivunjo New Testament 1999

³ Muichi kye lochianduya maa malaika-pfoe? Na kokooya nyi wuṙo chi loiṙima ngoseṟa ianduya shindo sha iha wuyanenyi-pfoe?

1 Wakorinto 6:3 ပူးပေါင်းရင်းမြစ်များ

Matayo 25:41

Numa ya iho nechiwia na walya wakyeri kuwoko kokye ko kumoso, ‘Wukyenyi koko, nyoe muwasese, muyende moṙonyi o mlungana, umṟeyeṟie Mokyiriinzi na malaika wakye.

Luka 21:34

“Kyasia ringyenyi mrima yanyu ilachelemeṟo nyi shindo shelya, na wunanzi, na iwinia shindo sha wuyanenyi; mfiri ulya ukocha na konyu kyituukyia chandu mṙego okyetalasuka.

Luka 8:14

Na tsileoloka mshenyi, nyi walya waleicho na kyiiṙi kya iyenda wakailamo nyi wulembi wo masaa, na ichihiyo lya wuyana, walakumbie ndunda ngyicha.

Waroma 6:16

Muichi kye icho muiwuta mrima yanyu kokye iwa waṟundi wakye kyiiṙi kya imwindia, mowa waṟundi wakye ulya muimwindia, kokooya nyi wuṟundi wo wunyamaṟi wokyeende upfu, ang'u kokooya nyi wuṟundi wo wuindi wokyeende wusumganyi.

1 Wakorinto 6:15

Ngyesa muichi kye mmbiu yanyu nyi shiwungo sha Kristo-pfoe? Kyasia ngyiwute shiwungo sha Kristo na ishigaluo sha iṟai? Ote!

1 Wakorinto 6:16

Ang'u muichi kye ulya amlungye na iṟai nakyeri mmbiu umwi na oe? Kyipfa shiṟeio shiele shigambie, “Iwo wawi wechiwa mmbiu umwi.”

1 Wakorinto 6:19

Ang'u muichi kye mmbiu yanyu nyi hekalu lya Mumuyo Mweele akyeri mrimenyi konyu, muleenengo nyi Ruwa-pfoe? Maa nyoe chi masaa ganyu muwenyi-pfo;

1 Wakorinto 6:4

Kyasia, mukyeri handu heṙeṙia moondu ya iha wuyanenyi, mokyewika walya walawoṙe kyiira siṟinyi iwa weṙumbuo moondu yanyu?

2 Timoteo 2:4

Kuwoṙe mndu ekyekapana shiṙa ekyekuwika shindonyi sha wuyana-pfo, kundu nachihiṟe ulya alemṟeia nawe asikari.

2 Timoteo 4:10

Kyipfa Dema nalengyiṙa echikunda wuyana-wu wo wulalu, kapfunga kyaro iyenda Tesalonikye. Kyiresikye nayenda Galatia; Tito nayenda Dalyimatia.

2 Petiro 2:4

Mukumburie kye Ruwa naleanduya malaika walya walenyamaṟa. Nalewawiyitsa moṙonyi, kawawika shipfungonyi sha meema, waringo mṟasa kuche mfiri ulya o ianduyo.

Yuda 1:6

Na malaika walaleringa wuchilyi wowo wawenyi, kyaindi wakaṙa kanyi kowo kuwewaṟi nalewawika shipfungonyi sha mlungana kundu ko meema ko ianduyo lya mfiri ulya ung'anyi.