1 Wakorinto 6:20 - Kivunjo New Testament 1999

²⁰ kyipfa muleguṟo kui woguru wung'anyi. Kyasia wulalu, ṟumishenyi Ruwa kui mmbiu yanyu.

1 Wakorinto 6:20 ပူးပေါင်းရင်းမြစ်များ

Matayo 5:16

Na wuṙo ngyeela yanyu ilyimikye mbele ya wandu, waiṙime iwona mawuto ganyu mecha, waṟumishe Awu-yonyu akyeri ruwewu.”

Mawuto Ga Wasu 20:28

Ringyenyi mrima yanyu, na poo-lyo lyoose, lyilya Mumuyo Mweele alemusambuṟa nyoe mulyiambuye, muiṙime ienenga Siṟi yakye kando, Siṟi aleigaluo yakye amonyi kui upfu lokye.

Waroma 12:1

Kyasia, wana wa wama wako, ngyimuterewa, kui ihooṟia lya Ruwa, wutenyi mmbiu yanyu iwe kyiṙaso kyiwoṙe moo, kyiele, kyechihiṟa Ruwa, ilyi nyilyo iindia na iterewa Ruwa lyilyicha na lya loi.

Waroma 6:19

Ngyiṙeṙa kui mbaṟe ya kyimndu kyipfa kya wufofo wo mmbiu yanyu. Cha kyipfa chandu mulewuta shiwungo shanyu shiṟunde mbonyi tsa ukoe na wunyamaṟi muiṙime iwuta wunyamaṟi, na wuṙo-ng'u wulalu wutenyi shiwungo shanyu shiṟunde sha wusumganyi muiṙime iyeṟemtso.

1 Wakorinto 10:31

Kyasia, kyiyeri muilya, ang'u muinyo, ang'u muiwuta kyindo kyoose, wutenyi kuṙo kui ienenga Ruwa kyiṟumi.

1 Wakorinto 7:23

Muleguṟo kui woguru; maa mulawe watumo wa wandu.

Wagalatia 3:13

Kristo naleluwuta kyisesonyi kya uwawaso, cha kyipfa naleseso kyipfa kyaṙu; kyipfa kyikyiṟeie, “Orio mndu amkapie msalabenyi namsese.”

Waefeso 1:20

chandu ngyileweṙelyia mnu, na ikusuria, kye ngyechirigo nyi sonu maa ale-pfo, indi kui wusimiri woose, cha mfiri yoose, na wulalu nyi wuṙo Kristo echienengo kyiṟumi mmbiunyi koko; kokooya ngyii na moo, ang'u ngyipfiie.

Waebrania 9:12

maa chi kui samu ya mburu na magache-pfo, indi kui samu yakye ulya aleiṙa lyimwi tupu na handu Haele, na iluwuta wusingyenyi mlungana.

1 Petiro 1:18

Na nyoe manyenyi kye mulekyiṟo chi kui shindo shekyenyamaṟika cha heleri ang'u sahapu-pfo; muiṙime iwuka mkaṟonyi onyu ulawoṙe kyiira muleuambilyia ko waku wanyu;

1 Petiro 2:9

Indi nyoe nyi kyishari kyisambuṟe, wukohanyi wo kyimangyi, isanga lyiele, wandu wa wuchilyi wo Ruwa, muiṙime ionguo mbonyi tsa mawuto gakye ga maṟiyisho. Ulya alemulaga muwukye meemenyi muiṙe na ngyeelenyi yakye ya maṟiyisho.

2 Petiro 2:1

Kyaindi kulewuka weonguo shisuku wa wongo kyiiṙi kya wandu walya, chandu na konyu kochiwuka walosha wa wongo, wechiende kui wuṟango wo wuṙetsi malosho mawicho, wechilega maa Mndumii ulya alewakyiṟa, wechikuendie inyamaṟo lyiwukyie ko Ruwa.

Ulogo 5:9

Nawo waiimba kyiimbo kyihya, wechigamba, “Nuwaṟi iyoe iwaṙa kyitapu-kyo na ifunja shindo shakyo shaloṟa monyi okyo; cha kyipfa nuleshinjo, koguṟia Ruwa kui samu yapfo wandu wa orio mbaṟe na mṙeṙie na kyishari na isanga.