1 Wakorinto 6:18 - Kivunjo New Testament 1999

¹⁸ Kaenyi kuleshi na wuṟui. Orio ṙeko mndu ekyewuta nyi nja ya mmbiu okye; indi ulya awuta shindo sha wuṟui nawuta kyindo kyechinyamaṟa mmbiu okye amonyi.

1 Wakorinto 6:18 ပူးပေါင်းရင်းမြစ်များ

Waroma 1:24

Kyipfa kya isho Ruwa nalewaṙa langonyi tsa mrima yawo, waoshe ukoe, mṟasa wakawutiana shindo sha sonu kui mmbiu yawo.

1 Wakorinto 6:9

Ang'u muichi kye wandu wawicho wechioṟa Wumangyi wo Ruwa-pfo? Maa mulakulembe. Waṟui wechioṟa Wumangyi wo Ruwa-pfo. Maa wekyeindia mafano, maa wekyewuta shindo shiwicho na wandu wa nguwo tsawo,

2 Wakorinto 12:21

Na inyi ilyi ngyechicha-se, Ruwa oko alachengyienenga irigo nyi sonu konyu, na inyi ngyisuo kyipfa kya wafoi waleṙeko wookyia iho, walaṙumbuye wunyamaṟi wo ukoe, na wuṟui, na lango tsingyi tsa sonu.

Wagalatia 5:19

Kyasia mawuto ga mmbiu gai na pata, nyigo iga: wuṟui, ukoe na lango tsa sonu,

Wafilyipi 5:3

Kyaindi wuṟui wulawono konyu maa ale, maa ukoe loose, maa ilanga, chandu kyiwaṟi wandu wa Ruwa.

Wakolosai 3:5

Kyasia, lekanenyi na shindo wandu wa wuyana wawoṙe: wuṟui, ukoe, lango ngyiwicho, makusaṟo mawicho, na ilanga iwaṙa sha ngoseṟa, nyiwo wuyendelyi wo iindia mafano.

1 Watesalonikye 4:3

Kyipfa isho nyisho Ruwa akundi shiwutikye, iilyisho lyanyu, mukushowe na wuṟui.

1 Watesalonikye 4:5

chi kui mkaṟo ya lango ngyiwicho, cha wandu walaichi Ruwa-pfo.

2 Timoteo 2:22

Kyaindi ṙicha lango tsa wundakyenyi, undeosha wusumganyi, na iiṙikyia, na ikunda, na ufoṟo, hamwi na walya wekyeindia Mndumii kui mrima mmbaṙami.

Waebrania 13:4

Wandu woose wawone kye wolyi nyi kyindo kyicha, na mii ang'u mka alakuwinishe na wandu wengyi; cha kyipfa waṟui Ruwa nechiwaolotsia ngapo.

1 Petiro 2:11

Wakunde, ngyimuterewa cha wandu waiiṙa na wakyaro, lekanenyi na lango tsa mmbiu tsekyewingana na mrima.