1 Wakorinto 6:13 - Kivunjo New Testament 1999

¹³ Shelya shiwaṟi ikaa ndewunyi, na ndewu iwaṟi iwaṙa shelya; kyaindi Ruwa nechinyamaṟa shoose shishiwi, ndewu na shelya. Kyaindi mmbiu uwaṟi iwa o wuṟui-pfo indi o iṟundia Mndumii, na nyi Mndumii ekyeembeṟa mmbiu.

1 Wakorinto 6:13 ပူးပေါင်းရင်းမြစ်များ

Matayo 15:17

Mulandemanye kye orio kyindo kyekyeiṙa na ṙumbunyi kyekyeiṙa ndewunyi, kyikawiyitso choṟonyi?

Matayo 15:20

Igo nyigo gekyefanyiṟa mndu kyimṟumoe. Kyaindi ilya ulasamba mawoko kokyefanyiṟa mndu-pfo.”

Mariko 7:19

cha kyipfa kyekyeiṙa na mrimenyi kokye-pfo, indi ndewunyi tikyi; numa ya iho kyekyefuma iyenda choṟonyi?” Kui igamba kuṙo naleloṟa kye kuwoṙe kyelya kyiwicho-pfo.

Yohane 6:27

Mulapfuṟukane ipfula kyelya kyekyenyamaṟika, indi pfulenyi kyelya kyilekyesia kyekyeende moo o mlungana; kyelya kyilya Mana o Adamu echimuenenga cha kyipfa icho nyi oe aṟingyishio nyi Ruwa kye nyi o sungusinyi.”

Yohane 6:49

Waku wanyu walelya Manna kulya nukyenyi ngyiumu suwaa ilawoṙe maa mṟinga, wakapfa.

Waroma 12:1

Kyasia, wana wa wama wako, ngyimuterewa, kui ihooṟia lya Ruwa, wutenyi mmbiu yanyu iwe kyiṙaso kyiwoṙe moo, kyiele, kyechihiṟa Ruwa, ilyi nyilyo iindia na iterewa Ruwa lyilyicha na lya loi.

Waroma 14:17

Kyipfa Wumangyi wo Ruwa chi ilya maa inyo-pfo, indi nyi wusumganyi na ufoṟo na sia Mumuyonyi Mweele.

Waroma 6:12

Kyasia, wunyamaṟi wulachilyie mmbiunyi yanyu yekyepfa mṟasa mukoosha lango tsayo.

Waroma 7:4

Na wuṙo, wana wa wama wako, nyoe taa muwoṙe-se moo o osha uwawaso-pfo, kyipfa mukyeri kyoonyi kya mmbiu o Kristo, muiṙime iwa masaa ga ungyi, ulya aleṟuka ko wapfu, kundu soe lukumbie ndunda ko Ruwa.

1 Wakorinto 3:16

Muichi kye nyoe mowa hekalu lya Ruwa, na kye Mumuyo o Ruwa nekyekaa mrimenyi konyu?

1 Wakorinto 6:15

Ngyesa muichi kye mmbiu yanyu nyi shiwungo sha Kristo-pfoe? Kyasia ngyiwute shiwungo sha Kristo na ishigaluo sha iṟai? Ote!

1 Wakorinto 6:19

Ang'u muichi kye mmbiu yanyu nyi hekalu lya Mumuyo Mweele akyeri mrimenyi konyu, muleenengo nyi Ruwa-pfoe? Maa nyoe chi masaa ganyu muwenyi-pfo;

2 Wakorinto 11:2

Kyipfa ngyimunyeng'ia, wunyeng'i wo Ruwa; kyipfa ngyilemukosia msoṟo umwi, kundu ngyiendie Kristo mana mkyega mcha.

2 Wakorinto 5:15

Lyingyi-se nalepfa kyipfa kya woose, kundu wai na moo walawe-se na moo kyipfa kya mrima yawo wawenyi, indi kyipfa kyakye oe alepfa kaṟuka kyipfa kyawo.

Wagalatia 5:24

Na iwo wakyeri wa Kristo Yesu wekyechilyio-se nyi lango tsa mmbiu yawo-pfo.

Wafilyipi 5:23

Cha kyipfa mii nyi mṙoe o mka, chandu Kristo na oe nyi mṙoe o Siṟi; na oe nyi mkyiṟa o mmbiu.