1 Wakorinto 6:11 - Kivunjo New Testament 1999

¹¹ Na waata kyiiṙi kyanyu wawekyeri wandu wa mbaṟe-i; kyaindi mulesanjo, kyaindi muleilyisho, kyaindi muletalo kye muwasumganyi rinenyi lya Mndumii Yesu Kristo, na Mumuyonyi o Ruwa oṙu.

1 Wakorinto 6:11 ပူးပေါင်းရင်းမြစ်များ

Matayo 20:4

Na iwo kawawia, ‘Na nyoe yendenyi ṙemenyi lyako lya msabibu, na kyilya kyiwaṟi ngyechimuenenga.’ Wakayenda.

Luka 18:14

Ngyimmbia, ichu nalesoka iyenda kanyi kokye amtalyie wusumganyi kuta ulya; cha kyipfa orio mokung'anyisa nechititiṟo, na ulya mokutitiṟa neching'anyiso.”

Yohane 13:10

Yesu kammbia, “Ulya amsambe awoṙe-se kyimaṙuma kyesamba maṙende-pfo, kyipfa namwilyi mmbiu oose; na nyoe momuila kyaindi chi moose-pfo.”

Yohane 13:8

Petiro kammbia, “Iyoe ochingyisanja maṙende maa ale-pfo.” Yesu kammbia, “Ngyilandekusanje maṙende, ukyeri ura loko-pfo.”

Yohane 5:4

Cha kyipfa kuwewoṙe kyiyeri malaika ekyesoka awuka ruwewu, kaiṙa na kulya iruwenyi lya mṟinga kapaaya na ifoga mṟinga ulya. Kyasia ulya echiwa o kuwooka iiṙa napfo numa ya mṟinga-cho ifoika nawekyekyia ndoṟe ilekoyammbaṙa.]

Mawuto Ga Wasu 13:39

Na kui oe orio momwiṙikyia nekyetalo kye namsumganyi shindonyi shoose alechiiṙima italo kye namsumganyi kui uwawaso lo Mose.

Mawuto Ga Wasu 22:16

Kyasia wulalu, ny'kyikyi uweṙa? Goṟoka, upatiso, usanjo maṙeko gapfo, uterewe kui rina lyakye.’ ”

Mawuto Ga Wasu 26:18

Uwapfunguoe meso, na iwaweṟutsa waṙe meema na iyenda saenyi, waṙe pfinya tsa Satana na iyenda ko Ruwa; naaho-ng'u Ruwa nawahooṟie ngyuunyamaṟi tsawo na wechikaa halya-ndu walya Ruwa awailyishie wechikaa kui ingyiiṙikyia inyi.’ ”

Waroma 3:24

Waitalyio wusumganyi walaitaa kyindo kui isaṟia lyakye, kui njia ya wukyiṟo wukyeri kyiiṙi kya Kristo Yesu.

Waroma 4:5

Kyaindi ko mndu alaiṟunda, indi kaiṙikyia ulya aimtalyia wusumganyi mndu alakundi na iowuo Ruwa, iiṙikyia lya mndu-cho lyatalo kye nyi wusumganyi.

Waroma 5:1

Kyasia lukomtalyio wusumganyi uwukyie iiṙikyienyi luwaṙe ufoṟo na Ruwa, kui njia ya Mndumii oṙu Yesu Kristo.

Waroma 5:9

Kyasia ngoseṟa mnu lukomtalyio wusumganyi samunyi yakye, nelushingyia lulaolokyio nyi nyashi ya Ruwa.

Waroma 8:30

Na walya alewasambuṟa wookyia mawookyionyi, iwo kawalaga; na walya alewalaga, iwo kawatalyia wusumganyi; na walya alewatalyia wusumganyi, iwo kawang'anyisa.

Waroma 8:33

Nyi wui echiṙuo mengyenyi wasambuṟe wa Ruwa? Ruwa nyi oe aiwatalyia wusumganyi.

1 Wakorinto 1:2

ko siṟi ya Ruwa ikyeri Korinto. Walya wawailyishe kyiiṙi kya Yesu Kristo, wawalage wawe wandu wa Ruwa, hamwi na woose wekyeterewa kui rina lya Mndumii oṙu Yesu Kristo orio handu, Mndumii owo na oṙu.

1 Wakorinto 1:30

Indi kui oe nyoe moiṙima iwa kyiiṙi kya Kristo Yesu, alefeo koṙu cha wuṟango wuwukyie ko Ruwa, na wusumganyi, na wuele, na wukyiṟo;

1 Wakorinto 12:2

Muichi kye kyiyeri muwei wandu walaiṙikyie Yesu, muwekyeosha mafano galekyeṙeṙa, chandu muwekyesongoyo nyi makusaṟo ganyu.

Wagalatia 2:16

luichi kye mndu ekyetalyio wusumganyi kui mawuto ga mawawaso-pfo, indi kui iwaṙa iiṙikyia kyiiṙi kya Kristo Yesu. Soe luleiṙikyia Kristo Yesu kundu lutalyio wusumganyi kui iiṙikyia Kristo, maa chi kui mawuto ga mawawaso-pfo; kyipfa kui mawuto ga mawawaso kuwoṙe mndu echitalyio wusumganyi-pfo.

Wagalatia 3:11

Nyi kyindo kyiichio na pata kye kuwoṙe mndu ekyetalyio wusumganyi mbele ya Ruwa kui mawawaso-pfo; cha kyipfa, “Mndu msumganyi nechiwaṙa moo kui iiṙikyia.”

Wagalatia 3:24

Koikyo uwawaso lowa msongoru moluende na ko Kristo, kundu lutalyio wusumganyi kui iiṙikyia.

Wagalatia 3:8

Na kyiṟeio kyiele, chandu kyilewona wookyia kacha kye Ruwa nechitalyia wusumganyi walya walaiṙikyie Yesu kui iiṙikyia, kyileongoya Abrahamu Mbonyi Ngyicha kyiyeri kya kacha igamba, “Kyiiṙi kyapfo iyoe walya walaiṙikyie Yesu wechiwona mboṟa.”

Wafilyipi 5:26

kundu nailyishe Siṟi na iisanja kui mṟinga Ṙeṙonyi.

Wafilyipi 5:8

Cha kyipfa kacha nyoe muwekyeri meema, indi wulalu mowa ngyeela kyiiṙi kya Mndumii. Wutenyi cha wana wa ngyeela;

2 Watesalonikye 2:13

Kyaindi kyalukooya soe iana Ruwa mfiri yoose kyipfa kyanyu, wana wa wama mulekundo nyi Mndumii, cha kyipfa Ruwa nalemusambuṟa wookyia mawookyionyi muambilyie wukyiṟo, kyiiṙi kya iilyisho nyi Mumuyo, na iiṙikyia loi;

Waebrania 10:22

lutikyirie Ruwa luwoṙe mrima mmbaṙami; kui imwiṙikyia nakamwi, luwailyishe mrima luṙe makusaṟo mawicho; luwasanje mmbiu kui mṟinga mcha.

Waebrania 10:29

Muwonyi kuṙa? Kyiwemmbaṟi ngapo ing'anyi ngoseṟa mndu ulya alemina Mono-Ruwa, na igamba kye samu iya ya mma ilemuilyisha chi kyindo-pfo, na ilahia Mumuyo o isaṟia-pfoe?

Waebrania 2:11

Kyipfa ulya ekyeilyisha na walya wekyeilyisho woose wawukyie ko mndu umwi. Kyipfa kya ikyo ekyerigo nyi sonu iwalaga wana wa wamae-pfo.

1 Petiro 1:2

Chandu Ruwa Awu alesonguo imumanya kui imuilyisha nyi Mumuyo, mṟasa mukoiṙima iindia na inyanyatsio samu ya Yesu Kristo. Isaṟia na ufoṟo shiengyeṟo konyu.

1 Petiro 1:22

Mukomuilyisha mrima yanyu kui iindia wuloi, mṟasa iwaṙa ikundana cha wana wa wama kulawoṙe wukulembecheṟi, kyasia pfuṟukanenyi ikundana kui mrima.

1 Petiro 3:21

Mfano o shindo-sho nyi wupatiso, wokyemukyiṟa nyoe taa mfiri ya wulalu; (chi kui iwikyia kuleshi ukoe o mmbiu-pfo, indi kyaasa kyilya lokyewikyia Ruwa kya iafutsia shilya loteṟia, lukyeri wandu wekyeosha Yesu), kui iṟuka lya Yesu Kristo.

1 Yohane 2:12

Ngyimuṟeia nyoe wana wako, cha kyipfa mohooṟio ngyuunyamaṟi tsanyu kyipfa kya rina lyakye.

Ulogo 1:5

Lyingyi-se shiwukyie ko Yesu Kristo, mṟingyishi ekyeafutsia shilya ateṟia, mmbele o wapfu, na ang'anyi o wamangyi wa wuyana. Ulya alukundi na ilusanja ngyuunyamaṟi tsaṙu samunyi yakye,

Ulogo 7:14

Ngamgaluo, ngammbia, “Mndumii oko, nuichi iyoe.” Kangyiwia, “Iwo nyiwo wawukyie kulya wukyiwenyi wung'anyi, nawo wasanjie nguwo tsawo, na itsiilyiṟa peṟu samunyi ya Kyiondo kya Ruwa.