1 Wakorinto 5:3 - Kivunjo New Testament 1999

³ Cha kyipfa loi, ngyilakyeri konyu kyimmbiu, kyaindi ngyikyeri konyu kyimrima, inyi ngyimonyi ngamwanduya ulya awuta kyindo-kyo, cha ilyi ngyikyeri pfo.

1 Wakorinto 5:3 ပူးပေါင်းရင်းမြစ်များ

1 Wakorinto 5:12

Kyipfa kyingyiwaṟi kuṙa ianduya walya walaiṙikyie Ruwa? Nyoe mokyeanduya walya waiṙikyie Ruwa-pfoe?

2 Wakorinto 10:1

Kyasia, inyi Paulo ngyimonyi ngyimuterewa kui wuhoo na wuyendelyi wo Kristo, inyi ngyikyeri msimiri ngyikyeri hamwi na nyoe, indi ngyilakyeri ho ngyiwoṙe wuṟango na wukari konyu.

2 Wakorinto 10:11

Mndu o mbaṟe-yo iyo nakusaṟe kuṙi, kye kyindo kyilya lokyeṟeia paruonyi lulakyeri na nyoe nyikyo lochiwuta lukyeri na nyoe.

2 Wakorinto 13:2

Ngasonguo immbia, na chandu ngyiwekyeri ho lya kawi, na wuṙo maa wulalu ngyilakyeri ho, ngyimmbia na pata iwo walewuta sha wunyamaṟi wookyia kyiyeri-kyo, na wengyi woose, kye ngacha, ngyehooṟia-pfo.

Wakolosai 2:5

Kyipfa maa chandu ngyilakyeri ho kyimmbiu, kyaindi ngyikyeri hamwi na nyoe kyimrima, ngyechihiyo na iwona wuyendelyi wonyu na igoṟoka lyanyu kulawoṙe iloloma lya iiṙikyia lyanyu kyiiṙi kya Kristo.

1 Watesalonikye 2:17

Kyaindi soe, wana wa wama, lulekanyi na nyoe kyiyeri kyifuhi, lulekanyi na nyoe kyimmbiu indi chi kyimrima-pfo, lulelanga mnu immbona nyoe.