1 Wakorinto 5:11 - Kivunjo New Testament 1999

¹¹ Kyaindi, chandu mbonyi tsikyeri, ngyilemuṟeia kye mulakusanze-sanze na mndu oose ekyegamba oe nyi mndu aiṙikyie Ruwa, kokooya nyi mṟui ang'u nawoṙe wulanga ang'u nekyeindia mafano ang'u nekyelahia ang'u nekyenango ang'u msokyi; mndu o mbaṟe-i mulaiṙikyie maa ilya na oe.

1 Wakorinto 5:11 ပူးပေါင်းရင်းမြစ်များ

Matayo 18:17

Na alandemuaṙanyie nyoe, wia siṟi; na alandeaṙanyie siṟi taa, na nawe kopfo cha mndu alaiṙikyie Ruwa na mosania ukamba.”

Matayo 23:25

“Ochia lonyu walosha wa mawawaso na Mafarisayo, wakulembecheṟi! Cha kyipfa mokyesanja kyiṙoo na kyitela ipfo kyanja kyaindi shindo muwikyie pfo nyi sha wusokyi na ikukunda nyoe muwenyi.

Luka 18:11

Mfarisayo ulya kagoṟoka echiterewa kuṙi mrimenyi kokye, ‘Hoi Ruwa, ngakuana kyipfa inyi chi kyimwi na wandu wengyi, wasokyi, wawicho, waṟui maa cha mosania ukamba-chu-pfo.

Luka 21:34

“Kyasia ringyenyi mrima yanyu ilachelemeṟo nyi shindo shelya, na wunanzi, na iwinia shindo sha wuyanenyi; mfiri ulya ukocha na konyu kyituukyia chandu mṙego okyetalasuka.

Mawuto Ga Wasu 1:15

Mfiri iya Petiro kagoṟoka kyiiṙi kya walya wawekyeosha Yesu (itala lyawo cha igana na makumi gawi),

Mawuto Ga Wasu 9:17

Anania kafuma, kaiṙa na kulya numbenyi Saulyi awekyeri, kamyekyia mawoko echigamba, “Mono-wama, Saulyi, Mndumii nangyiṙuma, Yesu ulya alecha na kopfo ukyeri njienyi icha na kunu Dameskyi, uiṙime iwona-se, uichuṟo Mumuyo Mweele.”

Waroma 13:13

Chandu kyiwaṟi iwuto kyingoto luchumie kui wuyendelyi wucha. Chi kui ilya na ielewetsa na wunanzi-pfo, chi kui ukoe na wuṟui-pfo, chi kui shiloyano na wunyenyi-pfo.

Waroma 16:17

Wana wa wama wako, ngyimuterewa ambuyenyi walya wawoṙe wuṟiingyi na mbonyi tseolotsa wengyi kui malosho galaṙuṙanyi na shilya mulekulosha. Kushowenyi nawo.

1 Wakorinto 10:14

Kyipfa kya ikyo, wakunde wako, kushowenyi na iindia mafano.

1 Wakorinto 11:21

cha kyipfa orio umwi nekyesonguo iwuta kyelya kyakye kyiiṙi kya ilya-lyo; mṟasa kyikawa ichu nawoṙo nyi njaa na ichu namnanzi.

1 Wakorinto 5:13

Kyaindi walya walaiṙikyie Ruwa, oe amonyi nechiwaanduya. Nyoe wutenyi ulya mmbicho kyiiṙi kyanyu.

1 Wakorinto 6:10

maa mbafu, maa wawoṙe wulanga, maa wekyenango, maa wekyelahia, maa wasokyi.

1 Wakorinto 6:6

Indi mokyeṙuana mengyenyi, wandu muiṙikyie Ruwa, mbele ya walya walaiṙikyie Ruwa.

1 Wakorinto 6:9

Ang'u muichi kye wandu wawicho wechioṟa Wumangyi wo Ruwa-pfo? Maa mulakulembe. Waṟui wechioṟa Wumangyi wo Ruwa-pfo. Maa wekyeindia mafano, maa wekyewuta shindo shiwicho na wandu wa nguwo tsawo,

1 Wakorinto 7:12

Kyaindi wandu wengyi ngawawia inyi, maa chi Mndumii-pfo; kye kokooya mndu aiṙikyie Ruwa nawoṙe mka alaiṙikyie Ruwa, na mka-cho nakundi ikaa na oe, alalekane na oe.

1 Wakorinto 7:15

Kyaindi ulya alaiṙikyie Ruwa kakunda ilekana na ulya aiṙikyie Ruwa, kyikuwiie kuṙo. Iho mii ang'u mka aiṙikyie Ruwa neiṙima iwuta chandu akunda. Wakulekanie ko ufoṟo kyipfa Ruwa nalelulaga luwe wandu wa ufoṟo.

1 Wakorinto 8:11

Na ulya amfofo nechirumatso kui wuṟango wopfo, na oe nyi mndu Kristo alepfa kyipfa kyakye.

Wagalatia 2:12

Cha kyipfa kyiyeri wandu waata wawukyie ko Yakobo walawendeche, naweilya handu hamwi na wandu walaiṙikyie Yesu; kyaindi kyiyeri wo walecha, kawuya na numa, kalekana nawo, kunu echiowuo Wayuda.

Wafilyipi 5:18

Lyingyi-se mulanango mpfinyo, kyipfa wuwoṙe mbonyi tsa ukoe, indi muichuṟo nyi Mumuyo.

Wafilyipi 5:5

Kyipfa mbonyi-tsi mutsiichi necha, kye kuwoṙe mṟui maa mndu o wuilala wo wolyi, maa mndu awoṙe wulanga, nyi oe moindia ifano, awoṙe kyioṟa Wumangyinyi wo Kristo na Ruwa-pfo.

Wakolosai 3:5

Kyasia, lekanenyi na shindo wandu wa wuyana wawoṙe: wuṟui, ukoe, lango ngyiwicho, makusaṟo mawicho, na ilanga iwaṙa sha ngoseṟa, nyiwo wuyendelyi wo iindia mafano.

2 Watesalonikye 3:14

Na kokooya mndu oose alaosha malosho gaṙu gakyeri iha paruonyi kushowenyi na mndu-cho, maa mulaṙeṙe na oe, naiṙime irigo nyi sonu;

2 Watesalonikye 3:6

Wana wa wama waṙu, lummbia rinenyi lya Mndumii Yesu Kristo, kaenyi kuleshi na mono-wama alaiosha kyilya muleambilyia koṙu.

1 Timoteo 3:3

Chi mndu aichiwie wunanzi-pfo, chi mndu ekyekapa wandu-pfo; indi nawe mhoo. Chi mndu mogaluana kui maṙeṙo, maa mndu akundi heleri-pfo.

1 Timoteo 6:5

Na igaluana lya maṙeṙo lya wandu wanyamaṟikyie mṙoe yawo, walaichi wuloi, kunu wechikusaṟa kye iowuo na ikunda Ruwa nyi njia ya iwona kyiira.

2 Yohane 1:10

Mndu kacha na konyu, na oe aiende malosho-go-pfo, maa mulamwambilyie kanyi konyu, maa imwiṟikyiṟa.

Ulogo 2:14

Kyaindi ngyiwoṙe mbonyi ngyaangu kyipfa kyapfo, cha kyipfa nuwoṙe pfo wandu wekyeosha malosho ga Balaamu, ulya alelosha Balakyi nawikye kyindo kyetewe Waisiraelyi, kye walye shindo shileṙasio mafano na iwuta shindo sha wuṟui.

Ulogo 2:20

Kyaindi ngyiwoṙe ṙeṙo kyipfa kyapfo, kye okyelega kyindo mndu mka ulya ekyelago Yesebelyi akundi-pfo. Ulya ekyegamba kye nyi moonguo shisuku na ilosha waṟundi wako na iwaṙetsa, kundu wawute shindo sha wuṟui na ilya shindo shaṙasio mafano.

Ulogo 21:8

Indi waowu, na walawoṙe iiṙikyia, na wekyewuta mawicho, na wawaagi, na waṟui, na wasawi, na iwo wekyeterewa na iindia mafano, na woose wekyeṙeṙa wongo, ṙombo lyawo nyi kulya iruwenyi lyekyeaka moṙo na kyipiriti. Ilu nyilo upfu lo kawi.”

Ulogo 22:15

Ipfo nja kuwoṙe shite, na wasawi, na waṟui, na wawaagi, na iwo wekyeterewa na iindia mafano, na orio mndu akundi wongo na iṙeṙa wongo.