1 Wakorinto 5:10 - Kivunjo New Testament 1999

¹⁰ Ngyigamba maa mulakusanze-sanze maa ale na waṟui wa wuyana-wu-pfo, ang'u na wawoṙe wulanga, ang'u na wasokyi, ang'u na wekyeindia mafano-pfo; kyipfa kuṙo muwaṟi iwuka wuyanenyi.

1 Wakorinto 5:10 ပူးပေါင်းရင်းမြစ်များ

Luka 18:11

Mfarisayo ulya kagoṟoka echiterewa kuṙi mrimenyi kokye, ‘Hoi Ruwa, ngakuana kyipfa inyi chi kyimwi na wandu wengyi, wasokyi, wawicho, waṟui maa cha mosania ukamba-chu-pfo.

Yohane 15:19

Kokooya nyoe muwei wandu wa wuyana, wawechimukunda; kyaindi kyipfa nyoe mulakyeri wandu wa wuyana, indi inyi ngyilemusambuṟa nyoe iwuka wandu wa wuyana, kyipfa kya ikyo wandu wa wuyana wamusuuye.

Yohane 17:6

Walya ulengyienenga kunu wuyanenyi ngyilewashukuya kyiṟumi kyapfo. Wawekyeri wapfo, kowangyienenga, na malosho gapfo wekyegaosha.

Yohane 17:9

Inyi ngyiwaterewia iwo; ngyiterewia wandu wa wuyana-pfo; indi iwo ulengyienenga, cha kyipfa iwo nyi wako;

Yohane 8:23

Kawawia, “Nyoe nyi wa iha wanda wuyanenyi, inyi nyi o wuye ruwewu. Nyoe nyi wa wuyana-wu, inyi chi o wuyana-wu-pfo.

1 Wakorinto 1:20

Nyi kwi awoṙe wuṟango akyeri? Nyi kwi mlosha o mawawaso akyeri? Nyi kwi moende shigaluano akyeri? Ngyesa Ruwa alegaluo wuṟango wo wuyana iwa wutondo-pfoe?

1 Wakorinto 10:27

Na mndu alaiṙikyie Ruwa kakunda muyende kanyi kokye, na nyoe mukokunda iyenda, lyenyi orio kyindo moenengo kulawoṙe iwesa-awesa; maa mulaikulyisa wukyiwa mrimenyi kui ikusaṟa nyi kyiha kyii kyicha na nyi kyiha kyii kyiwicho.

1 Wakorinto 5:11

Kyaindi, chandu mbonyi tsikyeri, ngyilemuṟeia kye mulakusanze-sanze na mndu oose ekyegamba oe nyi mndu aiṙikyie Ruwa, kokooya nyi mṟui ang'u nawoṙe wulanga ang'u nekyeindia mafano ang'u nekyelahia ang'u nekyenango ang'u msokyi; mndu o mbaṟe-i mulaiṙikyie maa ilya na oe.

1 Wakorinto 5:9

Ngyilemuṟeia kyiiṙi kya paruo-i, kye mulakusanze-sanze na waṟui.

2 Wakorinto 4:4

wakyeri kye kyiiṙi kyawo ruwa o wuyana-wu naleshingyia makusaṟo ga iwo walaiṙikyie, walachekooyo nyi ngyeela ya Ndumi Ngyicha ya mng'ano okye Kristo akyeri fana ya Ruwa.

Wafilyipi 2:2

Ngyuunyamaṟi muletsiwuta kacha kui iosha mchilyi ang'anyi o waṟufui wa ngyinenyi, mṟufui ulya o Satana aiṟunda maṟunda wulalu kyiiṙi kya walya waiwingana na Ruwa;

Waefeso 2:15

muiṙime iwa wana wa Ruwa walaiwio kye wawawicho, maa walekyelemba, walawoṙe tewe rikyenyi lyilekyeicho, lyilakyeri njienyi ya sungusinyi. Walya kyiiṙi kyawo muwonekanyi cha ilyi mukyeri shimii wuyanenyi,

1 Yohane 4:5

Iwo nyi wa wuyana; koikyo wekyeṙeṙa shindo sha wuyana na wandu wa wuyana wekyewaaṙanyia.

1 Yohane 4:7

Wakunde lukundane; cha kyipfa ikunda lyiwukyie ko Ruwa, na orio mndu awoṙe ikunda namfee nyi Ruwa; na oe naichi Ruwa.

1 Yohane 5:19

Luichi kye soe lukyeri wana wa Ruwa; na wandu wa wuyana woose taa wekyekaa ko Satana.

Ulogo 12:9

Injoka lyilya lyikawiyitso, lyilya lying'anyi, njoka ya kacha, yekyelago Mokyiriinzi ang'u Satana, ekyelemba wuyana woose; kawiyitso mṟasa urukyenyi, na malaika wakye wakawiyitso hamwi na oe.