1 Wakorinto 4:5 - Kivunjo New Testament 1999

⁵ Kyasia nyoe mulangyianduye kye ngyimmbicho kyipfa kya kyindo kyoose kyiyeri kyilashika, mṟasa ilyi Mndumii echicha; ulya echiloṟa shilya shikuṟiikyie meemenyi, na iloṟa makusaṟo gakyeri mrimenyi; nyi lyo-ndu orio mndu echiwona kyiṟumi kyakye ko Ruwa.

1 Wakorinto 4:5 ပူးပေါင်းရင်းမြစ်များ

Matayo 10:26

“Kyasia, mulawaowuoe, cha kyipfa kuwoṙe kyindo kyikyishikyie maa kyikuṟiikyie kyilechimanyika-pfo.

Matayo 24:30

Naaho-ng'u yechiwonekana ṟigo ya Mono-Adamu ruwewu; na masanga goose ga wuyana gechikapa ṟanyi; nago gechiwona Mono-Adamu echicha mapuchinyi ga ruwewu hamwi na pfinya na mng'ano ung'anyi.

Matayo 24:46

Agusu mṟundi ulya, mndumii okye echicha namkooye ewuta kuṙo.

Matayo 25:21

Mndumii okye kammbia, ‘Necha, mṟundi mcha na mwendelyi. Nokuloṟa kye numwendelyi maa shindonyi shitutu. Ngyechikuwika mchilyi o shindo shifoi. Iṙa na sienyi ya mndumii opfo.’

Matayo 25:23

Mndumii okye kammbia, ‘Necha, mṟundi mcha na mwendelyi. Nokuloṟa kye numwendelyi maa shindonyi shitutu. Ngyechikuwika mchilyi o shindo shifoi. Iṙa na sienyi ya mndumii opfo.’

Luka 6:37

“Maa mulaanduye, na nyoe mochianduyo-pfo. Mulagambe kye wandu wengyi wawawicho kundu mulagambo kye muwawicho. Lekyienyi na nyoe mochilekyio.

Yohane 21:22

Yesu kammbia, “Kokooya ngyikundi ichu nawaṙe moo mṟasa kyiyeri ngyechicha, kyikuwaṟi kyi iyoe? Iyoe ngyiosha.”

Yohane 21:23

Kyasia mbonyi-tso tsikaṙunganana ko walya wawekyeosha Yesu kye manalosho ulya echipfa-pfo. Kyaindi Yesu alewawia kye echipfa-pfo indi nalegamba, “Kokooya ngyikundi ichu nawaṙe moo mṟasa kyiyeri ngyechicha, ikyo kyakuenenga kuṙa wukyiwa?”

Yohane 5:44

Moiṙima kuṙa iiṙikyia nyoe muiṟumishana nyoe wenyi ko wenyi, na kyiṟumi kyilya kyiwukyie ko Ruwa alawoṙe amng'anyie muikyipfula-pfo?

Waroma 14:4

Iyoe nyi wui uianduya mṟundi o mndu ungyi? Ko mndumii okye amonyi ulya nekyegoṟoka ang'u ioloka. Yee, nechigoṟotso cha kyipfa Mndumii neiṙima imgoṟotsa.

Waroma 2:1

Koikyo, iyoe mndu uianduya oṙoo uwoṙe kyegamba-pfo. Kyipfa isho uanduya ungyi nukuanduya kumonyi kye nunyamaṟie; kyipfa iyoe uianduya nuiwuta shilya shilya.

Waroma 2:16

mfiri ulya Ruwa echianduya makusaṟo ga kyiṟika ga wandu, iṙuana na Ndumi-i Ngyicha ya Kristo Yesu ngyilemuongoya.

Waroma 2:29

Indi oe nyi Myuda ai Myuda o mrimenyi; na iṙino nyi lya mrima, Mumuyonyi o Ruwa, chi shiṟeionyi-pfo. Uwawaso-lo kyiṟumi kyalo kyilekyewuka ko wandu indi ko Ruwa.

Waroma 2:7

Walya kui wusimiri kyiiṙi kya iwuta mecha waipfula mng'ano na kyiṟumi na ikaa ho mlungana, wechienengo moo o mlungana.

1 Wakorinto 1:7

mṟasa mulauṟe kyienengo kyoose, mochiweṙelyia mnu kyiyeri Ruwa echishukuo Yesu Kristo;

1 Wakorinto 11:16

Kyaindi mndu oose kakunda iende wuṟiingyi, soe luwoṙe mkaṟo cha iyo-pfo, maa siṟi tsa Ruwa.

1 Wakorinto 11:26

Kyipfa orio kyiyeri muilya mkate-chu na inyo iwuka kunu kyiṙoonyi, muonguo mbonyi tsa upfu lo Mndumii mṟasa kyiyeri echicha.

1 Wakorinto 15:23

Kyaindi orio umwi handu hakye; o kuwooka iṟuka ko wapfu nyi Kristo; numa walya wakyeri wa Kristo, kyiyeri echicha.

1 Wakorinto 3:13

Kyipfa mfiri ulya o ianduyo ochiloṟa iṟunda-lyo na pata cha kyipfa lyechiloṟo moṙonyi; na moṙo ulya ochiyesha iṟunda lya orio mndu, nyi lya mbaṟe iha.

1 Wakorinto 3:14

Iṟunda lya mndu alyiwikyie wuye ya urende-lo lyilanderumatso nyi moṙo, nechiambilyia wori.

1 Wakorinto 3:8

Kyasia ulya mowaaya, na ulya monyosa nyi kyindo kyimwi, kyaindi orio mndu nechiambilyia wori wokye iṙuana na wukyiwa alelya.

2 Wakorinto 10:18

Kyipfa mndu moiṙikyio chi ulya ekyekushela-pfo, indi nyi ulya ekyeṟumisho nyi Mndumii.

2 Wakorinto 10:9

ngyilachewono cha ilyi kye ngyikundi imuowesha kui paruo tsako.

2 Wakorinto 4:2

Kyaindi lulelega mbonyi tsa sonu tsikuṟiikyie, maa luichumia kui mtambo-pfo, maa isanza-sanza Ṙeṙo lya Ruwa na wongo, indi kui iṟingyishia loi lukuloṟa kye luwoṙe wusumganyi, kyilya mrima ya wandu iwonyi kye kyikyicha kyeluṟingyishia mbele ya Ruwa.

2 Wakorinto 5:10

Kyipfa kyalukooya soe loose iloṟo halya kyiṙinyi kya ianduyo kya Kristo, kundu orio mndu naambilyie wori wo shindo alewuta kyimmbiu, chandu alewuta, kye shicha ang'u shiwicho.

1 Watesalonikye 5:2

Kyipfa nyoe muwenyi muichi na pata kye Mndumii nechicha kyiyeri mulakusaṟie chandu mbafu yekyecha kyio.

Waebrania 4:13

Maa kuwoṙe kyindo kyikyeri na moo kyilakyishukuoe mbele ya Ṙeṙo-lyo-pfo, kyaindi shindo shoose shikyeri kyiṟanguoe na shishishukuoe mesonyi gakye ulya awoṙe shindo shaṙu.

Yakobo 4:11

Wana wa wama, maa mulairiane wongo. Moiria mono-wamae wongo, ang'u ianduya mono-wamae, nekyeiria wongo na ianduya uwawaso. Kyaindi koanduya uwawaso, noṙa iindia na iwooka ianduya.

Yakobo 5:7

Koikyo, wana wa wama, karishienyi, mṟasa icha lya Mndumii. Ambuyenyi chandu mṙemi ekyeweṙelyia shilyimu sha woguru wung'anyi. Nekyekarishia kyipfa kyasho mṟasa mvuo tsa kuwooka na tsefurumia tsikape.

Yakobo 5:9

Wana wa wama, maa mulanunuwiane, mulacheanduyo. Ambuyenyi moanduya nagoṟokyi mbele ya moongo.

1 Petiro 1:7

Kundu kye iyesho kui iiṙikyia lyanyu, lyilya lyiwoṙe woguru wung'anyi kuta sahapu yekyenyamaṟika, maa chandu sahapu-yo yekyeyeṟo kui moṙo; muambilyie iṟumisho na kyiṟumi mfiri ulya Yesu Kristo echiloṟo.

1 Petiro 5:4

Na kyiyeri Mlyisi ang'anyi echiloṟo, mochiambilyia iṟikoso lya kyiṟumi, lyilya lyilekyenyamaṟika.

2 Petiro 3:12

mochiweṙelyia mṟasa mfiri ulya o Ruwa uche, mochiuitika, na kyiiṙi kya mfiri-cho ngyina tserumatso tsechiunguo, na shindo sha wuyana shechisenekyia na isalaa?

2 Petiro 3:4

na igamba, “Nyi kwi kyikyeri kyaasa kyilya kya icha lyakye? Cha kyipfa wookyia kyiyeri-kyo waku waṙu walepfa, shindo shoose shikyeri chandu shiwei, wookyia wuyana wulegumbo.”

Yuda 1:14

Na Enokyi, mndu o mfungaaṙe numa ya Adamu, naleonguo shisuku kyipfa kyawo, echigamba, “Ambuya, Mndumii nalecha na waele wakye, shiku kui shiku,

Ulogo 1:7

Kristo naicha iwinyi akyeri mapuchinyi; na orio riso lyechimmbona, na iwo walemmbaaga, na mbaṟe tsoose tsa wandu wa wuyana tsechikapa ṟanyi kyipfa kyakye. Yee. Amen.

Ulogo 20:12

Ngawona wapfu, wang'anyi na watutu, wagoṟokyi mbele ya kyitima-kyo kya mng'ano; na shitapu shishipfunguoe; na malaika wakapfunguo kyitapu kyingyi, kyikyeri kya moo; na wapfu-wo wakaanduyo kui shindo shishiṟeie ipfo shitapunyi, iṙuana na mawuto gawo.