1 Wakorinto 4:2 - Kivunjo New Testament 1999

² Iho-se kyindo kyikyikunde waṟundinyi wa mbaṟe-i nyi mndu naafutsie kyilya ateṟie.

1 Wakorinto 4:2 ပူးပေါင်းရင်းမြစ်များ

Matayo 25:21

Mndumii okye kammbia, ‘Necha, mṟundi mcha na mwendelyi. Nokuloṟa kye numwendelyi maa shindonyi shitutu. Ngyechikuwika mchilyi o shindo shifoi. Iṙa na sienyi ya mndumii opfo.’

Matayo 25:23

Mndumii okye kammbia, ‘Necha, mṟundi mcha na mwendelyi. Nokuloṟa kye numwendelyi maa shindonyi shitutu. Ngyechikuwika mchilyi o shindo shifoi. Iṙa na sienyi ya mndumii opfo.’

Luka 12:42

Mndumii kagamba, “Kyasia, nyi wui-ng'u akyeri mṟundi msimiri, amṟango, ulya mndumii okye echimmbika nasongoye maṟunda gakye goose, naenengye wandu shelya kui kyiyeri kyiwaṟi?

1 Wakorinto 4:1

Mndu naluwone kye lukyeri waṟundi wa Kristo, na wandu Ruwa awaenengyie iṟunda lyeonguo wuloi wokye wukuṟiikyie.

1 Wakorinto 4:17

Kyipfa kya ikyo ngaṙuma Timoteo konyu, akyeri mono-ko mkunde, ekyeafutsia shilya ateṟia kyiiṙi kya Mndumii, echimukumbuṟa njia tsako tsoose tsikyeri kyiiṙi kya Kristo, chandu ngyekyelosha orio handu kyiiṙi kya orio siṟi.

1 Wakorinto 4:3

Kyaindi koko inyi chi kyindo maa ale nyoe mukongyianduya-pfo, maa kui ianduya lya kyimndu, maa ngyianduya mrima oko-pfo.

1 Wakorinto 7:25

Ko mbonyi tsa walya walawaalyikye na walaalyikyie Mndumii angyiwiie kyindo kyoose-pfo, kyaindi ngyigamba kya makusaṟo gako inyi ngyimonyi, inyi ngyileenengo isaṟia lya Mndumii iwa mndu msimiri.

2 Wakorinto 2:17

Cha kyipfa soe chi kyimwi na wandu wafoi wekyekapa mbucha na ulogo lo Ruwa-pfo. Soe luonguo ulogo lo Ruwa kui wuwaṙami wo mrima cha wandu waleṙumo nyi Ruwa, luwalungye na Kristo.

2 Wakorinto 4:2

Kyaindi lulelega mbonyi tsa sonu tsikuṟiikyie, maa luichumia kui mtambo-pfo, maa isanza-sanza Ṙeṙo lya Ruwa na wongo, indi kui iṟingyishia loi lukuloṟa kye luwoṙe wusumganyi, kyilya mrima ya wandu iwonyi kye kyikyicha kyeluṟingyishia mbele ya Ruwa.

Wakolosai 1:7

Chandu mulelosho na Epafura, mongari oṙu mkunde iṟundenyi, akyeri mṟundi ekyeafutsia kyilya Ruwa ateṟie ko Kristo kyipfa kyanyu;

Wakolosai 4:17

Wienyi Arikyipo, “Ringa mnu iṟunda lyilya uleenengo kyiiṙi kya Mndumii, kundu ulyiafutsie.”

Wakolosai 4:7

Tikyiko, mono-wama mkunde, mṟundi ekyeapfutsia kyilya ateṟia, mongari oko kyiiṙi kya Mndumii, nemuongoya mbonyi tsako tsoose.