1 Wakorinto 4:15 - Kivunjo New Testament 1999

¹⁵ Cha kyipfa maa kokooya muwoṙe walosha shiku ikumi kyiiṙi kya Kristo muwoṙe waawu wafoi-pfo. Kyipfa inyi ngyilemfee kyiiṙi kya Kristo Yesu kui njia ya Ndumi Ngyicha.

1 Wakorinto 4:15 ပူးပေါင်းရင်းမြစ်များ

Waroma 15:20

Na wuṙo-se ngyechitambagana ionguo Ndumi Ngyicha, ngyilaonguo handu rina lya Kristo lyammarise igambo, ngyilachewika numba wuye ya mndu ungyi.

1 Wakorinto 1:30

Indi kui oe nyoe moiṙima iwa kyiiṙi kya Kristo Yesu, alefeo koṙu cha wuṟango wuwukyie ko Ruwa, na wusumganyi, na wuele, na wukyiṟo;

1 Wakorinto 15:1

Kyasia, wana wa wama wako, ngamukumbuṟa mbonyi tsa Ndumi Ngyicha ngyilemuongoya; iya muleiambilyia, na kyiiṙi kyayo mugoṟokyi;

1 Wakorinto 3:10

Iṙuana na isaṟia lya Ruwa ngyileenengo, inyi cha msongoru o wewika numba wawoṙe wuṟango, ngyilewika urende, na mndu ungyi naiwika numba wuye ya urende-lo. Kyaindi orio mndu naambuye chandu aiwika numba wuye ya urende-lo.

1 Wakorinto 3:6

Inyi ngyilewaaya, Apolo kanyosa; indi mong'anyisa nyi Ruwa.

1 Wakorinto 3:8

Kyasia ulya mowaaya, na ulya monyosa nyi kyindo kyimwi, kyaindi orio mndu nechiambilyia wori wokye iṙuana na wukyiwa alelya.

1 Wakorinto 9:12

Kokooya wandu wengyi wawoṙe ugawi kyiiṙi kya wuiṙimi-wu, soe chi ngoseṟa-pfoe? Indi lulekuwinisha iiṙia kyindo kyoose iwuka konyu-pfo. Lulekarishia shindo shoose lulacheshingyia Mbonyi Ngyicha tsa Yesu Kristo.

1 Wakorinto 9:14

Na Mndumii wuṙo nagambie kye walya wekyeonguo Ndumi Ngyicha waenengo kando kawo ipfo Nduminyi Ngyicha.

1 Wakorinto 9:16

Kyipfa maa kokooya ngyekyeonguo Ndumi Ngyicha, ngyiwoṙe kyindo kyeiṙima ingyienenga ikushela-pfo; kyipfa Ruwa nangyiwiie ngyiwute kuṙo. Lyingyi-se ochia loko ngyilandeonguo Ndumi Ngyicha.

1 Wakorinto 9:18

Kyasia wori woko nyi kyikyi? Nyi iwu, kye kyiyeri ngyionguo Ṙeṙo lya Ruwa, ngyechiwuta kuṙo kulawoṙe itosa kyindo, kyaindi kui iṟunda necha na wuiṙimi woko ngyiwoṙe Nduminyi Ngyicha.

1 Wakorinto 9:23

Na inyi ngyekyewuta shindo shoose kyipfa kya Ndumi Ngyicha kundu ngyikae handu hamwi na wandu wengyi.

2 Wakorinto 4:5

Cha kyipfa lukuongoya mbonyi luwenyi-pfo, indi Kristo Yesu kye nyi Mndumii; na soe luwenyi kye lukyeri waṟundi wanyu kyipfa kya Yesu.

Wagalatia 3:24

Koikyo uwawaso lowa msongoru moluende na ko Kristo, kundu lutalyio wusumganyi kui iiṙikyia.

Wagalatia 3:25

Kyaindi kokooya iiṙikyia lyilemcha, lukyeri-se wanda ya msongoru-pfo.

Wagalatia 4:19

Mbuya tsako wakunde, walya kyipfa kyawo ngyiwoṙe iwawio lying'anyi mrimenyi mṟasa muwe cha Kristo;

2 Timoteo 4:3

Kyipfa kuicha kyiyeri wechilega malosho gawoṙe moo; indi kui iosha kyilya wakundi wawenyi wepfula walosha wawo wafoi, cha kyipfa wawoṙe maṙwi gesoruo-soruo shindo.

Tito 1:4

Ngaṟeia paruo-i ko Tito, mono-ko nakamwi iiṙikyienyi lyaṙu. Isaṟia lyikae kopfo na ufoṟo shiwukyie ko Ruwa Awu na Kristo Yesu Mkyiṟa oṙu.

Filemon 1:19

Inyi Paulo ngaṟeia kui kuwoko koko ngyimonyi, inyi ngyechitaa. Ngyikuwia kye nuwoṙe sile yako kyipfa ngyilekukyiṟa kyimrima-pfo.

Yakobo 1:18

Kui ikunda lyakye amonyi nalelufee kui Ṙeṙo lya loi, luwe cha wana wawagumbe nyi oe.

1 Petiro 1:23

Cha kyipfa muwafee lya kawi; chi kui mbeu yekyenyamaṟika-pfo indi kui iya ilekyenyamaṟika; kui Ṙeṙo lya Ruwa lyiwoṙe moo, lyekyekaa ho mṟasa mlungana.