1 Wakorinto 4:12 - Kivunjo New Testament 1999

¹² Lya wueṟa luilya wukyiwa lochiṟunda kui mawoko gaṙu luwenyi. Lukolahiyo lokyewikyia mboṟa, lukowihiṟo lokyekarishia;

1 Wakorinto 4:12 ပူးပေါင်းရင်းမြစ်များ

Matayo 5:11

Wagusu nyoe ilyi wechimkapa kyipfa kya wusumganyi na impfulutsa nyashi na imuiria orio kyindo kyiwicho kui wongo, kyipfa kyako.

Matayo 5:44

Kyaindi inyi ngammbia, kundenyi washituwa wanyu, terewienyi walya waimpfulutsa nyashi;

Luka 23:34

Yesu kagamba, “Awu, uwahooṟie, kyipfa waichi kyindo waiwuta-pfo.” Wakagawana nguwo tsakye, wechikapa kuṟu kuha.

Luka 6:28

Wikyienyi mboṟa walya waimpfulutsa nyashi, terewienyi walya waimuilama nyoe.

Yohane 15:20

Kumbuonyi mbonyi tsilya ngyilemuongoya, kye mtumo ang'anyi kuta mndumii okye-pfo. Kokooya walengyipfulutsa nyashi, wechimpfulutsa nyashi nyoe; kokooya waleosha malosho gako, wechiosha ganyu taa.

Mawuto Ga Wasu 18:3

Kyipfa iṟunda lyawo nyi-we lyimwi, kakaa kowo, kaṟunda hamwi nawo, cha kyipfa wawewoṙe wuṟango wo ipfuma mahema.

Mawuto Ga Wasu 20:34

Nyoe muichi kye ngyileṟunda kui mawoko gako ngawona kyengyitarama hamwi na walya wawekyeri hamwi na inyi.

Mawuto Ga Wasu 7:60

Kapfiria ndi, kafiiṟa na ṟui lying'anyi, echigamba, “Mndumii ulawatalyie wunyamaṟi-wu.” Amgambe kuṙo kalekyia moo. Na Saulyi nawewonyi kye iwoogo lyakye nyi necha.

Waroma 12:14

Wikyienyi mboṟa walya waimsuiṟa; wikyienyi mboṟa, maa mulasese.

Waroma 12:20

Kyaindi, mokyituwa opfo awoṙo nyi njaa, mwenengye kyelya; amwangari, mwenengye kyindo kyenyo; kyipfa kowuta kuṙo, nowika makaa ga moṙo mṙoenyi kokye.

Waroma 8:35

Nyi wui echiluletsana na ikunda lya Kristo? Ngyesa nyi fowa, ang'u wukyiwa, ang'u kyiwi, ang'u njaa, ang'u iwuṟa nguo, ang'u ndenga, ang'u ushu?

1 Wakorinto 9:6

Ang'u ngyesa, nyi inyi ngyimonyi na Barinaba lulawoṙe wuiṙimi wo iṟunda?

2 Wakorinto 11:8

Ngyilesoka siṟi tsingyi masaa gawo, ngawuta kowo kyindo kyako kyelyio kundu ngyimuṟundie nyoe.

Wafilyipi 4:28

Mwiwi alaiwe-se; indi nanga apfuṟukana, echiwika wuragari wo iṟunda lyicha kui mawoko gakye amonyi, nawaṙe kyindo kyetarama mndu alawoṙe.

1 Watesalonikye 2:9

Kyipfa wana wa wama, mukumburie wukyiwa woṙu na iṟaisho lyaṙu; cha kyipfa kyingoto na kyio luleṟunda lulacheewa ṟio ko mndu o konyu oose, lukomuongoya kuṙo Ndumi Ngyicha ya Ruwa.

2 Watesalonikye 3:8

Maa lulelya kyelya ko mndu oose kui imteng'elyia-pfo indi kui wukyiwa na matuuro, kyio na kyingoto luleṟunda, kundu mndu oose o konyu alaluenengye kyindo kulawoṙe imtaa.

1 Timoteo 4:10

kye lokyekulyisa wukyiwa na itambagana kyipfa kya ikyo, na luwikyie ikusuria lyaṙu ko Ruwa ai na moo, akyeri Mkyiṟa o wandu woose, ngoseṟa o walya waiṙikyie.

1 Petiro 2:23

Oe kyiyeri alelahio, alelahia-pfo; kyiyeri alelyiso wukyiwa, aletaa kyiṟaache-pfo; indi nalekuṙambika ko ulya ekyeanduya kui wusumganyi.

1 Petiro 3:14

Kyaindi kokooya molyiso wukyiwa kyipfa kya iwa wasumganyi muwoṙe sia ing'anyi. Maa mulaowuo iowesha lyawo, maa mulaiṟewe mrimenyi; indi ilyishenyi Kristo Mndumii mrimenyi konyu.

1 Petiro 3:9

Wandu mulekyetaa kyiṟaache ang'u ilahia ulya amulahia indi wandu wekyewikyia mboṟa; cha kyipfa isho nyisho mulelagio kundu muoṟe mboṟa.

1 Petiro 4:19

Kyasia walya wailyiso wukyiwa kui shilya Ruwa akundi waṙambikye mrima yawo ko Ruwa, kyiiṙi kya iwuta shindo shicha, cha ilyi nyi ko ulya agumbie shindo, ekyeafutsia shilya ateṟia.

Yuda 1:9

Kyaindi Mikaelyi, malaika ang'anyi, kyiyeri alewingana na Mokyiriinzi, na igaluana na oe kyipfa kya mmbiu o Mose, alekaria imshitakyi-pfo, indi nalegamba, “Mndumii nakuṟoṟome.”