1 Wakorinto 3:8 - Kivunjo New Testament 1999

⁸ Kyasia ulya mowaaya, na ulya monyosa nyi kyindo kyimwi, kyaindi orio mndu nechiambilyia wori wokye iṙuana na wukyiwa alelya.

1 Wakorinto 3:8 ပူးပေါင်းရင်းမြစ်များ

Matayo 16:27

Cha kyipfa Mono-Adamu nechicha mng'anonyi o Awu-yokye hamwi na malaika wakye. Naaho-ng'u echitaa orio mndu iṙuana na mmbutie yakye.

Luka 19:19

Kawia ichu na oe, ‘Iyoe nochilyia mṟi itanu.’

Waroma 2:6

Echitaa orio mndu iṙuana na mawuto gakye.

1 Wakorinto 15:58

Kyasia, wana wa wama wakunde, kuwanzenyi, mulalolome, muengyeṟe mnu iṟundia Mndumii mfiri yoose, cha kyipfa muichi kye iṟunda lyanyu chi wulya kyiiṙi kya Mndumii-pfo.

1 Wakorinto 3:14

Iṟunda lya mndu alyiwikyie wuye ya urende-lo lyilanderumatso nyi moṙo, nechiambilyia wori.

1 Wakorinto 3:7

Koikyo mowaaya chi kyindo-pfo, maa monyosa, indi Ruwa ekyeng'anyisa.

1 Wakorinto 3:9

Kyipfa soe lukyeri waṟundi hamwi na Ruwa; nyoe nyi ṙema lya Ruwa, nyi numba ya Ruwa.

1 Wakorinto 4:15

Cha kyipfa maa kokooya muwoṙe walosha shiku ikumi kyiiṙi kya Kristo muwoṙe waawu wafoi-pfo. Kyipfa inyi ngyilemfee kyiiṙi kya Kristo Yesu kui njia ya Ndumi Ngyicha.

1 Wakorinto 9:7

Nyi asikari uha ekyeyenda shiṙenyi kyiyeri kyoose kulawoṙe ienengo wori? Nyi wui ekyewaaya sabibu alekyelya ndunda tsa kyilya awaaya? Ang'u nyi wui ekyelyisa shima alekyenyo maruwa ga shima shilya?

Wagalatia 6:4

Kyaindi orio mndu naeneng'ene iṟunda lyakye amonyi, nyi lyo-ndu eiṙima iwaṙa kyimaṙuma kyekushela mrimenyi kokye tupu, maa chi ko oṙoe-pfo.

Wagalatia 6:5

Kyipfa orio mndu nechikuṙika mlari okye amonyi.

Waebrania 6:10

Cha kyipfa Ruwa ammbicho mṟasa nawaṙime iṟunda lyanyu-pfo, na ikunda lyilya mulelyiṟingyishia kui rina lyakye, cha kyipfa muleṟundia wandu wa Ruwa, na mṟasa wulalu muwaṟundia.

1 Petiro 5:4

Na kyiyeri Mlyisi ang'anyi echiloṟo, mochiambilyia iṟikoso lya kyiṟumi, lyilya lyilekyenyamaṟika.

2 Yohane 1:8

Ringyenyi mrima yanyu mulaṙetse shilya mulewuta, indi muambilyie wori wuafutsie.

Ulogo 2:23

Na inyi ngyewaaga wana wakye. Na siṟi tsoose tsechimanya kye inyi nyi oe aichi makusaṟo gakyeri mrimenyi ko wandu. Na inyi ngyechitaa orio umwi onyu iṙuana na mawuto gakye.

Ulogo 22:12

Yesu naigamba, “Ngyiicha iwinyi, na wori woko wukyeri hamwi na inyi, itaa orio mndu chandu iṟunda lyakye lyikyeri.