1 Wakorinto 3:5 - Kivunjo New Testament 1999

⁵ Kyasia Apolo nyi wui? Na Paulo nyi wui? Nyi waṟundi walya kui wo muleiṙikyia Ruwa na orio mndu chandu Ruwa alemuenenga wuiṙimi.

1 Wakorinto 3:5 ပူးပေါင်းရင်းမြစ်များ

Matayo 25:15

Kaenenga umwi talanta tsitaanu, na umwi talanta tsiwi, na umwi talanta imwi; orio mndu iṙuana na wuiṙimi wokye; kayenda kyaro.

Luka 1:2

chandu walya waleṟingyishia na iwona mbonyi-tsi waleluongoya, hamwi na waṟundi wa Ṙeṙo lyilya wookyia mawookyionyi,

Yohane 3:27

Yohane kagaluo, kagamba, “Kuwoṙe mndu echiiṙima imanya kyindo kyoose sile Ruwa amwenenga wuiṙimi-pfo.

Mawuto Ga Wasu 18:24

Kyasia Myuda umwi ekyelago Apolo, awemfee Iskanderia, mndu aichi shindo shifoi, kashika Efeso; na oe nawoṙe wuragari wo ikulosha shiṟeio.

Mawuto Ga Wasu 19:1

Kyiyeri Apolo awekyeri Korinto, Paulo, amwiṙie ngyuurukyenyi tsikyeri kuleshi na ipalyipalyi, kashika Efeso, kakooya wanalosho waangu wawekyeri pfo;

Waroma 15:16

kundu ngiwe mṟundi o Kristo Yesu wandunyi walakyeri Wayuda. Ngyiṟundie Ndumi Ngyicha ya Ruwa iṟunda lya wukohanyi, kundu wandu walakyeri Wayuda wawe kyiano kyechiambilyio, kyikamwilyiṟo nyi Mumuyo Mweele.

1 Wakorinto 12:28

Na Ruwa nawikyie wengyi Siṟinyi, wa kuwooka wasu, wa kawi weonguo shisuku, wa kaṟaaṟu walosha; numa ya iho shindo sheṟiyisha, shisumbo sha ikyiṟa waluoe, na itaramana, na wusongoru, na mbaṟe tsa iṙeṙa mṙeṙie wandu walaiichi.

1 Wakorinto 16:12

Kyaindi ko mbonyi tsa Apolo, mono-wama oṙu, ngyilemterewa mnu nayende konyu hamwi na wana wa wama-wo waṙu; ulya kyilakyeri makusaṟo gakye iyenda wulalu; indi nechicha ilyi ewona ṙaawa.

1 Wakorinto 3:10

Iṙuana na isaṟia lya Ruwa ngyileenengo, inyi cha msongoru o wewika numba wawoṙe wuṟango, ngyilewika urende, na mndu ungyi naiwika numba wuye ya urende-lo. Kyaindi orio mndu naambuye chandu aiwika numba wuye ya urende-lo.

1 Wakorinto 3:22

kye nyi Paulo, ang'u Apolo, ang'u Kyefa; ang'u wuyana, ang'u moo, ang'u upfu; ang'u shindo shilya shikyeri pfo wulalu, ang'u shilya shekoshikyeri pfo ipfo-ndu luiyenda; shoose nyi shanyu.

1 Wakorinto 3:7

Koikyo mowaaya chi kyindo-pfo, maa monyosa, indi Ruwa ekyeng'anyisa.

1 Wakorinto 9:17

Kyipfa ngaṟunda iṟunda-lyi kulawoṙe iitiko ngyiwoṙe wori; indi kokooya nyi kui iitiko, Ruwa nangyisambuṟie ngyiringye iṟunda lyakye.

2 Wakorinto 11:23

Wo nyi waṟundi wa Kristo? (Ngyiṙeṙa cha msuko), inyi nyi ngoseṟa. Wukyiwenyi nyi ngoseṟa mnu; shipfungonyi nyi ngoseṟa mnu; kyiiṙi kya ikapo nyi ngoseṟa na kuta; kyiiṙi kya ikyia upfu kyiyeri kyileshi.

2 Wakorinto 3:3

Muṟingyishio kye mowa paruo iwukyie ko Kristo lulemṙambika nyoe, ingyiṟeie chi kui wiino-pfo, indi na Mumuyo o Ruwa ai na moo; chi shibaunyi sha magoe-pfo; indi shibaunyi shikyeri nyi mrima ya nyama.

2 Wakorinto 3:6

Na oe nyi oe alelutarama iwa waṟundi wa mma mhya; chi wa kyiṟeio-pfo, indi wa Mumuyo; cha kyipfa kyiṟeio kyekyewaaga, indi Mumuyo okyekyiṟa.

2 Wakorinto 4:1

Kyipfa kya ikyo, cha kyipfa luwoṙe iṟunda-lyi, chandu lulewona isaṟia, luiloloma-pfo.

2 Wakorinto 4:5

Cha kyipfa lukuongoya mbonyi luwenyi-pfo, indi Kristo Yesu kye nyi Mndumii; na soe luwenyi kye lukyeri waṟundi wanyu kyipfa kya Yesu.

2 Wakorinto 4:7

Kyaindi luwoṙe wunjama-wu shindonyi sha teri, kundu pfinya ing'anyi ya wuiṙimi iwe ko Ruwa, maa chi iwuka koṙu-pfo.

2 Wakorinto 5:18

Kyaindi shoose taa shiwukyie ko Ruwa alelusanza soe na oe kui Kristo. Na oe naleluenenga iṟunda lyesanza wandu na Ruwa.

2 Wakorinto 6:1

Na soe lukoṟunda handu hamwi na oe lumuterewa maa mulaambilyie isaṟia lya Ruwa wulya.

2 Wakorinto 6:4

Indi orio kyindonyi luiwuta luwone kyiṟumi kyicha, cha waṟundi wa Ruwa; kui wusimiri wung'anyi, wukyiwenyi, fowenyi, matuuronyi.

Wafilyipi 3:7

Ndumi-yo Ngyicha ngyilewiko mṟundi oyo, iṙuana na kyisumbo kya isaṟia lya Ruwa ngyileenengo iṙuana na iṟunda lya wuiṙimi wokye.

Wakolosai 1:23

Mukokuwaṙa na isaṟia lyilya tikyi, muwawikye wuye ya urende, mukokarisho; mulandeilacho na iṙa ikusuria lya Ndumi Ngyicha muleicho mbonyi tsayo, ileongoyo ko shindo shoose shigumbe shikyeri wuyanenyi, ikyeri kye inyi Paulo ngyiwekyeri mṟundi oyo.

Wakolosai 1:25

Siṟi inyi ngyikyeri mṟundi oyo, iṙuana na iṟunda lya Ruwa, alengyiṙambika, na ngyileenengo kyipfa kya kyiira kyanyu, ngyiafutsie Ṙeṙo lya Ruwa.

1 Timoteo 1:12

Na inyi ngyiana Kristo Yesu Mndumii oṙu, alengyienenga pfinya cha kyipfa alengyiwona kye ngyekyeafutsia shilya ngateṟia, kangyiwika iṟundenyi lyakye.

1 Petiro 4:10

orio umwi iṙuana na chandu aleambilyia kyisumbo, ṟundianenyi nakyo; cha waringyi wecha wa isaṟia lya mbaṟe tsifoi lya Ruwa.