1 Wakorinto 3:3 - Kivunjo New Testament 1999

³ cha kyipfa mṟasa wulalu nyoe nyi wandu wa mkaṟo ya kyimmbiu. Kyipfa kokooya konyu kuwoṙe wunyenyi na wuṟiingyi, ngyesa nyoe chi wandu wa mkaṟo ya kyimmbiu-pfoe? Lyingyi-se mokyewuta kui mbaṟe ya kyimndu?

1 Wakorinto 3:3 ပူးပေါင်းရင်းမြစ်များ

Waroma 13:13

Chandu kyiwaṟi iwuto kyingoto luchumie kui wuyendelyi wucha. Chi kui ilya na ielewetsa na wunanzi-pfo, chi kui ukoe na wuṟui-pfo, chi kui shiloyano na wunyenyi-pfo.

1 Wakorinto 1:10

Kyasia wana wa wama wako, ngamuterewa, kui rina lya Mndumii oṙu Yesu Kristo, nyoe muṙeṙe kyindo kyimwi; maa halawaṙe nduutsano, indi muwaṙe makusaṟo gamwi.

1 Wakorinto 1:11

Cha kyipfa, wana wa wama wako, walya wa kanyi ko Kyiloe wangyiwia kye kuwoṙe wuṟiingyi konyu.

1 Wakorinto 11:18

Cha kyipfa kuwooka kyiyeri mokyesanzia handu hamwi cha siṟi ngyiichuoe kye mukyeri kyindo kyimwi-pfo; na inyi ngyiiṙikyie ikyo piu-pfo;

1 Wakorinto 3:4

Kyipfa kyiyeri-kyo mndu umwi ekyegamba, “Inyi nyi o ura lo Paulo,” na ungyi, “Inyi nyi o ura lo Apolo,” ngyesa nyoe chi wandu-pfoe?

2 Wakorinto 12:20

Kyipfa ngiowuo, ngyilachemukooya chandu ngyilakundi imukooya mukongyiwona konyu chandu mulawekusurie ingyiwona ngyilachekooya kofia nyi wuṟiingyi na wunyeng'i, na nyashi, na maluyano, na iiriana wongo, na iṙeṙana, na makushelo, na kyituṟu.

Wagalatia 5:15

Kyaindi mukowika cha mando ga saka, ambuyenyi mularumatsane.

Tito 3:3

Kyipfa mfiri ya ipfo numa maa soe luwewoṙe wuṟango-pfo. Luwewanyamaṟi, luwalembe, kunu lochiosha lango na shindo sha mamoona sha mbaṟe tsifoi, lochiwaṙa mkaṟo ya wuwicho na wunyeng'i, lochisuiṟana na isuana.

Yakobo 3:16

Kyipfa handu hawoṙe wunyeng'i na maluyano, nyi ho-ndu hawoṙe kyituṟu, na orio kyindo kyiwicho.

1 Petiro 4:2

Wookyia wulalu mulaengyeṟe iosha lango tsa mmbiu, indi oshenyi shilya Ruwa akundi, kyiyeri kyanyu kyitsugai kyekaa iha wuyanenyi.