1 Wakorinto 3:18 - Kivunjo New Testament 1999

¹⁸ Mndu alakulembe amonyi. Kokooya mndu awona kye nawoṙe wuṟango kyiiṙi kyanyu kunu wuyanenyi, nawe tondo, kundu naiṙime iwa mndu awoṙe wuṟango.

1 Wakorinto 3:18 ပူးပေါင်းရင်းမြစ်များ

Matayo 13:22

Na iya ingyiṙongye mshenyi, icho nyi mndu ekyeicho ṙeṙo lyilya; na mawino ga wuyana, na wulembi wo masaa wokyeilama ṙeṙo lyilya; lyilawaṙe ndunda.

Matayo 18:4

Kyasia, orio oose echikukyiwasha amonyi cha mana-chu, icho nyi oe ai ang'anyi Wumangyinyi wo ruwewu.

Mariko 10:15

Ny'kyaloi ngammbia, orio oose alechiiṙikyia Wumangyi wo Ruwa cha mana mtutu echiiṙa napfo maa ale-pfo.”

Luka 18:17

Kyaloi, ngyimmbia, mndu oose alandeambilyie Wumangyi wo Ruwa cha mana mtutu echiiṙa napfo maa kyitutu-pfo.”

Luka 21:8

Kagamba, “Ambuyenyi, mulachelembo, cha kyipfa wafoi wechicha kui rina lyako, wechigamba, ‘Inyi nyi oe.’ Lyingyi-se, ‘Kyiyeri kyamshika.’ Kyasia, maa mulawaoshe.

Waroma 11:25

Cha kyipfa wana wa wama wako, ngyikundi mulamanye wuṟikyi-wu-pfo, kundu mulachekusaṟa kye mulawaṟango; kye wuumu wo Waisiraelyi nyi kundu masanga gengyi gamanye Ruwa.

Waroma 12:16

Muiṙikyiane shilya mukusurie nyoe wenyi ko wenyi. Maa mulakusurie shindo shing'anyi, indi muiṙikyie iwinisho nyi mbonyi tsifofo. Maa mulakushelyie wuṟango.

1 Wakorinto 15:33

Maa mulalembo nyi wandu. Wandu wawicho wekyenyamaṟa mkaṟo mcha.

1 Wakorinto 3:17

Kokooya mndu anyamaṟa hekalu lya Ruwa, Ruwa nechinyamaṟa mndu-cho. Cha kyipfa hekalu lya Ruwa nyi lyiele, nalyo nyi nyoe.

1 Wakorinto 4:10

Soe luwatondo kyipfa kya Kristo, kyaindi nyoe muwoṙe wuṟango kyiiṙi kya Kristo. Soe luwafofo, kyaindi nyoe muwoṙe pfinya; nyoe muwoṙe kyiṟumi, indi soe luindio-pfo.

1 Wakorinto 6:9

Ang'u muichi kye wandu wawicho wechioṟa Wumangyi wo Ruwa-pfo? Maa mulakulembe. Waṟui wechioṟa Wumangyi wo Ruwa-pfo. Maa wekyeindia mafano, maa wekyewuta shindo shiwicho na wandu wa nguwo tsawo,

Wagalatia 6:3

Kyipfa mndu kakuwona kye nyi kyindo, na oe chi kyindo-pfo, nakulemba mrimenyi kokye.

Wagalatia 6:7

Maa mulakulembe, Ruwa chi tondo-pfo; cha kyipfa kyilya mndu awaaya nyikyo echisambuo.

Wafilyipi 5:6

Mndu alamulembe kui maṙeṙo galawoṙe kyiira; cha kyipfa, kyipfa kya ikyo nyashi ya Ruwa yekyeolokyia wana wa wunyamaṟi.

2 Timoteo 3:13

Kyaindi wandu wawicho na walya wekyelemba wechiengyeṟika, na iengyeṟa iwa wawicho, wechilemba na ilembo.

Tito 3:3

Kyipfa mfiri ya ipfo numa maa soe luwewoṙe wuṟango-pfo. Luwewanyamaṟi, luwalembe, kunu lochiosha lango na shindo sha mamoona sha mbaṟe tsifoi, lochiwaṙa mkaṟo ya wuwicho na wunyeng'i, lochisuiṟana na isuana.

Yakobo 1:22

Kyaindi wenyi wandu mokyewuta kyilya mokyeicho, maa chi wandu weaṙanyia tikyi kunu mochikulemba muwenyi-pfo.

Yakobo 1:26

Mndu kakusaṟa kye nawoṙe mwiṙikyie, indi ekyeringa ulumi lokye-pfo, kunu echilemba mrima okye, mwiṙikyie o mndu-cho chi kyindo-pfo.

1 Yohane 1:8

Lukogamba kye luwoṙe wunyamaṟi-pfo, lokulemba luwenyi, maa kuwoṙe wuloi koṙu-pfo.