1 Wakorinto 3:16 - Kivunjo New Testament 1999

¹⁶ Muichi kye nyoe mowa hekalu lya Ruwa, na kye Mumuyo o Ruwa nekyekaa mrimenyi konyu?

1 Wakorinto 3:16 ပူးပေါင်းရင်းမြစ်များ

Yohane 14:17

Nyi oe Mumuyo o loi; ulya wandu wa wuyana walechiiṙima imwambililyia, cha kyipfa wammbonyi maa wamwichi-pfo; indi nyoe mumwichi, kyipfa nekyekaa konyu; na oe nechikaa mrimenyi konyu.

Waroma 6:16

Muichi kye icho muiwuta mrima yanyu kokye iwa waṟundi wakye kyiiṙi kya imwindia, mowa waṟundi wakye ulya muimwindia, kokooya nyi wuṟundi wo wunyamaṟi wokyeende upfu, ang'u kokooya nyi wuṟundi wo wuindi wokyeende wusumganyi.

Waroma 6:3

Muichi kye soe loose lulepatiso kyiiṙi kya Kristo Yesu lulepatiso upfunyi lokye?

Waroma 8:11

Kyaindi kokooya Mumuyo okye ulya aleṟutsa Yesu ko wapfu nakyeri mrimenyi konyu, ulya aleṟutsa Kristo Yesu ko wapfu naiṟutsa na mmbiu yanyu ikyeri mbaṟenyi ya ipfa, kui Mumuyo okye akyeri mrimenyi konyu.

Waroma 8:9

Kyaindi kokooya Mumuyo o Ruwa nakyeri mrimenyi konyu, nyoe muiosha mmbiu-pfo; indi muiosha Mumuyo. Kyaindi kokooya mndu oose alawoṙe Mumuyo o Kristo, icho chi okye-pfo.

1 Wakorinto 3:17

Kokooya mndu anyamaṟa hekalu lya Ruwa, Ruwa nechinyamaṟa mndu-cho. Cha kyipfa hekalu lya Ruwa nyi lyiele, nalyo nyi nyoe.

1 Wakorinto 3:9

Kyipfa soe lukyeri waṟundi hamwi na Ruwa; nyoe nyi ṙema lya Ruwa, nyi numba ya Ruwa.

1 Wakorinto 5:6

Ikushela lyanyu chi kyindo kyicha-pfo. Muichi kye chachu kyitung'tu yekyetarang'isha itongye lyoose?

1 Wakorinto 6:16

Ang'u muichi kye ulya amlungye na iṟai nakyeri mmbiu umwi na oe? Kyipfa shiṟeio shiele shigambie, “Iwo wawi wechiwa mmbiu umwi.”

1 Wakorinto 6:19

Ang'u muichi kye mmbiu yanyu nyi hekalu lya Mumuyo Mweele akyeri mrimenyi konyu, muleenengo nyi Ruwa-pfoe? Maa nyoe chi masaa ganyu muwenyi-pfo;

1 Wakorinto 6:9

Ang'u muichi kye wandu wawicho wechioṟa Wumangyi wo Ruwa-pfo? Maa mulakulembe. Waṟui wechioṟa Wumangyi wo Ruwa-pfo. Maa wekyeindia mafano, maa wekyewuta shindo shiwicho na wandu wa nguwo tsawo,

1 Wakorinto 9:13

Muichi kye walya wekyeṟunda maṟunda ga hekalunyi wekyelya shindo sha hekalu, na walya wekyeṟundia shindo alyitaṟenyi wawoṙe ṙombo lyawo shindonyi sha alyitaṟe?

1 Wakorinto 9:24

Ngyesa muichi kye walya wekyeṙicha, wekyekapa mteeṟa woose, kyaindi ekyeambilyia iṟikoso nyi umwi-pfoe? Kapenyi mteeṟa kuṙo kundu muenengo iṟikoso.

2 Wakorinto 6:16

Lyingyi-se hawoṙe iiṙikyiana lya mbaṟe iha kyiiṙi kya hekalu lya Ruwa na ifano? Cha kyipfa soe nyi hekalu lya Ruwa akyeri na moo; chandu Ruwa alegamba kye, “Ngyechikaa mrimenyi kowo na ichumia kyiiṙi kyawo na inyi ngyewa Ruwa owo, nawo wechiwa wandu wako.”

1 Timoteo 3:15

Kyaindi ngakyelyio, umanye chandu kyiwaṟi wandu iwuta kyiyeri-kyo wakyeri numbenyi ya Ruwa, ikyeri Siṟi ya Mndumii ai na moo, ngoe na urende lo loi.

2 Timoteo 1:14

Ringa kyindo kyilya kyicha kui Mumuyo Mweele ekyekaa mrimenyi koṙu.

Waebrania 3:6

indi Kristo, cha mana ekyechilyia numba ya Ruwa; ulya numba yakye ikyeri nyi soe, kokooya loengyeṟa iwaṙa wuṟango na wukari na ikushela lya iweṙelyia lyaṙu mṟasa mafurumionyi.

Yakobo 4:4

Lanyoe waṟui, muichi kye iwaṙa mbuya na wuyana nyi iwaṙa kyituwa na Ruwa-pfoe? Kyasia orio mndu akundi iwaṙa mbuya na wuyana nekyewa nawaṙa kyituwa na Ruwa.

1 Petiro 2:5

Na nyoe, cha magoe Ruwa agaenengyie moo, muwawikye muwe numba ya Mumuyo, wukohanyi wuele, muwute shiṙaso sha mrima, shichihiṟie Ruwa, kui njia ya Yesu Kristo.

1 Yohane 4:12

Kuwoṙe mndu alemmbona Ruwa kyiyeri kyoose-pfo. Lukokundana, Ruwa nekyekaa mrimenyi koṙu, na ikunda lyakye lying'anyi mnu mrimenyi koṙu.