1 Wakorinto 3:13 - Kivunjo New Testament 1999

¹³ Kyipfa mfiri ulya o ianduyo ochiloṟa iṟunda-lyo na pata cha kyipfa lyechiloṟo moṙonyi; na moṙo ulya ochiyesha iṟunda lya orio mndu, nyi lya mbaṟe iha.

1 Wakorinto 3:13 ပူးပေါင်းရင်းမြစ်များ

Matayo 10:15

Ny'kyaloi, ngammbia, kyechiwa kyaangu uruka lo Sodoma na Gomora ihooṟio maṙeko mfiri ulya o ianduyo kuta mṟi-cho.”

Matayo 16:27

Cha kyipfa Mono-Adamu nechicha mng'anonyi o Awu-yokye hamwi na malaika wakye. Naaho-ng'u echitaa orio mndu iṙuana na mmbutie yakye.

Luka 2:35

Na iyoe kumonyi, kyechiwa cha ilyi ushu loiṙa na mrimenyi kopfo, kundu mrima ya wandu wafoi igalutso.”

Waroma 2:16

mfiri ulya Ruwa echianduya makusaṟo ga kyiṟika ga wandu, iṙuana na Ndumi-i Ngyicha ya Kristo Yesu ngyilemuongoya.

Waroma 2:5

Indi kyipfa kya wuumu wopfo, na kui mrima opfo ulawoṙe iṙumbuya wunyamaṟi, nuiengeṟa nyashi ya Ruwa kopfo mfiri ulya o nyashi ya Ruwa na iloṟo lya chandu Ruwa ekyeanduya kulawoṙe ikundia.

1 Wakorinto 1:8

ulya echimukarisha nyoe mṟasa mafurumionyi, kundu mfiri ulya mulawio kye mulewuta kyindo kyiwicho.

1 Wakorinto 3:12

Kyaindi kokooya mndu awika numba wuye ya urende-lo, sahapu ang'u heleri ang'u magoe ga woguru, ang'u mashiṙi ang'u maṟa ang'u nyatsi, iṟunda lya orio mndu lyechimanyika na pata.

1 Wakorinto 4:5

Kyasia nyoe mulangyianduye kye ngyimmbicho kyipfa kya kyindo kyoose kyiyeri kyilashika, mṟasa ilyi Mndumii echicha; ulya echiloṟa shilya shikuṟiikyie meemenyi, na iloṟa makusaṟo gakyeri mrimenyi; nyi lyo-ndu orio mndu echiwona kyiṟumi kyakye ko Ruwa.

2 Timoteo 1:12

Kyipfa kya ikyo ngyileolokyio matuuro-ga maa ngyirigo nyi sonu-pfo; kyipfa ngyiichi icho ngyimwiṙikyie, na imanya piu kye neiṙima iringa kyilya ngyilekooma kokye mṟasa mfiri ulya.

2 Timoteo 1:18

Mndumii namwenengye iwona isaṟia mbele ya Mndumii mfiri ulya o ianduyo. Na chandu alengyiṟundia kulya Efeso, iyoe nuichi mnu.

2 Timoteo 3:9

Kyaindi wechishika kuleshi nawi-pfo, kyipfa wutondo wowo wochimanyika na pata ko wandu woose, chandu na wutondo wo iwo wulewemanyika.

2 Timoteo 4:8

Numa ya iho Ruwa nangyikoomie oṟo ya wusumganyi, iya Mndumii moanduya awoṙe wusumganyi echingyienenga mfiri ulya, maa chi inyi tupu-pfo, indi na wandu woose taa wakundi iwona iloṟo lyakye.

Waebrania 10:25

Maa lulaṙe isanzia handu hamwi, chandu kyikyeri kyiṙo kya wandu wengyi; indi luikyimbiane; na iengyeṟa iwuta kuṙo, kui chandu muwonyi kye mfiri ulya o Yesu ianduya ukyeri kufui.

1 Petiro 1:7

Kundu kye iyesho kui iiṙikyia lyanyu, lyilya lyiwoṙe woguru wung'anyi kuta sahapu yekyenyamaṟika, maa chandu sahapu-yo yekyeyeṟo kui moṙo; muambilyie iṟumisho na kyiṟumi mfiri ulya Yesu Kristo echiloṟo.

1 Petiro 4:12

Wakunde, mulaṟiyio kya wukyiwa wulya wukyeri konyu, wokyemukoṟa nyoe cha moṙo imuyesha, cha ilyi nyi kyindo kyiyenu kyacha na konyu.

2 Petiro 3:10

Kyaindi mfiri o Mndumii ochicha cha mbafu. Mfiri-cho ngyina tsechirumatso kui ndiṟimo tsing'anyi, na orio kyindo kya wuyana kyechikoṟo na irumatso, na wuyana na shoose shikyeri pfo shesenekyia.

2 Petiro 3:7

Kyaindi ngyina tsa wulalu na uruka shingyikoome kyiseyesoe kui moṙo, kui Ṙeṙo-lyo ilyo, shechiringo mṟasa mfiri o ianduyo, na kui irumara lya wandu walaiṙikyie Ruwa.

Ulogo 20:12

Ngawona wapfu, wang'anyi na watutu, wagoṟokyi mbele ya kyitima-kyo kya mng'ano; na shitapu shishipfunguoe; na malaika wakapfunguo kyitapu kyingyi, kyikyeri kya moo; na wapfu-wo wakaanduyo kui shindo shishiṟeie ipfo shitapunyi, iṙuana na mawuto gawo.