1 Wakorinto 3:12 - Kivunjo New Testament 1999

¹² Kyaindi kokooya mndu awika numba wuye ya urende-lo, sahapu ang'u heleri ang'u magoe ga woguru, ang'u mashiṙi ang'u maṟa ang'u nyatsi, iṟunda lya orio mndu lyechimanyika na pata.

1 Wakorinto 3:12 ပူးပေါင်းရင်းမြစ်များ

Mawuto Ga Wasu 20:30

Lyingyi-se kyiiṙi kyanyu nyoe kochiwuka wandu, wechiṙeṙa shindo sha wuṙetsi, walembe wanalosho wakae ura lowo.

Waroma 16:17

Wana wa wama wako, ngyimuterewa ambuyenyi walya wawoṙe wuṟiingyi na mbonyi tseolotsa wengyi kui malosho galaṙuṙanyi na shilya mulekulosha. Kushowenyi nawo.

1 Wakorinto 3:11

Kyipfa urende lungyi kuwoṙe mndu eiṙima iluwika, sile nyi lulya lulemmbiko, lukyeri nyi Yesu Kristo-pfo.

1 Wakorinto 3:13

Kyipfa mfiri ulya o ianduyo ochiloṟa iṟunda-lyo na pata cha kyipfa lyechiloṟo moṙonyi; na moṙo ulya ochiyesha iṟunda lya orio mndu, nyi lya mbaṟe iha.

2 Wakorinto 2:17

Cha kyipfa soe chi kyimwi na wandu wafoi wekyekapa mbucha na ulogo lo Ruwa-pfo. Soe luonguo ulogo lo Ruwa kui wuwaṙami wo mrima cha wandu waleṙumo nyi Ruwa, luwalungye na Kristo.

2 Wakorinto 4:2

Kyaindi lulelega mbonyi tsa sonu tsikuṟiikyie, maa luichumia kui mtambo-pfo, maa isanza-sanza Ṙeṙo lya Ruwa na wongo, indi kui iṟingyishia loi lukuloṟa kye luwoṙe wusumganyi, kyilya mrima ya wandu iwonyi kye kyikyicha kyeluṟingyishia mbele ya Ruwa.

Wakolosai 2:8

Mndu alachemuṙetsa kui wuṟango wokye na wulembi wulawoṙe kyiira, kui mbaṟe ya malosho ga shilya wandu wekyeambilyia ko waku wawo, kui mbaṟe ya malosho ga kuwooka ga wuyana, maa chi kui mbaṟe ya Kristo-pfo.

1 Timoteo 6:3

Uloshe na itutuma shindo-shi. Mndu oose kalosha mbonyi tsingyi, alaiṙikyie mbonyi tsiwoṙe moo o Mndumii oṙu Yesu Kristo, maa malosho galaṙuṙanyi na iowuo na ikunda Ruwa,

2 Timoteo 2:20

Kyasia numbenyi kuwoṙe shindo sha sahapu na heleri tikyi-pfo, indi na sha shiṙi, na sha teri. Shingyi shiwoṙe kyiṟumi, shingyi shiwoṙe-pfo.

2 Timoteo 3:13

Kyaindi wandu wawicho na walya wekyelemba wechiengyeṟika, na iengyeṟa iwa wawicho, wechilemba na ilembo.

2 Timoteo 3:7

wechikulosha mfiri yoose, indi walaiṙime maa ale iwaṙa wuṟango wo loi.

2 Timoteo 4:3

Kyipfa kuicha kyiyeri wechilega malosho gawoṙe moo; indi kui iosha kyilya wakundi wawenyi wepfula walosha wawo wafoi, cha kyipfa wawoṙe maṙwi gesoruo-soruo shindo.

Waebrania 13:9

Maa mulaṟaisho nyi malosho ga mbaṟe tsingyi, na mayenu; kyipfa nyi kyicha mrima ukarisho kui isaṟia, maa chi kui shelya shilya walya waleyenda nasho walalewona kyiira-pfo.

1 Petiro 1:7

Kundu kye iyesho kui iiṙikyia lyanyu, lyilya lyiwoṙe woguru wung'anyi kuta sahapu yekyenyamaṟika, maa chandu sahapu-yo yekyeyeṟo kui moṙo; muambilyie iṟumisho na kyiṟumi mfiri ulya Yesu Kristo echiloṟo.

Ulogo 2:14

Kyaindi ngyiwoṙe mbonyi ngyaangu kyipfa kyapfo, cha kyipfa nuwoṙe pfo wandu wekyeosha malosho ga Balaamu, ulya alelosha Balakyi nawikye kyindo kyetewe Waisiraelyi, kye walye shindo shileṙasio mafano na iwuta shindo sha wuṟui.

Ulogo 21:18

Na kyiambasa-kyo kyiwekyiwikye nyi magoe ga kyimaṟamaṟa, na mṟi-cho uwei sahapu ngyiilyi, mfano o kyiyewo kyiilyi.

Ulogo 3:18

Ngyikuwia kyindo kya wuṟango, uwuṟe koko sahapu ingyisanje kui moṙo, uiṙime iwa mnjama; na nguwo ngyiilyi uiṙime iṟaa, sonu ya kyiṟanguoe kyapfo ilawono; na mṙi o meso oshia meso gapfo, uiṙime iwona.