1 Wakorinto 3:10 - Kivunjo New Testament 1999

¹⁰ Iṙuana na isaṟia lya Ruwa ngyileenengo, inyi cha msongoru o wewika numba wawoṙe wuṟango, ngyilewika urende, na mndu ungyi naiwika numba wuye ya urende-lo. Kyaindi orio mndu naambuye chandu aiwika numba wuye ya urende-lo.

1 Wakorinto 3:10 ပူးပေါင်းရင်းမြစ်များ

Matayo 24:45

“Kyasia nyi wui-ng'u mṟundi muyendelyi, awoṙe wuṟango, mndumii okye alemwenenga wuchilyi kanyi kokye, naenengye wandu kyelya kyiyeri kyiwaṟi?

Matayo 7:24

“Kyasia orio mndu ekyeicho maṙeṙo-ga gako na igaosha, nechiwa cha mndu awoṙe wuṟango, alewika numba yakye wuye ya iṟaṟa.

Luka 11:35

Kyasia, ambuya-ng'u, ngyeela iya ikyeri kopfo ilacheewa meema.

Luka 21:8

Kagamba, “Ambuyenyi, mulachelembo, cha kyipfa wafoi wechicha kui rina lyako, wechigamba, ‘Inyi nyi oe.’ Lyingyi-se, ‘Kyiyeri kyamshika.’ Kyasia, maa mulawaoshe.

Mawuto Ga Wasu 18:27

Na kyiyeri awekundi iambaṙa nayende mṟasa Akaya, wandu walya waweiṙikyie Yesu wakamtarama, wakaṟeia wanalosho walya paruo kundu wamwambilyie. Na oe kyiyeri aleshika katarama mnu walya walekowamwiṙikyia kui isaṟia lya Ruwa.

Waroma 1:5

Icho ai kye kyiiṙi kyakye luleambilyia isaṟia na ndumo kundu masanga goose gaiṙime iindia kui iiṙikyia kyipfa kya rina lyakye.

Waroma 12:3

Cha kyipfa kui isaṟia ngyileenengo ngyiwia orio mndu akyeri konyu alakusurie kyindo kya ngoseṟa kuta chandu awaṟi ikusuria; indi nawaṙe meena chandu Ruwa agawie orio mndu meena o iiṙikyia.

Waroma 15:15

Indi ngyimuṟeia, kui wukari ngoseṟa ngyuurenyi tsingyi tsa paruo-i, cha imukumbuṟa, kui isaṟia lyilya ngyileenengo nyi Ruwa,

Waroma 15:20

Na wuṙo-se ngyechitambagana ionguo Ndumi Ngyicha, ngyilaonguo handu rina lya Kristo lyammarise igambo, ngyilachewika numba wuye ya mndu ungyi.

1 Wakorinto 3:11

Kyipfa urende lungyi kuwoṙe mndu eiṙima iluwika, sile nyi lulya lulemmbiko, lukyeri nyi Yesu Kristo-pfo.

1 Wakorinto 9:2

Cha kyipfa kokooya inyi ngyilakyeri msu ko wandu wengyi, nyi msu konyu nyoe; cha kyipfa nyoe muwalungye na Mndumii kyaloṟa na pata kye inyi nyi msu.

2 Wakorinto 10:15

Maa luikushela kuta chandu kyiwaṟi, kyipfa kya iṟunda lya wandu wengyi-pfo; indi ikusuria lyaṙu nyi kye chandu iiṙikyia lyanyu lyiengyeṟika, iṟunda lyaṙu konyu lyeng'ana,

Wafilyipi 2:20

Muwawikye urendenyi lo wasu na weonguo shisuku, na Kristo Yesu amonyi nyi igoe lying'anyi lya ndumbenyi.

Wakolosai 1:29

Na inyi ngyikuwinisha kui kyindo-kyo ikyo, ngyechipfuṟukana iṙuana na pfinya ing'anyi iwukyie ko Kristo, ekyeṟunda kyiiṙi kyako.

Wakolosai 4:17

Wienyi Arikyipo, “Ringa mnu iṟunda lyilya uleenengo kyiiṙi kya Mndumii, kundu ulyiafutsie.”

1 Watesalonikye 3:2

Lukoṙuma Timoteo mono-wama oṙu, mṟundi o Ruwa iṟundenyi lyeonguo Ndumi Ngyicha ya Kristo, kundu namukarishe nyoe na immbiyiṟia moo ko mbonyi tsa iiṙikyia lyanyu;

1 Timoteo 4:16

Ringa mrima opfo, na malosho gapfo. Ulalekane na shindo-sho; kyipfa kui iwuta kuṙo nochikyiṟa mrima opfo na mrima ya walya wechiicho shilya uilosha.

2 Timoteo 2:15

Pfuṟukana iloṟa kye numwiṙikyie nyi Ruwa, mṟundi alawoṙe kyitewe kyerigo nyi sonu, na ilosha necha Ndumi Ngyicha.

Yakobo 3:1

Wana wa wama wako, mulawe walosha wafoi, muichi kye soe walosha lochiambilyia ianduyo lying'anyi kuta.

1 Petiro 4:11

Mndu kaṙeṙa, naṙeṙe chandu Ruwa akundi; mndu kaṟunda, naṟunde kui pfinya amwenengye nyi Ruwa; kundu Ruwa naṟumisho shindonyi shoose kui Yesu Kristo. Kyiṟumi na pfinya shikae na oe mlungana na mlungana. Amen.

2 Petiro 3:15

Na nyoe talenyi wusimiri wo Mndumii oṙu kye nyi wukyiṟo, chandu na mono-wama oṙu mkunde Paulo aleṟeia kui wuṟango aleenengo.

Ulogo 21:14

Na kyiambasa kya mṟi kyiwewoṙe ngyuurende ikumi na tsiwi, na ipfo ngyuurendenyi marina ikumi na gawi ga wasu walya ikumi na wawi wa Kyiondo kya Ruwa.

Ulogo 21:19

Na ngyuurende tsa kyiambasa kya mṟi tsiwengyichope nyi magoe ga woguru wung'anyi ga orio mbaṟe. Urende lo kuwooka luwei kyimaṟamaṟa; lo kawi igoe lya buluu; lo kaṟaaṟu igoe lya kyimaṟamaṟa; lo kaana sumaridi.