1 Wakorinto 3:1 - Kivunjo New Testament 1999

¹ Kyaindi, wana wa wama wako, inyi ngyileiṙima iṙeṙa na nyoe cha wandu wawoṙe mkaṟo ya kyimrima-pfo, indi cha wandu wawoṙe mkaṟo ya kyimmbiu, cha wana wanangu kyiiṙi kya Kristo.

1 Wakorinto 3:1 ပူးပေါင်းရင်းမြစ်များ

Matayo 16:23

Kagaluka, kawia Petiro, “Wuka koko, Satana, nungyishingyia; kyipfa uikusaṟa shikyeri sha Ruwa-pfo, indi sha wandu.”

Waroma 7:14

Cha kyipfa luichi kye uwawaso mawookyionyi galo nyi mrimenyi; indi inyi nyi mndu o mmbiunyi, ngyimchilyie nyi wunyamaṟi.

1 Wakorinto 14:20

Wana wa wama wako, wuṟango wonyu wulawe cha wo wana watutu; kyaindi ko mbonyi tsa wuwicho wenyi cha wana wanangu, indi wuṟango wonyu wuwe cha wo wandu wapfulukyie.

1 Wakorinto 14:37

Mndu kakuwona kye oe nyi moonguo shisuku ang'u mndu o kyimrima, namanye isho ngamuṟeia, kye nyi mawawaso ga Mndumii.

1 Wakorinto 2:6

Kyaindi kuwoṙe wuṟango luwuonguoe ko walya wapfulukyie kyimrima; indi chi wuṟango wo wuyana-wu-pfo, maa wo iwo waichilyia wuyana-wu, wekyeilachika-pfo.

Wagalatia 6:1

Wana wa wama wako, mndu kaasha kyindonyi kyoose, nyoe mukyeri wa Mumuyo mmbiyiṟenyi kui ngoo ya wuhoo, ochikuringa mrima opfo ulacheyesho.

Waebrania 5:13

Cha kyipfa orio mndu ekyenyo maruwa aichi mnu mbonyi tsa wusumganyi-pfo, cha kyipfa nyi mana mnangu.

1 Yohane 2:12

Ngyimuṟeia nyoe wana wako, cha kyipfa mohooṟio ngyuunyamaṟi tsanyu kyipfa kya rina lyakye.