1 Wakorinto 2:14 - Kivunjo New Testament 1999

¹⁴ Kyasia mndu alakyeri o kyimrima ekyeambilyia shindo sha Mumuyo o Ruwa-pfo; cha kyipfa kokye icho nyi wutondo, maa eiṙima ishimanya-pfo, cha kyipfa shekyemanyika kui njia ya kyimrima.

1 Wakorinto 2:14 ပူးပေါင်းရင်းမြစ်များ

Matayo 16:23

Kagaluka, kawia Petiro, “Wuka koko, Satana, nungyishingyia; kyipfa uikusaṟa shikyeri sha Ruwa-pfo, indi sha wandu.”

Yohane 10:20

Wengyi wakagamba, “Ichu nawoṙo nyi mṟufui mmbicho, ngoseṟa nyi msuko; ny'kyilyi muimwaṙanyia?”

Yohane 12:37

Maa chandu alewuta shindo shifoi kuṙo sha kyiṟiyisho mbele yawo wandu walemwiṙikyia-pfo;

Yohane 14:17

Nyi oe Mumuyo o loi; ulya wandu wa wuyana walechiiṙima imwambililyia, cha kyipfa wammbonyi maa wamwichi-pfo; indi nyoe mumwichi, kyipfa nekyekaa konyu; na oe nechikaa mrimenyi konyu.

Yohane 14:26

Kyaindi Mtarami-cho, Mumuyo-cho Mweele, ulya Awu echimṙika kui rina lyako, nechimulosha shoose, na imukumbuṟa shoose ngyilemmbia.

Yohane 15:26

Kyaindi kyiyeri-kyo Mtarami-cho echicha, ngyechimṙika iwuka ko Awu, Mumuyo-cho o loi awukyie ko Awu, oe nechingyiṟingyishia.

Yohane 5:44

Moiṙima kuṙa iiṙikyia nyoe muiṟumishana nyoe wenyi ko wenyi, na kyiṟumi kyilya kyiwukyie ko Ruwa alawoṙe amng'anyie muikyipfula-pfo?

Yohane 8:43

Kyitewe mulaimanya ikyo ngyigamba ny'kyi? Nyi kyipfa nyoe mulaiiṙima imanya malosho gako.

Mawuto Ga Wasu 16:14

Mndu mka umwi ekyelago Lyidia, ekyekumba ṟangyi ya kyimaande-maande, mndu awukyie Tiatira, aowuye na ikunda Ruwa, kaluaṙanyia, ulya Mndumii alemwenenga imanya mrimenyi kokye, naambilyie na iiṙikyia malosho ga Paulo.

Mawuto Ga Wasu 17:18

Na wandu waata wawekyelosha malosho ga Waepikureo na Wastoiko, wakagaluana na oe. Wengyi wakagamba, “Tondo-lyi lyikundi igamba kyi?” Wengyi wakagamba, “Nai cha mndu aionguo mbonyi tsa waruwa wengyi, cha kyipfa naweionguo mbonyi tsa Yesu na iṟutso lya wapfu.”

Mawuto Ga Wasu 17:32

Kyasia kyiyeri waleicho mbonyi tsa iṟutso lya wapfu wengyi wakanyeṟe; na wengyi wakagamba, “Lochikuaṙanyia-se lyingyi.”

Mawuto Ga Wasu 18:15

Indi kokooya kyindo mukusaṟie nyi mbonyi tsa maṙeṙo na marina na shindo chandu shiwaṟi iwa sungusinyi konyu, ngamṙeeya kyindo-kyi, cha kyipfa inyi ngyikundi igamba nyi kyiha kyikyicha ang'u nyi kyiha kyilakyicha-pfo.”

Mawuto Ga Wasu 25:19

Indi wawewoṙe shindo shifoi walewesa kyipfa kyakye na kyipfa kya mwiṙikyie owo wawenyi, mbonyinyi tsa mndu umwi ekyelago Yesu, alekoampfa, ulya Paulo alegamba kye nai na moo.

1 Wakorinto 1:18

Cha kyipfa mbonyi tsa upfu lo Yesu msalabenyi ko walya waiṙeka nyi wutondo, indi soe luikyiṟo luichi kye nyi pfinya ya Ruwa.

1 Wakorinto 1:21

Cha kyipfa wuṟangonyi wo Ruwa, wandu wa wuyana walandeiṙime imanya Ruwa kui wuṟango wokye, Ruwa nalekunda ikyiṟa waiṙikyie Ruwa kui wutondo wo mbonyi tsilya tsilosho.

1 Wakorinto 1:23

indi soe luonguo mbonyi tsa Kristo, alekapio msalabenyi. Ko Wayuda nyi kyindo kyeolotsa mndu, na ko wandu walai Wayuda nyi wutondo;

1 Wakorinto 1:25

Cha kyipfa wutondo wo Ruwa wuwoṙe wuṟango ngoseṟa ya wulya wo wandu, na wufofo wo Ruwa wuwoṙe pfinya ngoseṟa ya wulya wo wandu.

1 Wakorinto 15:44

Kyekyeṙongo mmbiu o teri, kyekyeṟutso mmbiu o mumuyo. Kokooya kuwoṙe mmbiu o teri, na o mumuyo taa ukyeri pfo.

1 Wakorinto 15:46

Kyaindi okyesongoya ulya o mumuyo-pfo, indi ulya o teri; numa ya iho okyecha ulya o mumuyo.

1 Wakorinto 2:12

Kyaindi soe luleambilyia mrima o wuyana-pfo, indi Mumuyo awukyie ko Ruwa, kundu luiṙime imanya shilya Ruwa akusaṟie.

1 Wakorinto 3:1

Kyaindi, wana wa wama wako, inyi ngyileiṙima iṙeṙa na nyoe cha wandu wawoṙe mkaṟo ya kyimrima-pfo, indi cha wandu wawoṙe mkaṟo ya kyimmbiu, cha wana wanangu kyiiṙi kya Kristo.

Yakobo 3:15

Wuṟango-wo chi wulya wuwukyie wuye-pfo, indi nyi wo wuyana, wo mbaṟe ya kyimndu na Satana.

1 Yohane 2:20

Muwapusie Mumuyo Mweele na nyoe moose muichi.

1 Yohane 2:27

Na nyoe, Mumuyo Mweele muleambilyia kokye ukyeri mrimenyi konyu, maa kuwoṙe kyimaṙuma kya mndu imulosha nyoe-pfo; kyaindi chandu Mumuyo okye uimulosha mbonyi tsa shindo shoose, lyingyi-se nyi loi maa chi wongo-pfo, na chandu ulemulosha, kaenyi kokye.

1 Yohane 5:20

Na soe luichi kye Mono-Ruwa amcha, na oe naluenengyie wuṟango kye lumanye Ruwa o loi, na soe lokyekaa ko Ruwa ulya akyeri o loi. Kyimwi na igamba ko Mono-kye Yesu Kristo. Ichu nyi oe Ruwa o loi, na ichu nyi moo o mlungana.

Yuda 1:19

Wandu-wo iwo nyiwo wekyeende nduutsano, wandu wa wuyana-wu tikyi, walawoṙe Mumuyo.