1 Wakorinto 2:13 - Kivunjo New Testament 1999

¹³ Na isho lushionguo, chi kui maṙeṙo gamaloshe kui wuṟango wo kyimndu-pfo, indi gamaloshe nyi Mumuyo, lochitambuluo mbonyi tsa mrimenyi kui maṙeṙo ga mrimenyi.

1 Wakorinto 2:13 ပူးပေါင်းရင်းမြစ်များ

Luka 12:12

Cha kyipfa Mumuyo Mweele nemulosha saa iya iya kyilya muwaṟi iṙeṙa.”

Mawuto Ga Wasu 2:4

Woose wakaichuṟo nyi Mumuyo Mweele, wakawooka iṙeṙa kui mṙeṙie ingyi, chandu Mumuyo alewaenenga wuiṙimi.

1 Wakorinto 1:17

Kyipfa Kristo alengyiṙuma kundu ngyipatise-pfo, indi ngyionguo Mbonyi Ngyicha; maa chi kui wuṟango wo maṙeṙo-pfo, upfu lo Kristo msalabenyi lulacheewa lo wulya.

1 Wakorinto 14:2

Cha kyipfa ulya ekyeṙeṙa kui mṙeṙie wandu walaiichi, ekyeṙeṙa na wandu-pfo, indi nekyeṙeṙa na Ruwa. Kyipfa kuwoṙe ekyemanya-pfo; kyaindi naṙeṙa mbonyi tsa shiṟika mrimenyi kokye.

1 Wakorinto 2:1

Kyasia, wana wa wama, kyiyeri ngyilecha na konyu, ngyilecha imuongoya shiṟika sha Ruwa kui maṙeṙo mecha ang'u wuṟango-pfo.

1 Wakorinto 2:14

Kyasia mndu alakyeri o kyimrima ekyeambilyia shindo sha Mumuyo o Ruwa-pfo; cha kyipfa kokye icho nyi wutondo, maa eiṙima ishimanya-pfo, cha kyipfa shekyemanyika kui njia ya kyimrima.

1 Wakorinto 2:4

Na mbonyi tsako na ilosha lyako lya Ṙeṙo lya Ruwa kuwei kui maṙeṙo ga wuṟango wokyekuruo ngyuuṟango tsa wandu-pfo, indi kui iloṟa kye Mumuyo o Ruwa naweiṟunda na pfinya,

1 Wakorinto 9:11

Kokooya soe lulemuṙongyia shindo sha kyimrima, ngyesa nyi kyindo kying'anyi lukosambuo shindo shanyu sha kyimmbiu?

Wafilyipi 5:19

Ṙeṙenyi kui shiimbo shetembecheṟa mrima. Imbienyi Mndumii na ianga mrimenyi konyu;

Wakolosai 3:16

Ṙeṙo lya Kristo lyiingyikye mrimenyi konyu na wuṟangonyi woose, mochiloshana na itutumana kui shiimbo, na shiimbo shetembecheṟa mrima; kunu mochiimbia Ruwa kui iana mrimenyi konyu.

1 Petiro 1:12

Wakaloṟo kye chi kyipfa kyawo wawenyi-pfo, indi kyipfa kyanyu waleṟunda ipfo shindonyi, shilya wulalu shalosho konyu na walya walemuongoya nyoe Ndumi Ngyicha kui Mumuyo Mweele aleṙumo iwuka ruwewu. Shindo-sho malaika walangyie ishimanya.

2 Petiro 1:16

Kyipfa luleosha shindo shileṟeio kui wuṟango na ngyeṟo kyiyeri lulemmanyisha nyoe pfinya tsa Mndumii oṙu Yesu Kristo na icha lyakye-pfo; indi lulekolowona luwenyi wung'anyi wokye.