1 Wakorinto 2:1 - Kivunjo New Testament 1999

¹ Kyasia, wana wa wama, kyiyeri ngyilecha na konyu, ngyilecha imuongoya shiṟika sha Ruwa kui maṙeṙo mecha ang'u wuṟango-pfo.

1 Wakorinto 2:1 ပူးပေါင်းရင်းမြစ်များ

Mawuto Ga Wasu 20:21

ngyechiṟingyishia Wayuda na Wakyiṟikyi watochie Ruwa wunyamaṟi na iiṙikyia Mndumii oṙu Yesu Kristo.

Mawuto Ga Wasu 22:18

Ngammbona, na oe kangyiwia, ‘Pfuṟukana uwukye Yerusalemu iwinyi, cha kyipfa wechiiṙikyia wuṟingyishi wulya wo mbonyi tsako ochiwaenenga-pfo.’

Waroma 16:18

Kyipfa wandu wa mbaṟe-yo waiṟundia Mndumii oṙu Yesu Kristo-pfo, indi nyi ndewu tsawo wawenyi; na kui maṙeṙo ga wulembi na maṙeṙo gekuloṟa kye wawecha kundu wakundo, wailemba wandu wanyotsu.

Waroma 16:25

Wulalu naṟumisho ulya echiiṙima imukarisha, iṙuana na Ndumi Ngyicha ngyileonguo kya wucha wo Yesu Kristo, kyilyingananyi na kyilya kyiwekuṟiikyie wookyia kyiyeri kyileshi kyileiṙa. Wulalu Ruwa nashukuo

1 Wakorinto 1:17

Kyipfa Kristo alengyiṙuma kundu ngyipatise-pfo, indi ngyionguo Mbonyi Ngyicha; maa chi kui wuṟango wo maṙeṙo-pfo, upfu lo Kristo msalabenyi lulacheewa lo wulya.

1 Wakorinto 1:6

Chandu wuṟingyishi wo Kristo wulemanyika konyu;

1 Wakorinto 2:13

Na isho lushionguo, chi kui maṙeṙo gamaloshe kui wuṟango wo kyimndu-pfo, indi gamaloshe nyi Mumuyo, lochitambuluo mbonyi tsa mrimenyi kui maṙeṙo ga mrimenyi.

1 Wakorinto 2:4

Na mbonyi tsako na ilosha lyako lya Ṙeṙo lya Ruwa kuwei kui maṙeṙo ga wuṟango wokyekuruo ngyuuṟango tsa wandu-pfo, indi kui iloṟa kye Mumuyo o Ruwa naweiṟunda na pfinya,

1 Wakorinto 2:7

Indi lokyeonguo wuṟango wo Ruwa kui kyiṟika, wuṟango wulya wuwuṟikye, wulya Ruwa awekundi luuonguo wookyia mawookyionyi, kundu lung'anyiso.

2 Wakorinto 10:10

Kyipfa wekyegamba, paruo tsakye tsingyikari na tsioweshie; indi akyeri amonyi kyimmbiu namfofo, na maṙeṙo gakye chi kyindo-pfo.

2 Wakorinto 11:6

Kyaindi maa kokooya inyi nyi mndu alaichi iṙeṙa, ikyo chi mbaṟe yako wuṟangonyi-pfo, indi ko orio kyindo luleṟingyishio konyu.

2 Watesalonikye 1:10

Oe kyiyeri echicha kundu nang'anyiso wandunyi wa Ruwa, na kochiwaṙa iṟiyio lying'anyi kyiiṙi kya woose waleiṙikyia mfiri ulya (kyipfa wuṟingyishi woṙu wuleiṙikyio konyu.)

1 Timoteo 1:11

Chandu kyikyionguoe Nduminyi Ngyicha ya kyiṟumi kya Ruwa ekyeṟumisho, Ndumi Ngyicha ngyileenengo iṟunda lyeionguo.

2 Timoteo 1:8

Kyasia ularigo nyi sonu kyipfa kya iṟingyishia lyaṙu. Ularigo nyi sonu kyipfa kyako inyi mpfungo okye, indi ukarishie mawicho hamwi na inyi kyipfa kya Ndumi Ngyicha, iṙuana na pfinya ya Ruwa.

1 Yohane 4:14

Na soe lowona na iṟingyishia kye Awu naleṙuma Mana iwa Mkyiṟa o wuyana.

Ulogo 1:2

Yohane aleṟingyishia Ṙeṙo lya Ruwa, na wuṟingyishi wo Yesu Kristo, wo shindo shoose alewona.

Ulogo 1:9

Inyi Yohane, mono-wama onyu ekyelya wukyiwa hamwi na nyoe, na Wumangyi na iweṙelyia Yesu Kristo, ngyiwekyeri kyiṟingyitinyi kyekyelago Patimo, kyipfa ngyilekongaonguo Ṙeṙo lya Ruwa na wuṟingyishi wuleloṟo nyi Yesu.

Ulogo 19:10

Na inyi ngaoloka mbele ya maṙende gakye, kundu ngyimterewe na imwindia. Kangyiwia, “Molawute kuṙi. Inyi nyi mongari opfo na o wana wa wama wapfo wawoṙe wuṟingyishi wo Yesu. Terewa na iindia Ruwa.” Cha kyipfa wuṟingyishi wo Yesu nyiwo mumuyo o ionguo shisuku.