1 Wakorinto 15:52 - Kivunjo New Testament 1999

⁵² na cha mndu akyema, kyiyeri kya iraa lya mafurumionyi; kyipfa iganda lyechikapo, na wapfu wechiṟutso, walanyamaṟikye, na soe lochiilachika.

1 Wakorinto 15:52 ပူးပေါင်းရင်းမြစ်များ

Matayo 24:31

Na oe nechiṙuma malaika wakye hamwi na ṟui lying'anyi lya iganda, nawo wechisania wasambuṟe wakye iwuka ngyuura tsoose tsa wuyana.”

Yohane 5:25

Ny'kyaloi ngammbia, kyiyeri kyiicha, nakyo kyamcha, wapfu wechiicho ṟui lya Mono-Ruwa, na walya wechilyiaṙanyia wechiwaṙa moo.

Yohane 5:28

Mulaṟiyio kyipfa kya maṙeṙo-ga; cha kyipfa kyiyeri kyiicha, kyiyeri wandu woose wakyeri shilomenyi wechiicho ṟui lyakye.

1 Wakorinto 15:23

Kyaindi orio umwi handu hakye; o kuwooka iṟuka ko wapfu nyi Kristo; numa walya wakyeri wa Kristo, kyiyeri echicha.

1 Wakorinto 15:42

Na wuṙo na iṟutso lya wapfu. Kyekyeṙongo kyinyamaṟikyie, kyekyeṟutso kyilanyamaṟikyie.

1 Wakorinto 15:50

Wana wa wama wako, shindo ngyigamba nyi ishi, kye mmbiu na samu sheiṙima ioṟa Wumangyi wo Ruwa-pfo. Maa kyindo kyinyamaṟikyie ioṟa kyindo kyilanyamaṟikyie-pfo.

1 Watesalonikye 4:15

Koikyo lummbia ishi kui Ṙeṙo lya Mndumii, kye soe lui ho na moo, lochitsugaa ho mṟasa kyiyeri kya icha lya Mndumii; ny'kyaloi lochisongoya walya walempfa-pfo.

2 Petiro 3:10

Kyaindi mfiri o Mndumii ochicha cha mbafu. Mfiri-cho ngyina tsechirumatso kui ndiṟimo tsing'anyi, na orio kyindo kya wuyana kyechikoṟo na irumatso, na wuyana na shoose shikyeri pfo shesenekyia.

Ulogo 8:13

Numa ya iho ngawona na iicho mbeṟo irunduka ruwewu, yechigamba na ṟui lying'anyi, “Ochia, ochia, ochia walya wekyekaa urukyenyi! Kyipfa kya maṟui gatsugae ga maganda ga malaika gaṟaaṟu, wakuṟeyeṟie igakapa.”

Ulogo 8:2

Na inyi ngawona malaika walya mfungaaṙe wekyegoṟoka mbele ya Ruwa, nawo wakaenengo maganda mfungaaṙe.