1 Wakorinto 15:2 - Kivunjo New Testament 1999

² na kui yo muikyiṟo; kokooya muiosha mbonyi tsilya ngyilemuongoya; sile kokooya muleiṙikyia kya wulya.

1 Wakorinto 15:2 ပူးပေါင်းရင်းမြစ်များ

Luka 8:13

Na walya wa iṟaṟenyi nyi walya wekyeicho na iambilyia Ṙeṙo-lyo lya Ruwa kui sia; nawo wawoṙe mri-pfo. Wekyeiṙikyia kyiyeri kyifuhi, na kyiyeri kya iyesho wekyewuya na numa.

Mawuto Ga Wasu 2:47

wechiṟumisha Ruwa, na ichihiṟa wandu woose. Mndumii kapfumbutsa siṟi orio mfiri ko walya waweikyiṟo.

Mawuto Ga Wasu 8:13

Na Simion kaiṙikyia kapatiso, kawaṙana tapu na Filyipo; kaṟiyio kyiyeri alewona ṟigo na shindo shing'anyi sheṟiyisha shiweiwutika.

Waroma 1:16

Kyipfa ngyiwonia sonu Ndumi Ngyicha-pfo; kyipfa nyi wuiṙimi wo Ruwa wokyeende wukyiṟo, ko orio mndu aiṙikyie, ko Myuda kuwooka, na ko Mkyiṟikyi taa.

Waroma 11:22

Kyasia, ambuya-ng'u, wucha na wulang'a wo Ruwa; ko walya waolokyie wulang'a; indi kopfo iyoe wucha wo Ruwa, kokaa kyiiṙi kya wucha-wo; sile nyi wuṙo, iyoe taa nowiyitso kuleshi.

1 Wakorinto 1:18

Cha kyipfa mbonyi tsa upfu lo Yesu msalabenyi ko walya waiṙeka nyi wutondo, indi soe luikyiṟo luichi kye nyi pfinya ya Ruwa.

1 Wakorinto 1:21

Cha kyipfa wuṟangonyi wo Ruwa, wandu wa wuyana walandeiṙime imanya Ruwa kui wuṟango wokye, Ruwa nalekunda ikyiṟa waiṙikyie Ruwa kui wutondo wo mbonyi tsilya tsilosho.

1 Wakorinto 11:2

Kyasia ngyimuiring'isha nyoe, cha kyipfa mulengyikumbuo shindonyi shoose, na nyoe muleosha shilya muleambilyia ko waku wanyu wuṙo chandu ngyilemuenengyia shilya ngyileambilyia.

1 Wakorinto 15:14

Lyingyi-se kokooya Kristo alaleṟuka, kyasia ionguo mbonyi lyaṙu nyi wulya na iiṙikyia lyanyu nyi wulya.

2 Wakorinto 2:15

Cha kyipfa soe nyi mafuṙa ga Kristo, gekyepfaama necha, mbele ya Ruwa, ko iwo waikyiṟo, na ko iwo waiṙeka.

2 Wakorinto 6:1

Na soe lukoṟunda handu hamwi na oe lumuterewa maa mulaambilyie isaṟia lya Ruwa wulya.

Wagalatia 3:4

Ngyesa molya wukyiwa wung'anyi kuṙi wulya? Loi chi wulya-pfo. Kyilya kyilemmbutikyia kyiwaṟi imuenenga ikusaṟa chandu kyiweng'anyi.

Wafilyipi 2:8

Cha kyipfa mulekyiṟo kui isaṟia, kui njia ya iiṙikyia; chi kui ipfuṟukana lyanyu-pfo, nyi kyisumbo kya Ruwa;

Wakolosai 1:23

Mukokuwaṙa na isaṟia lyilya tikyi, muwawikye wuye ya urende, mukokarisho; mulandeilacho na iṙa ikusuria lya Ndumi Ngyicha muleicho mbonyi tsayo, ileongoyo ko shindo shoose shigumbe shikyeri wuyanenyi, ikyeri kye inyi Paulo ngyiwekyeri mṟundi oyo.

2 Watesalonikye 2:15

Kyasia, wana wa wama waṙu, goṟokyenyi kulawoṙe iloloma, muoshe shilya muleambilyia kui malosho gaṙu, kokooya nyi kui maṙeṙo, ang'u kui paruo yaṙu.

2 Timoteo 1:9

Ulya alelukyiṟa kalulaga kui ndago ngyiele; chi iṙuana na mawuto gaṙu soe-pfo; indi na kyilya oe akundi na isaṟia lyakye. Isaṟia-lyo luleenengo kyiiṙi kya Kristo Yesu wookyia mlungana.

Waebrania 10:23

Lukuwaṙe tapu na ikusuria lyaṙu, lyilailachikye; kyipfa ulya aleteṟia nekyeafutsia shilya ateṟia.

Waebrania 2:1

Koikyo kyiluwaṟi iosha nawi shilya luleicho lulacheṙeko.

Waebrania 3:14

Cha kyipfa lowa wandu wekyekaa handu hamwi na Kristo, kokooya lokuwaṙa tapu na kyilya luleloṟa kyiyeri lulewooka iiṙikyia Yesu mṟasa mafurumionyi.

Waebrania 3:6

indi Kristo, cha mana ekyechilyia numba ya Ruwa; ulya numba yakye ikyeri nyi soe, kokooya loengyeṟa iwaṙa wuṟango na wukari na ikushela lya iweṙelyia lyaṙu mṟasa mafurumionyi.

Waebrania 4:14

Kyasia, kokooya luwoṙe Mkohanyi ang'anyi kuta woose aleiṙa na ruwewu, Yesu Mono-Ruwa, luoshe mnu shilya lokyeṟingyishia.

Yakobo 2:14

Wana wa wama wako, kuwoṙe kyiira kyiha, mndu kagamba nawoṙe iiṙikyia, kyaindi awoṙe mawuto-pfo? Ngyesa iiṙikyia lyilya lyechiiṙima imkyiṟa?

Yakobo 2:17

Nyi wuṙo na iiṙikyia, lyilandewaṙe mawuto, lyapfa kyiiṙi kyalyo.

Yakobo 2:26

Kyipfa chandu kyikyeri kye mmbiu ulawoṙe mrima upfiie, nyi wuṙo na iiṙikyia lyilawoṙe mawuto lyipfiie.