1 Wakorinto 15:18 - Kivunjo New Testament 1999

¹⁸ Na iho walya walepfa waiṙikyie Kristo waleṙeka.

1 Wakorinto 15:18 ပူးပေါင်းရင်းမြစ်များ

Mawuto Ga Wasu 7:60

Kapfiria ndi, kafiiṟa na ṟui lying'anyi, echigamba, “Mndumii ulawatalyie wunyamaṟi-wu.” Amgambe kuṙo kalekyia moo. Na Saulyi nawewonyi kye iwoogo lyakye nyi necha.

1 Wakorinto 15:6

Numa ya iho nalewonekyia wandu wekyeosha Yesu ngoseṟa ya magana gataanu; na kyiiṙi kya iwo wafoi wai na moo mṟasa wulalu; indi waata walempfa.

1 Watesalonikye 4:15

Koikyo lummbia ishi kui Ṙeṙo lya Mndumii, kye soe lui ho na moo, lochitsugaa ho mṟasa kyiyeri kya icha lya Mndumii; ny'kyaloi lochisongoya walya walempfa-pfo.

1 Watesalonikye 4:16

Cha kyipfa Mndumii amonyi nechisoka iwuka ruwewu, na wandu wechiicho ṟui lying'anyi lyilaga, na ṟui lya msongoru o malaika, na iganda lya Ruwa; na walya walepfa waiṙikyie Kristo wechiṟutso kuwooka.

Ulogo 14:13

Ngaicho ṟui iwuka ruwewu, lyechigamba, “Ṟeia. Wagusu wapfu wapfa wakuwoṙe na Mndumii wookyia wulalu. Yee, Mumuyo nagamba, waiṙime ionyonya numa ya ngyuukyiwa tsawo; cha kyipfa mawuto gawo gaioshana nawo.”