1 Wakorinto 15:10 - Kivunjo New Testament 1999

¹⁰ Kyaindi kui isaṟia lya Ruwa ngawa kuṙi chandu ngyikyeri; na isaṟia lyikyeri koko chi wulya-pfo, indi ngyileengyeṟa mnu iṟunda kuta wo woose; maa chi inyi-pfo, indi nyi isaṟia lya Ruwa hamwi na inyi.

1 Wakorinto 15:10 ပူးပေါင်းရင်းမြစ်များ

Matayo 10:20

Kyipfa chi nyoe muiṙeṙa-pfo, indi nyi Mumuyo o Awu-yonyu aiṙeṙa kui maṙumbu ganyu.

Matayo 25:16

Cha ilyi ulya aleambilyia talanta tsitaanu kayenda, kakapa natso mbucha, kawona ho kyiira talanta tsingyi tsitaanu.

Waroma 11:1

Kyasia, ngyiwesa, ngyesa Ruwa naletsindikyia wandu wakye kuleshi? Ote! Kyipfa maa inyi nyi mndu o Isiraelyi, umwi o washari wa Abrahamu, mndu o mbaṟe ya Benyamen.

Waroma 12:3

Cha kyipfa kui isaṟia ngyileenengo ngyiwia orio mndu akyeri konyu alakusurie kyindo kya ngoseṟa kuta chandu awaṟi ikusuria; indi nawaṙe meena chandu Ruwa agawie orio mndu meena o iiṙikyia.

1 Wakorinto 15:11

Kyasia, kokooya nyi inyi, kokooya nyi walya, nyi wuṙo lokyeonguo mbonyi, na nyi wuṙo muleiṙikyia.

1 Wakorinto 15:2

na kui yo muikyiṟo; kokooya muiosha mbonyi tsilya ngyilemuongoya; sile kokooya muleiṙikyia kya wulya.

1 Wakorinto 3:10

Iṙuana na isaṟia lya Ruwa ngyileenengo, inyi cha msongoru o wewika numba wawoṙe wuṟango, ngyilewika urende, na mndu ungyi naiwika numba wuye ya urende-lo. Kyaindi orio mndu naambuye chandu aiwika numba wuye ya urende-lo.

1 Wakorinto 3:6

Inyi ngyilewaaya, Apolo kanyosa; indi mong'anyisa nyi Ruwa.

1 Wakorinto 4:7

Kyipfa nyi wui echiloṟa chandu ulafananyi na ungyi? Na iyoe nuwoṙe kyikyi ulaikyiambilyia? Kyaindi kokooya nuleambilyia, nuikushelyia kyi kye uleambilyia-pfo?

2 Wakorinto 12:11

Ngawa tondo, nyi nyoe mulengyitewe. Kyipfa kyiwekyiwaṟi nyoe mungyiṟumishe, kyipfa kuwoṙe kyindo wasu wang'anyi walengyiiṟa nakyo-pfo, maa chandu ngyilakyeri kyindo.

2 Wakorinto 3:5

Chi kye soe lochiiṙima iwuta kyindo kyoose kui pfinya tsaṙu luwenyi-pfo, wuiṙimi woṙu woose wuwukyie ko Ruwa.

2 Wakorinto 6:1

Na soe lukoṟunda handu hamwi na oe lumuterewa maa mulaambilyie isaṟia lya Ruwa wulya.

Wagalatia 2:8

(kyipfa ulya aleenenga Petiro wuiṙimi wo iwa Msu o Wayuda nyi oe alengyienenga na inyi wuiṙimi wo iyenda ko walya walakyeri Wayuda.)

Waefeso 2:13

Cha kyipfa nyi oe Ruwa aiṟunda maṟunda mrimenyi konyu, iambilyia lyanyu na iṟunda lyanyu, kui iafutsia makusaṟo gakye mecha.

Waefeso 4:13

Ngyekyeiṙima shindo shoose kyiiṙi kya ulya ekyengyienenga pfinya.

1 Watesalonikye 5:12

Kyaindi, wana wa wama, lukundi mumanye walya wekyekutuura kyipfa kyanyu, na imugoṟokyia nyoe kyiiṙi kya Mndumii, na imuikyimbia;

1 Timoteo 4:10

kye lokyekulyisa wukyiwa na itambagana kyipfa kya ikyo, na luwikyie ikusuria lyaṙu ko Ruwa ai na moo, akyeri Mkyiṟa o wandu woose, ngoseṟa o walya waiṙikyie.