1 Wakorinto 14:6 - Kivunjo New Testament 1999

⁶ Indi wulalu, wana wa wama, ngacha na konyu na iṙeṙa kui mṙeṙie wandu walaiichi, ngyemtarama kyi, sile kokooya ngyiṙeṙa na nyoe kui njia ya itambuluo, ang'u kui njia ya wuṟango, ang'u kui njia ya ionguo shisuku, ang'u kui njia ya malosho?

1 Wakorinto 14:6 ပူးပေါင်းရင်းမြစ်များ

Matayo 11:25

Kyiyeri kyilya Yesu kagaluo, kagamba, “Ngakuana, Awu, Mndumii o ruwewu na uruka, kyipfa shindo-shi ulekunda ishitambuluya wawoṙe wuṟango-pfo, kyaindi kotambuluya wana watutu.

Matayo 16:17

Yesu kagaluo, kammbia, “Agusu iyoe Simion Mono-Yona, cha kyipfa chi pfinya ang'u wuṟango wo kyimndu shakutambuluya ikyi-pfo; indi Awu-yoko akyeri ruwewu.

Matayo 16:26

Kyipfa mndu nechiiria ho kyi kaenengo wuyana woose, na iṙetsa mrima okye? Ang'u mndu nechienengyia kyi handu ha mrima okye?

Mawuto Ga Wasu 2:42

Mfiri yoose wakaosha malosho ga wanalosho, wakyeri kyindo kyimwi shindonyi shoose, na kyiiṙi kya ilya mkate handu hamwi, na kyiiṙi kya iterewa.

Waroma 15:14

Wana wa wama wako, inyi ngyimonyi ngyileṟingyishio kui mbonyi tsanyu kye mui wandu wecha, muwaenengye wuṟango woose; lyingyi-se moiṙima itutumana.

Waroma 16:17

Wana wa wama wako, ngyimuterewa ambuyenyi walya wawoṙe wuṟiingyi na mbonyi tseolotsa wengyi kui malosho galaṙuṙanyi na shilya mulekulosha. Kushowenyi nawo.

Waroma 6:17

Kyaindi Ruwa naano, cha kyipfa muwewachilyie nyi wunyamaṟi, indi muleindia kui mrima yanyu mbaṟe iya ya wuṟango wulewiko wumchilyie.

1 Wakorinto 10:33

Nyi wuṙo chandu inyi ngyekyechihiṟa wandu woose shindonyi shoose, ngyilalepfula kyiira kyako ngyimonyi, indi kyiira kya wandu wafoi, kundu wakyiṟo.

1 Wakorinto 14:1

Pfulenyi ikunda, na ikunda mnu iwona shisumbo sha mrimenyi, kyaindi ngoseṟa muiṙime ienengo kyisumbo kyeonguo shisuku.

1 Wakorinto 14:7

Maa shindo shilawoṙe moo kyiyeri shekyewuta ṟui, kokooya nyi mtoṟiṟo, kokooya nyi kyinubi, shikawuta maṟui gafananyi kyemanyika kuṙa kyiimbo kyiimbo kui mtoṟiṟo ang'u kui kyinubi?

2 Wakorinto 11:6

Kyaindi maa kokooya inyi nyi mndu alaichi iṙeṙa, ikyo chi mbaṟe yako wuṟangonyi-pfo, indi ko orio kyindo luleṟingyishio konyu.

2 Wakorinto 12:1

Kyangyikooya ikushela, maa chandu kyilakyicha; kyaindi ngyegamba shindo Mndumii alengyiloṟa ngyikyeri cha mndu ailoṙo na ingyishukuya.

2 Wakorinto 12:7

Na kyimaṙuma ngyilaiṙime ikushela na ielewetsa kyipfa kya shilya ngyileshukuyo, ngyileenengo kyindo kyewawiṟa mmbiu mbaṟe ya msha, kyindo kyikyeri cha mndu amṙume nyi Satana kundu nangyikape, ngyilachekushela na ielewetsa.

Wafilyipi 1:17

Ruwa o Mndumii oṙu Yesu Kristo, Awu o mng'ano, namuenengye nyoe Mumuyo o wunyotsu na o ishukuyo kui Mumuyo kyiiṙi kya immanya oe.

Wafilyipi 3:4

Koikyo mukogasoma, moiṙima imanya shindo ngyiichi kyiiṙi kya wuṟikyi-wu wo Kristo.

Waefeso 3:15

Kyasia soe lukyeri wandu waafutsie kyimrima lukusaṟe isho; na maa mukokusaṟa shindo shingyi kyindonyi kyoose, Ruwa nechimushukuya na ilyo.

2 Timoteo 2:14

Uwakumbuṟe mbonyi-tso, ochiwaikyimbia mbele ya Ruwa, walawaṙe iwingana kui maṙeṙo, galawoṙe kyiira, indi gekyenyamaṟa walya wekyegaicho.

2 Timoteo 3:10

Indi iyoe noosha malosho gako, na mchumie oko, na kyilya ngyikundi, na iiṙikyia, na wusimiri,

2 Timoteo 3:16

Orio kyiṟeio kyiwoṙe mṟufui o Ruwa, kyikyicha kyelosha, na iikyimbia wandu kyipfa kya maṙeko gawo, na kui ilosha wandu wawe wusumganyinyi.

2 Timoteo 4:2

onguo Ṙeṙo lya Ruwa ukuṟeyeṟe kyiyeri kyicha na kyiyeri kyilakyicha kopfo. Ṟoṟoma kui pfinya, na iikyimbia kui wusimiri woose na malosho.

Tito 3:8

Nyi kyindo kya loi; na shindo-sho ngyikundi ushionguo na pfinya, kundu walya waleiṙikyia Ruwa wakumbuo ikaa mawutonyi mecha. Isho shishicha; lyingyi-se shiwoṙe kyiira ko wandu.

Waebrania 13:9

Maa mulaṟaisho nyi malosho ga mbaṟe tsingyi, na mayenu; kyipfa nyi kyicha mrima ukarisho kui isaṟia, maa chi kui shelya shilya walya waleyenda nasho walalewona kyiira-pfo.

2 Petiro 1:5

Yee, na kyipfa kya ikyo mochipfuṟukana mnu ura lonyu, iiṙikyienyi lyanyu, wikyenyi ho na wucha, na wuchenyi wonyu wuṟango.

2 Petiro 3:18

Kyaindi ng'anenyi isaṟienyi, na kyiiṙi kya imanya Mndumii oṙu na Mkyiṟa Yesu Kristo. Mng'ano ui kokye wulalu na mlungana.

2 Yohane 1:9

Orio mndu alailosha na ikaa maloshonyi ga Kristo, indi nekyegalega, awoṙe Ruwa-pfo. Indi icho ekyekaa ipfo maloshonyi, nawoṙe Awu na Mana taa.