1 Wakorinto 14:4 - Kivunjo New Testament 1999

⁴ Ulya ekyeṙeṙa kui mṙeṙie wandu walaiichi nekyekarisha iiṙikyia lyakye amonyi; indi ekyeonguo shisuku nekyetarama siṟi.

1 Wakorinto 14:4 ပူးပေါင်းရင်းမြစ်များ

Mariko 16:17

Na shiṟingyishio-shi shechioshana na iwo waiṙikyie. Kui rina lyako wechifuna waṟufui wawicho; wechiṙeṙa kui mṙeṙie ngyihya.

Waroma 14:19

Kyasia kokooya nyi wuṙo, luoshe mbonyi tsa ufoṟo na mbonyi tsiwoṙe kyiira kui ikarishana.

1 Wakorinto 12:10

Na ungyi mawuto ya maṟiyisho; na ungyi ionguo shisuku na ungyi wuiṙimi wo manya nyi shisumbo shiha shiwukyie ko Mumuyo na nyi shiha shilawukyie ko Mumuyo; ungyi mbaṟe tsa mṙeṙie wandu walaiichi; na ungyi itambaluo mṙeṙie wandu walaiichi.

1 Wakorinto 12:28

Na Ruwa nawikyie wengyi Siṟinyi, wa kuwooka wasu, wa kawi weonguo shisuku, wa kaṟaaṟu walosha; numa ya iho shindo sheṟiyisha, shisumbo sha ikyiṟa waluoe, na itaramana, na wusongoru, na mbaṟe tsa iṙeṙa mṙeṙie wandu walaiichi.

1 Wakorinto 13:1

Ngaṙeṙa kui mṙeṙie ya wandu na ya malaika, kokooya ngyilawoṙe ikunda, ngawa cha menya iwuta ṟui na mmanga uiṙeṙa.

1 Wakorinto 13:2

Lyingyi-se ngaiṙima ionguo shisuku na imanya shiṟika shoose na wuṟango woose; ngawaṙa iiṙikyia lying'anyi ngaiṙima maa isamiṟa fumvu, kokooya ngyilawoṙe ikunda, inyi chi kyindo-pfo.

1 Wakorinto 14:12

Nyi wuṙo na nyoe, kyipfa mulangyie mnu iwa wandu wawoṙe shisumbo sha mrima, kundenyi kye muengyeṟe mnu iwaṙa shisumbo-sho kundu siṟi itaramikye.

1 Wakorinto 14:22

Kyasia, mṙeṙie-i nyi kyiṟingyishio, chi ko walya waiṙikyie-pfo, indi ko walya walaiṙikyie. Kyaindi ionguo shisuku chi kyipfa kya walya walaiṙikyie-pfo, indi kyipfa kya walya waiṙikyie.

1 Wakorinto 14:26

Kyasia, wana wa wama, kyawa kuṙa? Kyiyeri-kyo mosanzia handu hamwi, orio umwi nawoṙe Kyiimbo, nawoṙe malosho, nawoṙe kyindo Ruwa amshukuya, nawoṙe mṙeṙie wandu walaiichi, nawoṙe itambuluo mṙeṙie iya wandu walaiichi. Shindo shoose shiwutikye kui kyimaṙuma kya ikarisha iiṙikyia.

1 Wakorinto 14:3

Indi ulya ekyeonguo shisuku, naṙeṙa na wandu mbonyi tsewatarama, na iwawiyiṟia moo, na iwakarisha.

1 Wakorinto 14:5

Na inyi ngyikundi nyoe moose muṙeṙe kui mṙeṙie wandu walaiichi, kyaindi ngoseṟa muiṙime ionguo shisuku; kyipfa ulya ekyeonguo shisuku nang'anyi kuta ulya ekyeṙeṙa kui mṙeṙie wandu walaiichi, sile kokooya nekyetambuluo, kundu siṟi iiṙime itaramika.