1 Wakorinto 14:3 - Kivunjo New Testament 1999

³ Indi ulya ekyeonguo shisuku, naṙeṙa na wandu mbonyi tsewatarama, na iwawiyiṟia moo, na iwakarisha.

1 Wakorinto 14:3 ပူးပေါင်းရင်းမြစ်များ

Luka 3:18

Kyasia, kui shindo shifoi shetutuma naleongoya wandu mbonyi ngyicha.

Mawuto Ga Wasu 13:15

Numa ya isoma kyitumbuṟe kya uwawaso na kyitapu kya weonguo shisuku, wasongoru wa sinagogi wakaṙuma mndu kowo na iwawia, “Wana wa wama kyiiṙi kya iiṙikyia, kokooya muwoṙe ṙeṙo lyetarama wandu-wa, lyionguonyi.”

Mawuto Ga Wasu 14:22

wechikarisha mrima ya wanalosho na iwawia wakae kyiiṙi kya Iiṙikyia lyilya, na kye kyiluwaṟi iiṙa na Wumangyinyi wo Ruwa kui njia ya matuuro gafoi.

Mawuto Ga Wasu 15:32

Lyingyi-se Yuda na Sila, cha kyipfa wo nyi weonguo shisuku, wakaongoya walya waweiṙikyie Yesu shindo shifoi shewakarisha.

Mawuto Ga Wasu 4:36

Na Yosefu, wasu wawekyemlaga Barinaba, (kyimwi na igamba Mana ekyewiyiṟia moo), Mlewi, mndu awukyie Kyipiro,

Mawuto Ga Wasu 9:31

Kyasia Siṟi ikawona sia urukyenyi lo Uyuda na Galyilaya na Samaria. Siṟi ikawaṙa pfinya, ikaengyeṟika, yechiindia Mndumii Yesu na iwiyiṟio moo nyi Mumuyo Mweele.

Waroma 12:8

motutuma, kyiiṙi kya itutuma lyakye; motarama oṙoe, kui mrima mkyesi; mogoṟokyia, kui wuragari; mosaṟia, kui sia.

Waroma 14:19

Kyasia kokooya nyi wuṙo, luoshe mbonyi tsa ufoṟo na mbonyi tsiwoṙe kyiira kui ikarishana.

Waroma 15:2

Orio mndu kyiiṙi kyaṙu nachihiṟe momṟasa okye, naambilyie wucha, kundu naiṙime ikarisha iiṙikyia lyakye.

1 Wakorinto 10:23

Kuwoṙe momu o wuta kyindo kyoose, indi chi shoose shiwoṙe kyiira-pfo. Kuwoṙe momu o wuta kyindo kyoose, indi chi shoose shekyetarama siṟi-pfo.

1 Wakorinto 14:12

Nyi wuṙo na nyoe, kyipfa mulangyie mnu iwa wandu wawoṙe shisumbo sha mrima, kundenyi kye muengyeṟe mnu iwaṙa shisumbo-sho kundu siṟi itaramikye.

1 Wakorinto 14:17

Kyipfa nyi loi, iyoe nuana necha, indi ulya ungyi aitaramika-pfo.

1 Wakorinto 14:26

Kyasia, wana wa wama, kyawa kuṙa? Kyiyeri-kyo mosanzia handu hamwi, orio umwi nawoṙe Kyiimbo, nawoṙe malosho, nawoṙe kyindo Ruwa amshukuya, nawoṙe mṙeṙie wandu walaiichi, nawoṙe itambuluo mṙeṙie iya wandu walaiichi. Shindo shoose shiwutikye kui kyimaṙuma kya ikarisha iiṙikyia.

1 Wakorinto 14:31

Cha kyipfa nyoe moose moiṙima ionguo shisuku umwi umwi, kundu woose waiṙime ikulosha, na woose wawiyiṟio moo.

1 Wakorinto 8:1

Na mbonyi tsa shindo shaṙasio mafano, luichi kye soe loose luwoṙe wuṟango. Wuṟango wokyeende makushelo, indi ikunda lyekyekarisha iiṙikyia.

2 Wakorinto 1:4

ekyeluwiyiṟia moo ngyuukyiwenyi tsaṙu tsoose kundu na soe luiṙime iwawiyiṟia moo walya wakyeri ngyuukyiwenyi tsa mbaṟe tsoose, kui iwiyiṟio moo-lyo, lokyewiyiṟio moo nyi Ruwa.

2 Wakorinto 2:7

Maa kyilaṙuṙanyi na isho, nyi nanga mumhooṟie na immbiyiṟia moo, mndu cha icho alachemeṟo nyi ikuinaṙia lyakye lying'anyi mnu.

Wafilyipi 4:29

Ṙeṙo lyoose lyiwicho lyilawukye maṙumbunyi ganyu, indi lyilyicha lyeiṙima itarama ulya alangyie ṙeṙo lyicha, kundu lyienengye isaṟia walya wechilyiicho.

Wafilyipi 6:22

Ulya ngyimṙuma konyu kyipfa kya ikyo muiṙime imanya mbonyi tsaṙu, na oe nawiyiṟie mrima yanyu moo.

Wakolosai 4:8

Icho ngamṙuma konyu kyipfa kya kyindo-kyo ikyo, kundu mumanye mbonyi tsaṙu, na oe nammbiyiṟie moo mrima yanyu.

1 Watesalonikye 2:11

Na wuṙo, chandu muichi, chandu luleṙeṙia orio umwi onyu chandu Awu ekyeṙeṙia wana wakye amonyi, lochimukarisha na imuṟingyishia nyoe,

1 Watesalonikye 2:3

Cha kyipfa imterewa lyaṙu muambilyie ulogo lokyeonguo chi lya wuṙetsi, maa chi lya ukoe, maa lya ngyeṟo-pfo;

1 Watesalonikye 3:2

Lukoṙuma Timoteo mono-wama oṙu, mṟundi o Ruwa iṟundenyi lyeonguo Ndumi Ngyicha ya Kristo, kundu namukarishe nyoe na immbiyiṟia moo ko mbonyi tsa iiṙikyia lyanyu;

1 Watesalonikye 4:1

Kyatsugaa ho, wana wa wama, luimuterewa na imuikyimbia kye muwaṙe mkaṟo iṙuṙanyi na shilya Mndumii Yesu akundi; chandu mulewona na ishiicho koṙu nyi wuṙo muwaṟi iwuta muchihiṟe Ruwa; chandu mokyewuta, wutenyi kuṙo na ngoseṟa.

1 Watesalonikye 4:18

Kyasia, wiyiṟianenyi moo kui maṙeṙo-ga.

2 Watesalonikye 3:12

Kyasia luwia iwo na iwatutuma kyiiṙi kya Mndumii Yesu Kristo, waṟunde maṟunda kui wuramiri na ilya kyelya kya msino owo wawenyi.

1 Timoteo 1:4

Walaṙetsie shiyeri shawo mbonyinyi tsa wongo na marinenyi gafoi ga waku wawo, shekyeenenga wandu iwesa shindo shifoi sha wutondo. Shindo-sho shiwoṙe ṙaawa kyindonyi Ruwa aluṟeyeṟie-pfo, kyindo lukyiichi kui iiṙikyia.

1 Timoteo 4:13

Mṟasa kyiyeri ngyechicha, upfuṟukane kyiiṙi kya ikulosha shiṟeio shiele na iikyimba na ilosha.

1 Timoteo 6:2

Na walya wawoṙe wandumii waiṙikyie Yesu walawamine cha kyipfa nyi wana wa wama kyiiṙi kya Yesu; indi nyi kyicha wawaṟundie, cha kyipfa wandumii-wo wekyewona kyiira kya iṟunda lyawo wawa wandu wakunde.

2 Timoteo 4:2

onguo Ṙeṙo lya Ruwa ukuṟeyeṟe kyiyeri kyicha na kyiyeri kyilakyicha kopfo. Ṟoṟoma kui pfinya, na iikyimbia kui wusimiri woose na malosho.

Tito 1:9

Iiṙikyia chandu amloshe naiṙime ikarisha wandu kui malosho gawoṙe moo, na iwinga walya wekyekana ulogo-lo.

Tito 2:15

Onguo shindo-sho, ikyimbia na iṟoṟoma kui wuchilyi woose; mndu oose alakumine.

Tito 2:6

Na wuṙo na wanakye uwatutume iwa na meena;

Tito 2:9

Walya wakyeri shisinga waindie wandumii wawo, wechiwachihiṟa shindonyi shoose. Walawe wandu wekyegaluo kyiyeri wawio kyindo.

Waebrania 10:25

Maa lulaṙe isanzia handu hamwi, chandu kyikyeri kyiṙo kya wandu wengyi; indi luikyimbiane; na iengyeṟa iwuta kuṙo, kui chandu muwonyi kye mfiri ulya o Yesu ianduya ukyeri kufui.

Waebrania 13:22

Kyaindi ngyimuterewa, wana wa wama, muaṙanyie necha ulogo-lu lo iikyimbiana; kyipfa ngamuṟeia paruo-i kui maṙeṙo maangu.

Waebrania 3:13

Kyaindi mututumane orio mfiri; kundu maa umwi onyu alawaṙe mrima muumu kui wulembi wo wunyamaṟi.

1 Petiro 5:12

Silyiwano, mono-wama ekyeafutsia shilya ateṟia, naṟeia paruo-i handu hako. Ngamuṟeia shindo shaangu, iikyimbia na iṟingyishia kye ilyi nyilyo isaṟia lya loi lya Ruwa. Goṟokyenyi isaṟienyi lya Ruwa kulawoṙe iloloma.

Yuda 1:20

Indi nyoe, wakunde, mochikukarisha kui iiṙikyia lyanyu lyikyeri lyiele mnu, na iterewa Mumuyonyi Mweele,