1 Wakorinto 13:13 - Kivunjo New Testament 1999

¹³ Kyasia, wulalu hatsugaa iiṙikyia, ikusuria na ikunda; ishi shiṟaaṟu, na kyiiṙi kya isho kying'anyi kuta shoose nyi ikunda.

1 Wakorinto 13:13 ပူးပေါင်းရင်းမြစ်များ

Luka 10:27

Kagaluo, kagamba, “Kunda Mndumii Ruwa opfo kui ngoo yapfo yoose, na kui mrima opfo oose, na kui pfinya tsapfo tsoose, na kui wuṟango wopfo woose; na momṟasa opfo cha iyoe kumonyi.”

Luka 22:32

Kyaindi ngakuterewia iyoe kundu iiṙikyia lyapfo lyilawe lyifofo; na iyoe ilyi okyiṟo ukarishe wana wa womoo.”

Waroma 15:13

Kyasia-ng'u Ruwa mokusuria namuichuṟe nyoe sia yoose na ufoṟo iiṙikyienyi, kundu muengyeṟikye mnu iwaṙa ikusuria, pfinyenyi tsa Mumuyo Mweele.

1 Wakorinto 14:1

Pfulenyi ikunda, na ikunda mnu iwona shisumbo sha mrimenyi, kyaindi ngoseṟa muiṙime ienengo kyisumbo kyeonguo shisuku.

1 Wakorinto 16:14

Shindo shanyu shoose shiwutikye ikundenyi.

1 Wakorinto 3:14

Iṟunda lya mndu alyiwikyie wuye ya urende-lo lyilanderumatso nyi moṙo, nechiambilyia wori.

1 Wakorinto 8:1

Na mbonyi tsa shindo shaṙasio mafano, luichi kye soe loose luwoṙe wuṟango. Wuṟango wokyeende makushelo, indi ikunda lyekyekarisha iiṙikyia.

1 Wakorinto 8:3

Kyaindi mndu kakunda Ruwa, icho Ruwa namwichi.

2 Wakorinto 5:10

Kyipfa kyalukooya soe loose iloṟo halya kyiṙinyi kya ianduyo kya Kristo, kundu orio mndu naambilyie wori wo shindo alewuta kyimmbiu, chandu alewuta, kye shicha ang'u shiwicho.

2 Wakorinto 5:15

Lyingyi-se nalepfa kyipfa kya woose, kundu wai na moo walawe-se na moo kyipfa kya mrima yawo wawenyi, indi kyipfa kyakye oe alepfa kaṟuka kyipfa kyawo.

Wagalatia 5:6

Kyipfa kyiiṙi kya Kristo Yesu iṙino, maa iṙa iṙino lyiwoṙe kyiira kyoose-pfo, indi iiṙikyia lyekyeṟunda kui ikunda.

Waefeso 1:9

Na ikyi nyikyo kyiterewo kyako, kye ikunda lyiengyeṟikye, wuṟangonyi na imanya lyoose;

Wakolosai 1:27

Iwo Ruwa alekunda iwamanyisha chandu wukyeri wunjana wo mng'ano wo wuṟikyi-wu kyiiṙi kya walya walaiṙikyie Ruwa nawo nyi Kristo mrimenyi konyu, ikusuria lya mng'ano.

Wakolosai 1:5

Kyipfa kya ikusuria mulewikyio kyiseyesoe ruwewu; muleicho mbonyi tsalyo kacha ko mbonyi tsa loi tsa Ndumi Ngyicha;

Wakolosai 3:14

Ngoseṟa ya isho shoose waṙenyi ikunda, lyikyeri nyilyo lyaafutsia iiṙikyia.

1 Watesalonikye 1:3

Maa lokyeṙa ikumbuo iṟunda lyanyu lya iiṙikyia, na wukyiwa wonyu ikundenyi, na wusimiri wonyu na ikusuria lyikyeri kyiiṙi kya Mndumii oṙu Yesu Kristo, mbele ya Ruwa Awu oṙu-pfo.

1 Watesalonikye 5:8

Kyaindi soe lokyewuta shindo cha ilyi orio kyindo kyekyewuto ngyeelenyi, luwaṙe meena, kunu lochiwaṙa iiṙikyia na ikunda na lukusurie nakamwi ikyiṟo nyi Ruwa, na ikyo kyechiwa kyindo kyeringa mṙoe yaṙu ilakapo nyi kyindo.

1 Timoteo 1:5

Kyaindi kyimaṙuma kya iwawaso-lyo nyi ikunda lyiwukyie mrimenyi mwilyi na makusaṟonyi mecha, na iiṙikyia lyilawoṙe wukulembecheṟi.

2 Timoteo 1:7

Kyipfa Ruwa aleluenenga mrima o wuowu-pfo, indi o pfinya na o ikunda na uwoṙe meena.

Waebrania 10:35

Kyasia mulaṙe wukari maa wuṟango wonyu, cha kyipfa wuwoṙe wori wung'anyi.

Waebrania 10:39

Kyaindi soe lukyeri kyiiṙi kya walya waiiya-iya na iṙeka-pfo, indi lukyeri kyiiṙi kya walya wawoṙe iiṙikyia na ikyiṟa mrima yaṙu.

Waebrania 6:11

Na soe lukundi orio umwi onyu naṟingyishie wuragari wulya wulya, mṟasa mafurumionyi;

Waebrania 6:19

Lushiwoṙe cha kyindo kyetirimisha mrima ulakupaaye-paye, kyindo kyiwoṙe wuringyi wung'anyi, kyiwoṙe pfinya, na ulya lokyewika ikusuria lyaṙu nyi Yesu, ulya ekyeiṙa nguwonyi yeshingyia ya hekalu lya ruwewu na halya-ndu ha kyiiṙi haele.

1 Petiro 1:21

Ulya kui oe mowa wandu waiṙikyie Ruwa, alemṟutsa iwuka ko wapfu kamuenenga kyiṟumi; mṟasa iiṙikyia lyanyu na ikusuria lyanyu lyiwe ko Ruwa.

1 Yohane 2:10

Ulya akundi mono-wama okye, nekyekaa ngyeelenyi, maa mrimenyi kokye kuwoṙe kyindo kyetewe-pfo.

1 Yohane 2:14

Ngamuṟeia nyoe waawu, cha kyipfa muichi ulya akyeri pfo wookyia mawookyionyi. Ngamuṟeia nyoe wanakye, cha kyipfa muwoṙe pfinya, na Ṙeṙo lya Ruwa lyikeri mrimenyi konyu, na nyoe mowinga ulya mmbicho.

1 Yohane 2:24

Kyasia nyoe, ikyo mulekyiicho wookyia mawookyionyi, kyikae mrimenyi konyu. Kokooya ikyo mulekyiicho wookyia mawookyionyi kyikyeri mrimenyi konyu na nyoe mochikaa ko Mana, na ko Awu.

1 Yohane 3:3

Na orio mndu awoṙe ikusuria-lyi kui Kristo nekyekuilyisha, chandu oe akyeri mweele.

1 Yohane 3:9

Orio mndu amfee nyi Ruwa ekyewuta sha wunyamaṟi-pfo, kyipfa kyishari kyakye kyikyeri kokye; maa echiiṙima iwuta sha wunyamaṟi-pfo kyipfa namfee iwuka ko Ruwa.