1 Wakorinto 12:9 - Kivunjo New Testament 1999

⁹ Ungyi iiṙikyia Mumuyonyi ulya ulya; na ungyi shisumbo shekyiṟa waluoe Mumuyonyi ulya umwi.

1 Wakorinto 12:9 ပူးပေါင်းရင်းမြစ်များ

Matayo 10:8

Kyiṟenyi waluoe, ṟutsenyi wapfu, yeṟemtsenyi wawoṙo nyi taambo, wutenyi waṟufui wawicho; muleenengo mulaitaa kyindo, enengyienyi mulaitoo kyindo.

Matayo 21:21

Yesu kagaluo, kawawia, “Ny'kyaloi, ngammbia, mukowaṙa iiṙikyia, mulandewe wandu weilacha-ilacha kyilya moiṙikyia, mochiṟunda chi ilyo lya mfumu tupu-pfo, kyaindi maa mukowia fumvu-lyi, ‘Kuluka, uwiyitso ipalyipalyinyi,’ kyechiṟundika.

Mariko 16:18

Wechiwaṙa njoka; maa wakanyo kyindo kya wuṟoi; kyechiwawutia kyindo maa ale-pfo. Wechiyekyia mawoko gawo wuye ya waluoe, nawo wechiwaṙa pfinya.”

Mariko 6:13

Wakafuna waṟufui wawicho wafoi; wakashia mafuṙa wandu wafoi waweluoe, wakawakyiṟa.

Luka 10:9

Kyiṟenyi wandu woose waluoe wakyeri pfo. Wawienyi, ‘Wumangyi wo Ruwa womtikyira kowo.’

Luka 9:2

Kawaṙuma waonguo Wumangyi wo Ruwa, na ikyiṟa waluoe.

Mawuto Ga Wasu 10:38

Mbonyi tsa Yesu awukyie Nasareti, chandu Ruwa alemshumbuo kui Mumuyo Mweele na pfinya; na oe katenga-tenga ipfo na ipfo, echiṟunda iṟunda lyicha na ikyiṟa woose Mokyiriinzi aweiwalyisa wukyiwa; cha kyipfa Ruwa nawekyeri hamwi na oe.

Mawuto Ga Wasu 5:15

na kyikawa kye wandu wawekyefumiṟia wandu waluoe mṟaṟunyi ung'anyi na iwawikyia majamvinyi na makondoṟonyi, kundu ilyi Petiro echicha, maa kyirinje kyakye kyipaaye umwi owo.

1 Wakorinto 12:28

Na Ruwa nawikyie wengyi Siṟinyi, wa kuwooka wasu, wa kawi weonguo shisuku, wa kaṟaaṟu walosha; numa ya iho shindo sheṟiyisha, shisumbo sha ikyiṟa waluoe, na itaramana, na wusongoru, na mbaṟe tsa iṙeṙa mṙeṙie wandu walaiichi.

1 Wakorinto 12:30

Woose wawoṙe shisumbo shekyiṟa waluoe? Woose wekyeṙeṙa mṙeṙie wandu walaiichi? Woose wekyetambuluo mṙeṙie wandu walaiichi?

1 Wakorinto 13:2

Lyingyi-se ngaiṙima ionguo shisuku na imanya shiṟika shoose na wuṟango woose; ngawaṙa iiṙikyia lying'anyi ngaiṙima maa isamiṟa fumvu, kokooya ngyilawoṙe ikunda, inyi chi kyindo-pfo.

2 Wakorinto 4:13

Kyaindi cha kyipfa luwoṙe Mumuyo ulya ulya o iiṙikyia; chandu kyileṟeio, “Ngyileiṙikyia, na kyipfa kya ikyo ngyileṙeṙa.” Soe na soe luiṙikyie, na kyipfa kya ikyo luṙeṙa.

Wafilyipi 2:8

Cha kyipfa mulekyiṟo kui isaṟia, kui njia ya iiṙikyia; chi kui ipfuṟukana lyanyu-pfo, nyi kyisumbo kya Ruwa;

Waebrania 11:33

Walya kui iiṙikyia walewinga ngyuuchilyi tsa wamangyi, walewuta sha wusumganyi, waleambilyia kyaasa, waleshinga maṙumbu ga simba,