1 Wakorinto 12:13 - Kivunjo New Testament 1999

¹³ Cha Kyipfa Mumuyonyi umwi soe loose lulepatiso iwa mmbiu umwi. Kye lui Wayuda, ang'u kye lui Wakyiṟikyi; kokooya lui watumo ang'u wandu lulawachilyie nyi mndu; na soe loose luleletsio Mumuyo umwi.

1 Wakorinto 12:13 ပူးပေါင်းရင်းမြစ်များ

Wafilyipi 4:5

Mndumii umwi, iiṙikyia lyimwi, wupatiso wumwi.

Wakolosai 3:11

Iho kuwoṙe Mkyiṟikyi maa Myuda-pfo, iṙino maa iṙa iṙino-pfo, muyenu maa tondo, mtumo maa ulya alakyeri mtumo-pfo, indi Kristo nyi shoose, na kyiiṙi kya shoose.

Wagalatia 3:28

Kuwoṙe-se Myuda maa Mkyiṟikyi-pfo. Kuwoṙe-se mtumo ang'u alakyeri mtumo-pfo. Kuwoṙe-se mndu msoṟo maa mndu mka-pfo. Kyipfa nyoe moose mowa kyindo kyimwi kyiiṙi kya Kristo Yesu.

1 Petiro 3:21

Mfano o shindo-sho nyi wupatiso, wokyemukyiṟa nyoe taa mfiri ya wulalu; (chi kui iwikyia kuleshi ukoe o mmbiu-pfo, indi kyaasa kyilya lokyewikyia Ruwa kya iafutsia shilya loteṟia, lukyeri wandu wekyeosha Yesu), kui iṟuka lya Yesu Kristo.

Waroma 3:29

Aa ngyesa Ruwa nyi Ruwa o Wayuda tupu? Chi Ruwa o wandu walakyeri Wayuda taa-pfoe? Yee, nyi Ruwa o walakyeri Wayuda taa.

Mawuto Ga Wasu 1:5

kye Yohane nalepatisa kui mṟinga, indi nyoe mochipatiso kui Mumuyo Mweele numa ya mfiri-i ngyaangu.

Yohane 4:10

Yesu kagaluo, kammbia, “Kokooya uweichi kyindo Ruwa ekyeenengyia, na nyi wui aikuwia ‘Ngyienenga mṟinga ngyinyo’, nuwechimterewa oe, na oe nawechikuenenga mṟinga uwoṙe moo.”

Luka 3:16

Yohane nalegaluo kawia woose, “Loi inyi ngyimupatisa kui mṟinga, kyaindi naicha mndu awoṙe pfinya kuta inyi, ngilechiiṙima maa ituruchuo ngowa tsa shiaṙu shakye. Oe nemupatisa kui Mumuyo Mweele na kui moṙo.

Matayo 3:11

Ny'kyaloi inyi ngyimpatisa kui mṟinga kyipfa kya iṙumbuya wunyamaṟi; kyaindi ulya aicha numa yako nawoṙe pfinya kuta inyi, ngyiwaṟi maa iira shiaṙu shakye-pfo; oe nechimpatisa kui Mumuyo Mweele na kui moṙo.

Wafilyipi 5:26

kundu nailyishe Siṟi na iisanja kui mṟinga Ṙeṙonyi.

Yohane 4:14

kyaindi orio mndu echinyo mṟinga ulya ngyechimwenenga inyi echiwoṙo nyoṙa nyi mṟasa mlungana-pfo. Indi mṟinga ulya ngyechimwenenga ochiwa shoka ya mṟinga ochimwenenga moo o mlungana.”

Yohane 3:5

Yesu kamgaluo, “Ny'kyaloi, ngakuwia, mndu alandefeo kui mṟinga na Mumuyo echiiṙima iiṙa na Wumangyinyi wo Ruwa-pfo.

Yohane 1:33

Maa inyi ngyilemmanya-pfo; kyaindi oe alengyiṙuma ipatisa kui mṟinga nalengyiwia, ‘Ulya ochiwona Mumuyo echisoka na iṙamia wuye yakye, icho nyi oe ekyepatisa kui Mumuyo Mweele.’

Wakolosai 1:27

Iwo Ruwa alekunda iwamanyisha chandu wukyeri wunjana wo mng'ano wo wuṟikyi-wu kyiiṙi kya walya walaiṙikyie Ruwa nawo nyi Kristo mrimenyi konyu, ikusuria lya mng'ano.

Wafilyipi 3:6

Kye wandu walaiṙikyie Ruwa nyi weoṟa handu hamwi na soe wa kyioṟa kyimwi, na wa mmbiu umwi, na iambilyia hamwi kilya Ruwa aleteṟia, kyikyeri kyiiṙi kya Kristo Yesu kui njia ya Ndumi Ngyicha.

Wagalatia 3:23

Kyaindi kyiyeri iiṙikyia lyilya lyilawendeche luwewachilyie nyi mawawaso, lukowa cha wandu wakyeri kyipfungonyi, mṟasa kyiyeri kyeiṙikyia Yesu kyechicha, kyiyeri Ruwa echiloṟa.

1 Wakorinto 10:2

Woose wakapatiso wawe wa Mose ipuchinyi na ipalyipalyinyi.

Yohane 6:63

Mumuyo o Ruwa nyi oe ekyeenenga wandu moo, pfinya ya mndu iwoṙe kyiiṙa kyoose-pfo. Mbonyi-tsi ngamuongoya nyi Mumuyo, ngoseṟa nyi moo.

Wafilyipi 6:8

Mochimanya kye orio kyindo kyicha mndu echiwuta neenengo ikyo ikyo nyi Mndumii, kokooya nyi mtumo ang'u ote.

Waroma 4:11

Na oe naleambilyia kyindo-kyi kyeloṟa kye namṙine, iṟingyishia lya wusumganyi wulya wo iiṙikyia awelyiwoṙe alandeṙino. Naiṙime iwa awu o woose waiṙikyie, maa chandu walawaṙine, kundu nawo wawetalyio wusumganyi taa.

Yohane 1:16

Kyipfa awoṙe mboṟa tsifoi soe loose luleambilyia isaṟia lying'anyi.

Waroma 3:22

Nyi wusumganyi wo Ruwa wukyeri kui njia ya iiṙikyia kyiiṙi kya Yesu Kristo ko woose waiṙikyie. Kyipfa kuwoṙe kya mbaṟe ingyi-pfo.