11 Kyaindi maṟunda-ga goose gekyeṟundo nyi Mumuyo-cho umwi, ulya ekyegawia orio mndu chandu akundi oe.
Yee, loi, Awu, kyipfa nyi wuṙo kyilechihiṟa mbele yapfo.”
Chi sungusinyi iwuta na shilya shii shako chandu ngyikundi-pfoe? Ang'u riso lyapfo lyanyeng'a kyipfa kya inyi iwa mcha?’
Yohane kagaluo, kagamba, “Kuwoṙe mndu echiiṙima imanya kyindo kyoose sile Ruwa amwenenga wuiṙimi-pfo.
Mkuma okyekuma handu ukundi, na ṟui lya mkuma-cho nokyelyiicho, kyaindi uichi kundu owuka ang'u uiyenda-pfo. Na wuṙo mbonyi tsa orio mndu afeo kui Mumuyo.”
Kyipfa chandu Awu ekyeṟutsa wapfu na iwaenenga moo, na wuṙo Mana echienenga moo walya akundi iwawutia kuṙo.
Kyasia cha kyipfa luwoṙe shisumbo sha orio mndu mbaṟe yakye, iṙuana na chandu luleenengo isaṟia; kokooya nyi ionguo shisuku, luonguo shisuku iṙuana na iiṙikyia.
Kyasia, kokooya nyi wuṙo, akunda imhooṟia nekyemhooṟia, na akunda imwenenga mrima muumu nekyemgaluo muumu.
Indi Ruwa nawikyie shiwungo orio kyimwi mmbiunyi chandu alekunda.
Kyasia kuwoṙe mbaṟe tsifoi tsa shisumbo indi Mumuyo nyi ulya ulya.
Naaho-ng'u kuwoṙe mbaṟe tsifoi tseṟunda, indi Ruwa nyi ulya ulya ekyeṟunda maṟunda goose kyiiṙi kya woose.
Kyaindi chandu Ruwa alegawia orio mndu, na chandu Ruwa alelaga orio mndu, nawute kuṙo. Nyi wuṙo ngawia siṟi tsoose.
Indi kyindo ngyikundi nyi kye wandu woose wawe chandu inyi ngyikyeri. Kyaindi orio mndu nawoṙe kyienengo kyakye amonyi kyiwukyie ko Ruwa, ichu kuṙi na ichu kuṙi.
Kyaindi soe luikushela ngoseṟa ya chandu kyiwaṟi koṙu-pfo; indi chandu kyiwaṟi kyiyeṟo kyilya kyikyiwikye nyi Ruwa, nakyo nyi ishika mṟasa konyu.
Na kyiiṙi kyakye soe taa lulewiko kyioṟa, kunu lochisambuṟo wookyia mawookyionyi iṙuana na kyilya oe akundi, ekyewuta shindo shoose iṙuana na kyilya akundi.
Kyaindi orio umwi oṙu naleenengo isaṟia iṙuana na kyiyeṟo kya kyisumbo kya Kristo.
Ruwa na oe echiṟingyishia hamwi nawo kui ṟigo na shiṟiyisho na pfinya tsa mbaṟe tsifoi, na kui igawa shisumbo sha Mumuyo Mweele, chandu alekunda oe amonyi.
Kui ikunda lyakye amonyi nalelufee kui Ṙeṙo lya loi, luwe cha wana wawagumbe nyi oe.