1 Wakorinto 12:10 - Kivunjo New Testament 1999

¹⁰ Na ungyi mawuto ya maṟiyisho; na ungyi ionguo shisuku na ungyi wuiṙimi wo manya nyi shisumbo shiha shiwukyie ko Mumuyo na nyi shiha shilawukyie ko Mumuyo; ungyi mbaṟe tsa mṙeṙie wandu walaiichi; na ungyi itambaluo mṙeṙie wandu walaiichi.

1 Wakorinto 12:10 ပူးပေါင်းရင်းမြစ်များ

Mariko 16:17

Na shiṟingyishio-shi shechioshana na iwo waiṙikyie. Kui rina lyako wechifuna waṟufui wawicho; wechiṙeṙa kui mṙeṙie ngyihya.

Mariko 16:20

Na walya wakafuma, wakaonguo Ndumi Ngyicha kundu koose, Mndumii echiṟunda maṟunda hamwi nawo, na iṟingyishia mbonyi tsilya kui shiṟingyishio shileoshana natso.]

Luka 24:49

Na inyi ngyimuendie kyaasa kya Awu oko; kyaindi ṙionyi kunu mṟinyi, mṟasa muṟiko pfinya tsiwukyie wuye.”

Yohane 14:12

Ny'kyaloi ngammbia, ulya angyiiṙikyia inyi, shindo shilya ngyiwuta, na oe nechishiwuta; yee, na shing'anyi kuta isho nechiwuta cha kyipfa inyi ngyiyenda ko Awu.

Yohane 16:13

Kyaindi kyiyeri oe echicha, Mumuyo-cho o loi, nechimusongoya, namushukuye wuloi woose; cha kyipfa echiṙeṙa kui wuchilyi wokye amonyi-pfo, indi shoose echiicho neshionguo, na shindo shiicha nechimuongoya mbonyi tsakye.

Mawuto Ga Wasu 1:8

Kyaindi mochiambilyia pfinya, Mumuyo Mweele kamcha na konyu, na nyoe mochingyiṟingyishia Yerusalemu, na urukyenyi loose lo Wayuda, na Samaria, mṟasa matsitsionyi ga uruka.”

Mawuto Ga Wasu 11:27

Mfiri iya iya weonguo shisuku walewuka Yerusalemu wakasoka na Antiokyia.

Mawuto Ga Wasu 11:28

Na kyiyeri lulesanzia handu hamwi, umwi owo ekyelago Agabo kagoṟoka, kaloṟa kui wuiṙimi wo Mumuyo Mweele kye njaa ing'anyi yeecha mfiri ya kufuhi wuyanenyi koose; na njaa-yo ikacha kyiyeri Kyilaudio awewoṙe uruka.

Mawuto Ga Wasu 19:6

Na Paulo, amwayekyie mawoko, Mumuyo Mweele kasokyia wuye yawo; wakawooka iṙeṙa kui mṙeṙie ngyihya na ionguo shisuku.

Mawuto Ga Wasu 5:3

Petiro kagamba, “Anania, ny'kyilyi Satana aichuṟa mrima opfo iwia Mumuyo Mweele wongo, na iṟika kyifunjoe kya woguru wulya wo ṙema?

Waroma 12:6

Kyasia cha kyipfa luwoṙe shisumbo sha orio mndu mbaṟe yakye, iṙuana na chandu luleenengo isaṟia; kokooya nyi ionguo shisuku, luonguo shisuku iṙuana na iiṙikyia.

Waroma 15:19

kui pfinya tsa kyiṟingyishio na maṟiyisho, pfinyenyi tsa Mumuyo Mweele; mṟasa kyikawa wookyia Yerusalemu, na mṟasenyi mṟasa Ilyiriko, ngamwonguo Ndumi Ngyicha ya Kristo chandu kyiwaṟi.

1 Wakorinto 11:4

Orio mndu msoṟo kyiyeri aiterewa Ruwa, ang'u kyiyeri aiṙeṙa mbele ya wandu, na oe namshikyie mṙoe, nairiisa mṟoe okye sonu.

1 Wakorinto 13:8

Ikunda lyekyekaa mlungana; indi kuwoṙe ionguo shisuku ionguo-lyo lyechiiṙa. Kukowaṙa iṙeṙa mṙeṙie wandu walaiichi mṙeṙie-yo yechisia. Kukowaṙa ngyuuṟango, tsechisia.

1 Wakorinto 14:13

Kyipfa kya ikyo ulya ekyeṙeṙa kui mṙeṙie wandu walaiichi naterewe ienengo wuiṙimi wo itambuluo.

1 Wakorinto 14:39

Kyipfa kya ikyo, wana wa wama, kundenyi mnu ienengo ionguo shisuku, maa mulashingyie iṙeṙa kui mṙeṙie wandu walaiichi.

Wagalatia 3:5

Kyasia, ulya ekyemuenenga Mumuyo na iwuta shindo sha maṟiyisho kyiiṙi kyanyu, ngyesa nekyewuta kuṙo kui mawuto ga mawawaso, ang'u kui iicho Ndumi Ngyicha yekyeende iiṙikyia Yesu?

1 Watesalonikye 5:20

mulamine ionguo shisuku;

Waebrania 2:4

Ruwa na oe echiṟingyishia hamwi nawo kui ṟigo na shiṟiyisho na pfinya tsa mbaṟe tsifoi, na kui igawa shisumbo sha Mumuyo Mweele, chandu alekunda oe amonyi.

1 Yohane 4:1

Wakunde, mulaiṙikyie orio mndu agamba kye nawoṙe Mumuyo, indi wayeshenyi mumanye kokooya mumuyo-yo waigamba wawoṙe iwukyie ko Ruwa; cha kyipfa weonguo shisuku wa wongo wafoi wammboneka wuyanenyi.

Ulogo 2:2

Ngyiichi mawuto gapfo, na wukyiwa wopfo, na iweṙelyia lyapfo, na kye oiṙima ikaa na wandu wawicho-pfo. Lyingyi-se nuleyesha walya wekyegamba kye wo nyi wasu, nawo chi wasu-pfo, kowona kye wekyeṙeṙa wongo.