1 Wakorinto 11:34 - Kivunjo New Testament 1999

³⁴ Mndu kawoṙo nyi njaa, nalye kanyi kokye; kundu kyiyeri-kyo mosanzia handu hamwi mulachewuta shindo shechienenga Ruwa imuolotsia ngapo yakye. Na isho shatsugaa ngyechishiachikyia kyiyeri-kyo ngyechicha.

1 Wakorinto 11:34 ပူးပေါင်းရင်းမြစ်များ

1 Wakorinto 11:33

Koikyo, wana wa wama wako, kyiyeri mosanzia handu hamwi muiṙime ilya, muweṙane.

1 Wakorinto 16:1

Ko mbonyi tsa isania heleri tsetarama wandu wa Ruwa walya waiṙikyie Yesu, chandu ngyilewia siṟi tsa Galatia, na nyoe wutenyi kuṙo.

1 Wakorinto 16:2

Orio mfiri o Ruwa orio mndu konyu nakoome kyiseyesoe, iṙuana na chandu awona; kundu heleri-tso tsilasanio kyiyeri ngyechicha.

1 Wakorinto 16:5

Kyaindi ngyechicha na konyu, ngamuiṙia uruka lo Makyedonia; kyipfa ngyiiṙia Makyedonia.

1 Wakorinto 4:17

Kyipfa kya ikyo ngaṙuma Timoteo konyu, akyeri mono-ko mkunde, ekyeafutsia shilya ateṟia kyiiṙi kya Mndumii, echimukumbuṟa njia tsako tsoose tsikyeri kyiiṙi kya Kristo, chandu ngyekyelosha orio handu kyiiṙi kya orio siṟi.

1 Wakorinto 4:19

Kyaindi ngyechicha iwinyi, kokooya ngaringo, na inyi ngyechimanya, chi shindo sha walya walekushela tupu-pfo, indi na pfinya tsawo.

1 Wakorinto 7:17

Kyaindi chandu Ruwa alegawia orio mndu, na chandu Ruwa alelaga orio mndu, nawute kuṙo. Nyi wuṙo ngawia siṟi tsoose.

Tito 1:5

Kyipfa kya ikyo ngyilekuṙa Kyirete, kundu uachikyie shindo shilya shiwewaṟi iachikyio, na iwika wameeku wa siṟi kyiiṙi kya orio mṟi chandu ngyilekuwia,