1 Wakorinto 11:22 - Kivunjo New Testament 1999

²² Ngyesa muwoṙe numba yelyiia kyelya kya Mndumii na yenyooya shindo shenanza-pfoe? Ang'u mumina Siṟi ya Mndumii, na iriisa sonu iwo walawoṙe kyindo? Ngyimmbie? Ngyimuiring'ishe nyoe? Ote! Ngyimuiring'isha kyipfa kya isho-pfo.

1 Wakorinto 11:22 ပူးပေါင်းရင်းမြစ်များ

Mawuto Ga Wasu 20:28

Ringyenyi mrima yanyu, na poo-lyo lyoose, lyilya Mumuyo Mweele alemusambuṟa nyoe mulyiambuye, muiṙime ienenga Siṟi yakye kando, Siṟi aleigaluo yakye amonyi kui upfu lokye.

1 Wakorinto 10:32

Maa mulatewe Wayuda maa Wakyiṟikyi maa siṟi ya Ruwa wawute kyindo kyiwicho.

1 Wakorinto 11:17

Kyaindi kyiiṙi kya immbia ishi, ngyimuiṟing'isha nyoe-pfo, kyipfa kyiyeri-kyo mokyesanzia handu hamwi mokyewuta kuṙo kyipfa kya wucha-pfo indi kyipfa kya wuwicho.

1 Wakorinto 11:2

Kyasia ngyimuiring'isha nyoe, cha kyipfa mulengyikumbuo shindonyi shoose, na nyoe muleosha shilya muleambilyia ko waku wanyu wuṙo chandu ngyilemuenengyia shilya ngyileambilyia.

1 Wakorinto 11:34

Mndu kawoṙo nyi njaa, nalye kanyi kokye; kundu kyiyeri-kyo mosanzia handu hamwi mulachewuta shindo shechienenga Ruwa imuolotsia ngapo yakye. Na isho shatsugaa ngyechishiachikyia kyiyeri-kyo ngyechicha.

1 Wakorinto 15:9

Kyipfa inyi ngyimtutu kuta wasu woose, ngyilawaṟi ilago msu, cha kyipfa ngyilelyisa Siṟi ya Ruwa wukyiwa.

1 Timoteo 3:15

Kyaindi ngakyelyio, umanye chandu kyiwaṟi wandu iwuta kyiyeri-kyo wakyeri numbenyi ya Ruwa, ikyeri Siṟi ya Mndumii ai na moo, ngoe na urende lo loi.

1 Timoteo 3:5

(kyimwi na igamba, mndu alawoṙe wuiṙimi wo ichilyia kanyi kokye, neiṙima kuṙa iambuya Siṟi ya Ruwa?)