1 Wakorinto 11:19 - Kivunjo New Testament 1999

¹⁹ cha kyipfa kyiwaṟi konyu kuwaṙe iṙeṙa wongo; kundu walya wawalage loi wamanyikye konyu.

1 Wakorinto 11:19 ပူးပေါင်းရင်းမြစ်များ

Matayo 18:7

Ochia nyi lo wuyana kyipfa kya shindo shetewe! Kyipfa shindo shetewe icha shechicha; kyaindi ochia lokye mndu ulya aende kyindo kyetewe!

Luka 17:1

Kawia wanalosho wakye, “Shindo shetewe shiwaṟi icha, kyaindi ochia lo mndu ulya shiicha kyipfa kyakye!

Luka 2:35

Na iyoe kumonyi, kyechiwa cha ilyi ushu loiṙa na mrimenyi kopfo, kundu mrima ya wandu wafoi igalutso.”

Mawuto Ga Wasu 15:5

Kyaindi wandu waata wawekyeri miiṙikyienyi ya Mafarisayo waweiṙikyie wakagoṟoka, wechigamba, “Kyiwaṟi iwaṙina na iwawia waoshe uwawaso lo Mose!”

Mawuto Ga Wasu 20:30

Lyingyi-se kyiiṙi kyanyu nyoe kochiwuka wandu, wechiṙeṙa shindo sha wuṙetsi, walembe wanalosho wakae ura lowo.

Mawuto Ga Wasu 24:14

Indi kyindo ngyigamba kopfo nyi kye kui Njia iya ya Mndumii waigamba nyi ya wongo, ngyekyeindia Ruwa o waku waṙu, ngyiiṙikyie shoose shiṙuṙanyi na uwawaso na shilya shishiṟeie shitapunyi sha weonguo shisuku.

Mawuto Ga Wasu 24:5

Cha kyipfa lowona mndu-chu kye namlang'a, nekyewooka wuṟiingyi kyiiṙi kya Wayuda woose wuyanenyi; lyingyi-se nyi msongoru o mwiṙikyie o Wanasorayo.

Mawuto Ga Wasu 26:5

wangyiichi mnu wookyia mawookyionyi, kokooya wakunda iṟingyishia, kye ngyiwekyeri Mfarisayo kui iosha mawawaso gaṙu ga iindia Ruwa kulawoṙe iloloma maa ale.

Mawuto Ga Wasu 28:22

Kyaindi lukundi iicho chandu uwonyi iyoe; cha kyipfa mbonyi tsa wandu-wa iyoe ukyeri umwi owo kyimanyikyie koṙu kye tsiṙeṙe uwicho orio handu.”

Mawuto Ga Wasu 5:17

Mkohanyi ang'anyi kuta woose kafuma na wandu woose wawekyeri hamwi na oe (iwo nyi walya wawekyechilyia hamwi na Masadukayo), wawoṙo nyi wunyenyi.

1 Wakorinto 11:20

Kyasia kyiyeri mosanzia handu hamwi moiṙima ilya kyilaayo kya Mndumii-pfo;

2 Wakorinto 12:20

Kyipfa ngiowuo, ngyilachemukooya chandu ngyilakundi imukooya mukongyiwona konyu chandu mulawekusurie ingyiwona ngyilachekooya kofia nyi wuṟiingyi na wunyeng'i, na nyashi, na maluyano, na iiriana wongo, na iṙeṙana, na makushelo, na kyituṟu.

Wagalatia 5:20

iindia mafano, wusawi, isuana, iluyana, wunyeng'i, nyashi, wuṟiingyi, nduutsano, iṙeṙa wongo.

Tito 3:10

Mndu ekyelosha shindo sha wongo komumṙeṙia lya kuwooka na lya kawi, mlege;

1 Yohane 2:19

Walewuka koṙu, indi wawei wa koṙu-pfo. Kyipfa kokooya wawei wa koṙu, wawekaa hamwi na soe. Kyaindi walecha kundu waloṟo kye chi woose wai wa koṙu-pfo.