1 Wakorinto 10:7 - Kivunjo New Testament 1999

⁷ Maa mulawe weindia mafano, chandu wengyi nawo wawekyeri; chandu kyikyiṟeie, “Wandu waleṙamia ilya na inyo, na numa ya iho wakagoṟoka wateme.”

1 Wakorinto 10:7 ပူးပေါင်းရင်းမြစ်များ

Mawuto Ga Wasu 15:20

Indi luwaṟeie paruo kye wakushowe na ukoe lo mafano, na wuṟui, na nyama tsa mando gapfa kui ipfumbo, na samu.

1 Wakorinto 10:14

Kyipfa kya ikyo, wakunde wako, kushowenyi na iindia mafano.

1 Wakorinto 5:11

Kyaindi, chandu mbonyi tsikyeri, ngyilemuṟeia kye mulakusanze-sanze na mndu oose ekyegamba oe nyi mndu aiṙikyie Ruwa, kokooya nyi mṟui ang'u nawoṙe wulanga ang'u nekyeindia mafano ang'u nekyelahia ang'u nekyenango ang'u msokyi; mndu o mbaṟe-i mulaiṙikyie maa ilya na oe.

1 Wakorinto 6:9

Ang'u muichi kye wandu wawicho wechioṟa Wumangyi wo Ruwa-pfo? Maa mulakulembe. Waṟui wechioṟa Wumangyi wo Ruwa-pfo. Maa wekyeindia mafano, maa wekyewuta shindo shiwicho na wandu wa nguwo tsawo,

1 Wakorinto 8:7

Indi wuṟango-wu wukyeri ko wandu woose-pfo. Kyaindi wengyi kui iichiwia ifano lyilya wekyelya cha ilyi nyi kyindo kyikyiṙasie mafano, wuṟango wowo wo imanya kyicha na kyiwicho wuwufofo, na wekyefana kyimṟumoe.

1 Yohane 5:21

Wana wako, wikyienyi mrima yanyu kuleshi na mafano.