1 Wakorinto 10:31 - Kivunjo New Testament 1999

³¹ Kyasia, kyiyeri muilya, ang'u muinyo, ang'u muiwuta kyindo kyoose, wutenyi kuṙo kui ienenga Ruwa kyiṟumi.

1 Wakorinto 10:31 ပူးပေါင်းရင်းမြစ်များ

Luka 11:41

Kyaindi wutenyi kyiano shilya sha kyanumba, na shoose shechiwa shicha konyu.

1 Wakorinto 7:34

Lyingyi-se mana o kyika chi kyimwi na mndu mka mwalyikye-pfo. Ulya alamwalyikye nekyekuwinisha na mbonyi tsa Mndumii, naiṙime iwa mweele kyimmbiu na kyimrima. Kyaindi ulya amwalyikye nekyekuwinisha na mbonyi tsa wuyana-wu, chandu echichihiṟa mii okye.

Wakolosai 3:17

Na orio kyindo mochiwuta, kui ṙeṙo ang'u kui iṟunda, wutenyi shoose rinenyi lya Mndumii Yesu, mochiana Ruwa Awu kui oe.

Wakolosai 3:23

Kyoose mochiwuta, wutenyi kui mrima, cha iṟundia Mndumii, maa chi cha iwutia wandu-pfo,

1 Petiro 4:11

Mndu kaṙeṙa, naṙeṙe chandu Ruwa akundi; mndu kaṟunda, naṟunde kui pfinya amwenengye nyi Ruwa; kundu Ruwa naṟumisho shindonyi shoose kui Yesu Kristo. Kyiṟumi na pfinya shikae na oe mlungana na mlungana. Amen.