1 Wakorinto 10:27 - Kivunjo New Testament 1999

²⁷ Na mndu alaiṙikyie Ruwa kakunda muyende kanyi kokye, na nyoe mukokunda iyenda, lyenyi orio kyindo moenengo kulawoṙe iwesa-awesa; maa mulaikulyisa wukyiwa mrimenyi kui ikusaṟa nyi kyiha kyii kyicha na nyi kyiha kyii kyiwicho.

1 Wakorinto 10:27 ပူးပေါင်းရင်းမြစ်များ

Luka 15:23

Endenyi ngache iya ngyinoru muishinje; na soe lulye na ichihiyo.

Luka 19:7

Lyilya wandu walewona, walenunuwa woose, wechigamba, “Nayenda kanyi ko mndu mnyamaṟi.”

1 Wakorinto 10:25

Orio kyindo kyekyekumbo sangaṙa lyenyi kulawoṙe iwesa-wesa; maa mulaikulyisa wukyiwa mrimenyi kui ikusaṟa nyi kyiha kyii kyicha na nyi kyiha kyii kyiwicho.

2 Wakorinto 1:13

Kyipfa luimuṟeia nyoe kyindo, sile kyilya muisoma, na ikyiṟingyishia-pfo; na inyi ngyikusurie kye mochiṟingyishia isho mṟasa mafurumionyi.

2 Wakorinto 4:2

Kyaindi lulelega mbonyi tsa sonu tsikuṟiikyie, maa luichumia kui mtambo-pfo, maa isanza-sanza Ṙeṙo lya Ruwa na wongo, indi kui iṟingyishia loi lukuloṟa kye luwoṙe wusumganyi, kyilya mrima ya wandu iwonyi kye kyikyicha kyeluṟingyishia mbele ya Ruwa.

2 Wakorinto 5:11

Kyasia lukomanya iowuo Ruwa, lukuruo wandu; indi loṟingyishio mbele ya Ruwa. Na inyi ngyikusurie kye luwaṟingyishie mrimenyi konyu taa.