1 Wakorinto 10:14 - Kivunjo New Testament 1999

¹⁴ Kyipfa kya ikyo, wakunde wako, kushowenyi na iindia mafano.

1 Wakorinto 10:14 ပူးပေါင်းရင်းမြစ်များ

Mawuto Ga Wasu 15:20

Indi luwaṟeie paruo kye wakushowe na ukoe lo mafano, na wuṟui, na nyama tsa mando gapfa kui ipfumbo, na samu.

Waroma 12:19

Wakunde, maa mulatae kyiṟaache, indi seiyenyi nyashi ya Ruwa; kyipfa kyikyiṟeie, “Kyiṟaache nyi kyako inyi; inyi ngyetaa,” Mndumii nagamba.

1 Wakorinto 10:15

Ngyigamba kuṙo kyipfa ngyiṙeṙa na wandu waṟango. Ngyimuitika iiṙikyia ishi ngyigamba-pfo; indi kusaṟenyi nyoe muwenyi.

1 Wakorinto 10:19

Kyasia ngyigambe kyi? Kye kyilya kyaṙasio mafano nyi kyindo? Ang'u kye mafano nyi kyindo?

1 Wakorinto 10:7

Maa mulawe weindia mafano, chandu wengyi nawo wawekyeri; chandu kyikyiṟeie, “Wandu waleṙamia ilya na inyo, na numa ya iho wakagoṟoka wateme.”

1 Wakorinto 5:11

Kyaindi, chandu mbonyi tsikyeri, ngyilemuṟeia kye mulakusanze-sanze na mndu oose ekyegamba oe nyi mndu aiṙikyie Ruwa, kokooya nyi mṟui ang'u nawoṙe wulanga ang'u nekyeindia mafano ang'u nekyelahia ang'u nekyenango ang'u msokyi; mndu o mbaṟe-i mulaiṙikyie maa ilya na oe.

2 Wakorinto 11:11

Kyitewe ny' kyi? Ngyesa nyi kyipfa nygilamukundi nyoe? Ruwa naichi.

2 Wakorinto 12:15

Na inyi kui sia ing'anyi ngyikuṟeyeṟie iwuta kyoose ngyiwoṙe, maa ikuwuta inyi ngyimonyi kyipfa kya mrima yanyu. Ngyesa mongyikunda kyitutu kyipfa kya ilyi inyi ngyimukundi mnu-pfoe?

2 Wakorinto 12:19

Mokusaṟa kye maa wulalu luṙeṙa mbonyi tsekuringa konyu! Mbele ya Ruwa luiṙeṙa kyiiṙi kya Kristo. Na isho shoose, wakunde, nyi kyipfa kya imukarisha nyoe.

2 Wakorinto 6:17

Koikyo, “Wukyenyi kyiiṙi kyawo, mukae kuleshi nawo, Mndumii nagamba, Maa mulapaaye kyindo kyifanyi, na inyi ngyemuambilyia.

2 Wakorinto 7:1

Kyasia-ng'u, wakunde wako, cha kyipfa luwoṙe shaasa-sho, lusanje mrima-i yaṙu ilekane na ukoe loose lo mmbiu na mrima, kunu lochiafutsia wuele kui iindia Ruwa.

Waefeso 4:1

Kyasia, wana wa wama wako, wakunde wako, ngyiwoṙe ilanga lying'anyi kyipfa kyanyu, sia yako na iṟikoso lyako, koikyo goṟokyenyi kyiiṙi kya Mndumii kulawoṙe iloloma, wakunde wako.

Filemon 1:1

Inyi Paulo, mpfungo o Kristo Yesu, na Timoteo akyeri mono-wama oṙu, ngaṟeia paruo-i ko Filemon, mkunde oṙu, mṟundi hamwi na soe,

Waebrania 6:9

Kyaindi, wakunde, maa chandu lokyeonguo isho, mbonyinyi tsanyu luleiṙikyia mbonyi ngyicha ngoseṟa, na tsiwoṙe wukyiṟo.

1 Petiro 2:11

Wakunde, ngyimuterewa cha wandu waiiṙa na wakyaro, lekanenyi na lango tsa mmbiu tsekyewingana na mrima.

1 Yohane 5:21

Wana wako, wikyienyi mrima yanyu kuleshi na mafano.

Ulogo 13:8

Na wandu woose wekyekaa urukyenyi wechilyiterewa na ilyiindia, orio mndu rina lyakye lyilalyiṟeie kyitapunyi kya moo kya Kyiondo kya Ruwa, kyileshinjo wookyia wuyana wulagumbo.

Ulogo 2:14

Kyaindi ngyiwoṙe mbonyi ngyaangu kyipfa kyapfo, cha kyipfa nuwoṙe pfo wandu wekyeosha malosho ga Balaamu, ulya alelosha Balakyi nawikye kyindo kyetewe Waisiraelyi, kye walye shindo shileṙasio mafano na iwuta shindo sha wuṟui.

Ulogo 21:8

Indi waowu, na walawoṙe iiṙikyia, na wekyewuta mawicho, na wawaagi, na waṟui, na wasawi, na iwo wekyeterewa na iindia mafano, na woose wekyeṙeṙa wongo, ṙombo lyawo nyi kulya iruwenyi lyekyeaka moṙo na kyipiriti. Ilu nyilo upfu lo kawi.”

Ulogo 22:15

Ipfo nja kuwoṙe shite, na wasawi, na waṟui, na wawaagi, na iwo wekyeterewa na iindia mafano, na orio mndu akundi wongo na iṙeṙa wongo.