1 Wakorinto 1:5 - Kivunjo New Testament 1999

⁵ Kyipfa kyiiṙi kya orio kyindo mulewa wanjama kyiiṙi kyakye, mbonyinyi tsoose, na wuṟangonyi woose.

1 Wakorinto 1:5 ပူးပေါင်းရင်းမြစ်များ

Mawuto Ga Wasu 2:4

Woose wakaichuṟo nyi Mumuyo Mweele, wakawooka iṙeṙa kui mṙeṙie ingyi, chandu Mumuyo alewaenenga wuiṙimi.

Waroma 11:12

Kyasia, kokooya ṙeko lyawo lyawa nyi wunjama wo wuyana, na wufofo wowo wo kyimrima wuleende mboṟa ing'anyi ko wandu wa masanga wengyi, ngyesa kyechiwa ngoseṟa iafutsia lyawo-pfoe?

Waroma 15:14

Wana wa wama wako, inyi ngyimonyi ngyileṟingyishio kui mbonyi tsanyu kye mui wandu wecha, muwaenengye wuṟango woose; lyingyi-se moiṙima itutumana.

Waroma 15:4

Cha kyipfa shoose shilesonguo iṟeio shileṟeio kundu shiluloshe soe; kundu kui wusimiri na iwiyiṟio moo lya shiṟeio luiṙime iwaṙa ikusuria.

1 Wakorinto 12:10

Na ungyi mawuto ya maṟiyisho; na ungyi ionguo shisuku na ungyi wuiṙimi wo manya nyi shisumbo shiha shiwukyie ko Mumuyo na nyi shiha shilawukyie ko Mumuyo; ungyi mbaṟe tsa mṙeṙie wandu walaiichi; na ungyi itambaluo mṙeṙie wandu walaiichi.

1 Wakorinto 12:8

Kyipfa mndu umwi kui Mumuyo namwenengye wunyotsu; na ungyi iṙeṙa kui wuṟango chandu Mumuyo ulya ulya akundi.

1 Wakorinto 13:2

Lyingyi-se ngaiṙima ionguo shisuku na imanya shiṟika shoose na wuṟango woose; ngawaṙa iiṙikyia lying'anyi ngaiṙima maa isamiṟa fumvu, kokooya ngyilawoṙe ikunda, inyi chi kyindo-pfo.

1 Wakorinto 13:8

Ikunda lyekyekaa mlungana; indi kuwoṙe ionguo shisuku ionguo-lyo lyechiiṙa. Kukowaṙa iṙeṙa mṙeṙie wandu walaiichi mṙeṙie-yo yechisia. Kukowaṙa ngyuuṟango, tsechisia.

1 Wakorinto 14:26

Kyasia, wana wa wama, kyawa kuṙa? Kyiyeri-kyo mosanzia handu hamwi, orio umwi nawoṙe Kyiimbo, nawoṙe malosho, nawoṙe kyindo Ruwa amshukuya, nawoṙe mṙeṙie wandu walaiichi, nawoṙe itambuluo mṙeṙie iya wandu walaiichi. Shindo shoose shiwutikye kui kyimaṙuma kya ikarisha iiṙikyia.

1 Wakorinto 8:11

Na ulya amfofo nechirumatso kui wuṟango wopfo, na oe nyi mndu Kristo alepfa kyipfa kyakye.

2 Wakorinto 4:6

Cha kyipfa Ruwa, icho alegamba, “Ngyeela yewaa iwuka meemenyi,” nyi oe alewaa mrimenyi koṙu, naluenengye ngyeela ya wuṟango wo mng'ano o Ruwa kyaamunyi kya Yesu Kristo.

2 Wakorinto 6:10

Cha wandu wawoṙo nyi fowa, indi mfiri yoose luwoṙe sia; cha wakyiwa indi lochiiritsa wafoi; cha walawoṙe kyindo, indi luwoṙe shido shoose.

2 Wakorinto 8:7

Kyaindi chandu muwoṙe shindo shifoi, iiṙikyia, iṙeṙa, na wuṟango, na wuragari woose, na ikunda lyanyu koṙu soe; kyasia na wuṙo muambilyie wuingyi wo isaṟia-lyi taa.

2 Wakorinto 9:11

Mochiiritso shindonyi shoose muiṙime iwaṙa ilekyia lyoose, lyekyeenenga Ruwa wandu wafoi waimmbia haika kyipfa kya shienengo shanyu wekyeambilyia iwuka koṙu.

Wafilyipi 1:17

Ruwa o Mndumii oṙu Yesu Kristo, Awu o mng'ano, namuenengye nyoe Mumuyo o wunyotsu na o ishukuyo kui Mumuyo kyiiṙi kya immanya oe.

Wafilyipi 2:7

Kundu kyiiṙi kya shiyeri-sho shiicha naloṟe ielewetsa lya isaṟia lyakye kui wucha wokye koṙu soe kyiiṙi kya Kristo Yesu.

Wafilyipi 3:8

Inyi, ngyikyeri mtutu kuta ulya akyeri mtutu o wandu wa Ruwa woose, ngyileenengo isaṟia-lyi lyeongoya wandu walaiṙikyie Ruwa wunjama wo Kristo wulekyeiṙima iyeṟo;

Wafilyipi 6:19

na kyipfa kyako taa, ngyienengo pfinya yeonguo kundu ngyiiṙime iloṟa wandu kyiṟika kyilya kya Ndumi Ngyicha.

Waefeso 1:9

Na ikyi nyikyo kyiterewo kyako, kye ikunda lyiengyeṟikye, wuṟangonyi na imanya lyoose;

Wakolosai 2:3

akyeri kye kyiiṙi kyakye oe shiseyesoe shoose sha wuṟango na imanya shishiṟikye.

Wakolosai 3:10

mochiṟaa mkaṟo mhya. Ikyi nyikyo kyindo kyihya Ruwa ulya alekyigumba aikyigumba orio mfiri kui mfano okye, kundu namuenengye pfinya ya immanya nakamwi.

Yakobo 3:13

Nyi wui awoṙe wuṟango na imanya konyu? Naloṟe maṟunda gakye kui wuyendelyi wokye mcha, wuhoonyi wo wuṟango.

2 Petiro 3:18

Kyaindi ng'anenyi isaṟienyi, na kyiiṙi kya imanya Mndumii oṙu na Mkyiṟa Yesu Kristo. Mng'ano ui kokye wulalu na mlungana.